මේෂ

පවුලේ සැපතට වෙහෙසේ

පවුලේ දියුණුව සම්බන්ධ වෙනදාට වඩා සොයා බලා කටයුතු කළ යුතු සතියක් වන අතර මේ සතියේ සඳු ග්‍රහයා 5,6,7 යන භාවයන් මතින් ගමන් කරයි.

ගෘහ ජීවිතය

පොරොන්දු ගිවිසුමක් සාර්ථක කරන කාලයකි. පවුලේ සැපත, සතුට වෙනුවෙන් වෙහෙසෙන බවක් පෙනේ. පවුලට අලුත් සාමාජිකයකු එක්වන බවක් පෙන්නුම් කරයි. දරුලාභ අපේක්ෂාවෙන් සිටින අයට සුබදායකයි. ප්‍රමාද වූ කටයුතු කීපයක් සාර්ථක කර ගැනීමට අවස්ථාව උදා කරයි.

රැකියාව

රැකියාවේ කටයුතු සම්බන්ධ වෙහෙසීම් වැඩි කරයි. තනතුරු වෙනසක් හෝ ස්ථාන වෙනසක් සිදුවිය හැකි කාලයකි. සුළු සුළු ස්වයං රැකියා කටයුතුවලට යොමුවිය හැකි කාලයකි. එමෙන්ම ශාරීරික වෙහෙසීම් බහුල කරන රැකියා මාර්ගවලට හේතු යෙදේ.

අධ්‍යාපනය

අමතර භාෂාවක් ඉගෙනීම වෙනුවෙන් වෙහෙසීමට සිදු වේ. එමෙන්ම වෙනදාට වඩා පොත්පත් වැඩකටයුතුවලට උනන්දුවක් දක්වන බවක් පෙනේ. ඡ්‍යොතිෂ ශාස්ත්‍රය ලේඛන කලාව ප්‍රගුණ කරන කාලයකි.

සෞඛ්‍යය

වරින්වර ශාරීරික අපහසුතා මතු කරයි. චර්මගත ආබාධයක් හේතුවෙන් ප්‍රතිකාර ලබා ගැනීමට සිදුවේ. උෂ්ණාධික ආහාරපානවලින් වැළැකී සිටීම යහපත් වන බවක් පෙනේ.

අය 06 වැය 03

ජය අංකය - 04

ජය වර්ණය - කොළ

සුබ දවස - සිකුරාදා

වෘෂභ

තනතුරු පිළිබඳ සතුටු පුවතක්

වරින්වර උදාසීන ගති මතුකරන කාලයක් වන අතර මේ සතියේ සඳු ග්‍රහයා 4,5,6 යන භාවයන් මතින් ගමන් කරයි.

ගෘහ ජීවිතය

තැන තැන ඇවිදිලි ඇතිකරන කටයුතු කීපයක් යෙදේ. නිතර පදිංචියෙන් පිට වාසයට කරුණු ඇති කරයි. වගකීම් බහුල දිනයකි. පවුලට අලුත් සාමාජිකයකු එක්වන කාලයක් වන අතර, අලුත් දැනහැදුණුම්කම්වලට ද හේතු ඇති කරයි. ගේ දොර අලුත්වැඩියාවක් වෙනුවෙන් අමතර මුදලක් වැය කරන සතියකි.

රැකියාව

රැකියාවේ කටයුතු සම්බන්ධ සතුටුදායක පුවතක් අසන්න ලැබේ. අලුත් රැකියා අපේක්ෂාවෙන් සිටින අයට සුබදායකයි. අලුත් වෙළෙඳ ව්‍යාපාරයක් ඇරැඹීමට කටයුතු උදා කරන බවක් පෙනේ. අතමිට සරුකරන සුළු සුළු රැකියා මාර්ගවලට හිමිකම් ඇති කරයි. අමතර වාසි සැලසෙන ස්වයංරැකියා කටයුතුවලට යොමුවීමට ඉඩ ඇත.

අධ්‍යාපනය

ඉගෙනීමේ කටයුතුවලට උත්සාහය, උනන්දුව දක්වන කාලයකි. උසස් අධ්‍යාපන කටයුතුවලට යොමුවන කාලයකි. අමතර භාෂාවක් ඉගෙනීමට වෙහෙසක් දරන බවක් පෙනේ. තරග විභාගවලින් ජයග්‍රහණ අත්කරයි.

සෞඛ්‍යය

ශරීර සෞඛ්‍ය පිළිබඳ වෙනදාට වඩා සැලකිලිමත්වන්න. රුධිරගත සීනි මට්ටමෙහි වෙනසක් සිදුවිය හැකි බවක් පෙනේ. හදිසි සෞඛ්‍ය පරීක්ෂණයකට ද භාජනය වීමට සිදුවෙයි.

අය 07 වැය 03

ජය අංකය - 09

ජය වර්ණය - තැඹිලි

සුබ දවස - බ්‍රහස්පතින්දා

 

මිථුන

රැකියා අවහිරතා මඟ හැරේ

උසස් අය හා ඇසුරට කටයුතු සැලසෙන සතියක් වන අතර මේ සතියේ සඳු ග්‍රහයා 3,4,5 යන භාවයන් මතින් ගමන් කරයි.

ගෘහ ජීවිතය

අමතර ගමන් බිමන්වලට ඉඩ ඇති කාලයකි. විදෙස් ගමනකට ද හිමිකම් ඇති බවක් පෙනේ. අන් අය සමඟ සුහදව කටයුතු කිරීමට අවස්ථාව උදා කරයි. සමාජයේ කැපී පෙනෙන අන්දමේ කටයුතු කීපයක් සිදු කරයි. දේපළ ගැටලුවකින් නිදහස උදාකරන කාලයකි. පරම්පරාගත දේපළක් හිමිවන ලකුණු පෙනේ. විවේකය අඩුකරන සතියකි.

රැකියාව

ස්වයංරැකියා, වෙළෙඳ ව්‍යාපාරවලින් ද දියුණුවක් දැකිය හැකියි. රැකියා ලැබීම් වලදී ප්‍රමාදතා සිදුකරයි. සමහරවිට රජයට සම්බන්ධ රැකියා ලාභ හිමිකම් ද ඇති කරයි. රැකියාවේ කටයුතු සම්බන්ධ පැවැති අවහිරතා මඟහැරී යයි.

අධ්‍යාපනය

ඉගෙනීමේ කටයුතු සම්බන්ධ විවිධ දක්ෂතා දක්වන කාලයකි. පොත පත කියවීමට වැඩි රුචිකත්වයක් දක්වයි. සාහිත්‍ය හා කලා අංශයට විශේෂ ඇල්මක් දක්වන කාලයකි. විදෙස් අධ්‍යාපනයකට ද සැලසුමක් ඇතිකර ගන්නා කාලයකි.

සෞඛ්‍යය

ශරීර සෞඛ්‍ය පිළිබඳ සැලකිලිමත් වන්න. වරින්වර හට ගන්නා ගර්භාෂගත ආබාධයකට ප්‍රතිකාර ලබා ගැනීමට සිදු වෙයි. එමෙන්ම හදිසි වැටීම් තැලීම් වැනි සුළු සුළු අනතුරුවලට මුහුණපෑමට ඉඩ ඇති කාලයක් බැවින් පරිස්සම්වන්න. වෛද්‍ය ප්‍රතිකාර පතා දුර පළාතකට යාමට සිදුවේ.

අය 07 වැය 05

ජය අංකය - 03

ජය වර්ණය - දම්

සුබ දවස - බදාදා

කටක

දුර ගමන් බහුලයි

හදිසි තීරණ ගැනීමෙන් අවාසිදායක තත්ත්වයක් ඇති කරන සතියක් වන අතර මේ සතියේ සඳු ග්‍රහයා 2,3,4 යන භාවයන් මතින් ගමන් කරයි.

ගෘහ ජීවිතය

අමතර වියදම් බහුල කරන කටයුතු කීපයක් යෙදේ. පවුලේ උත්සව අවස්ථාවක් වෙනුවෙන් වෙහෙසීම් ඇති කරයි. දරුවකු පිළිබඳ තීරණ ගැනීමේදී දුරදිග සිතා බලන්න. වෙනදාට වඩා දුර ගමන් බහුල කරන කාලයකි. ළඟම හිතවතකුගෙන් උපකාරයක් හිමිවීමට ඉඩ ඇත. පවුලේ දානමය කටයුත්තක් වෙනුවෙන් කටයුතු සූදානමක් ඇති කරයි.

රැකියාව

රැකියාවේ කටයුතුවලින් ප්‍රසිද්ධියට පත්වන කාලයකි. එමෙන්ම අණදෙන ක්ෂේත්‍රයේ පිරිස් පාලනය සම්බන්ධ රැකියාමාර්ගවලට හිමිකම් ඇති කරයි. එමෙන්ම රැකියාවේ කටයුතු සම්බන්ධ අවිවේකී බව මඟහැරී යන බවක් පෙනේ. වෙනදාට වඩා අතමිට සරුකරන ස්වයංරැකියා මාර්ගවලට හේතු ඇති කරයි.

අධ්‍යාපනය

ඉගෙනීමේ කටයුතුවලට පැවැති බාධාකාරි බව මඟහැරී යයි. එමෙන්ම අමතර භාෂාවක් ඉගෙනීමට වෙහෙසක් දරන සතියකි. උසස් අධ්‍යාපනයකට සැලසුමක් ඇතිකර ගනී. දහම් අධ්‍යාපනික කටයුතුවලින් විවිධ ජයග්‍රහණ හිමිකරන සතියකි.

සෞඛ්‍යය

ගතසිත වෙහෙස කරන කටයුතු අධික කරයි. පාදයේ හටගන්නා ආබාධයකට ප්‍රතිකාර ලබා ගැනීමට සිදුවෙයි. රුධිරගත සීනි මට්ටම කෙරෙහි සැලකිලිමත් විය යුතු කාලයකි.

අය 08 වැය 06

ජය අංකය - 04

ජය වර්ණය - දම්

සුබ දවස - බ්‍රහස්පතින්දා

සිංහ

උසස් අය හා ඇසුර

කැපී පෙනීමට ප්‍රසිද්ධියට කැමැති කාලයක් වන අතර මේ සතියේ සඳු ග්‍රහයා 1, 2, 3 යන භාවයන් මතින් ගමන කරයි.

ගෘහ ජීවිතය

උසස් අය හා ඇසුරට කටයුතු උදා කරයි. අසාධාරණයේදී විරුද්ධව කටයුතු කරයි. විවාහක සහකරු සහකාරිය අතර මතභේද හට ගැනීමට ඉඩ ඇති බවක් පෙනේ. හදිසි ගණුදෙනුවකින් නිදහස උදා කරයි. අසරණ කෙනකුට පිහිටවීමට අවස්ථාව උදාකරන බවක් පෙනේ.

රැකියාව

රැකියාවේ කටයුතු සම්බන්ධ දුරදිග සිතා බලන්න. වෙනදාට වඩා කාර්යබහුල ස්වභාවයක් පෙන්නුම් කරයි. කණ්ඩායමක් සමඟ එකතු කරන රැකියා කටයුතුවලට සම්බන්ධ වීමට සිදුවෙයි.

අධ්‍යාපනය

උසස් අධ්‍යාපන කටයුතු සම්බන්ධ පැවැති අවහිරතා කීපයක් මඟහැරී යයි. වෙනදාට වඩා අධ්‍යාපන කටයුතු වෙනුවෙන් අමතර මුදලක් වැය කිරීමට සිදුවේ. එමෙන්ම උසස් අධ්‍යාපන කටයුතු වෙනුවෙන් දුර පළාතකට යාමට සිදුවන බවක් පෙනේ.

සෞඛ්‍යය

යටපත් වූ ශාරීරික අසනීප ගති වරින්වර මතුවිය හැකි කාලයකි. ශරීර අභ්‍යන්තරයේ ඇතිවන අසනීප තත්ත්වයකට ප්‍රතිකාර ලබා ගැනීමට සිදුවන බවක් පෙනේ. එමෙන්ම උගුරේ සෙම් ගතිය, උගුරේ වේදනාව ආදී රෝග ලක්ෂණ මතුවීමෙන් ප්‍රතිකාර පතන බවක් පෙනේ.

අය 07 වැය 05

ජය අංකය - 02

ජය වර්ණය - කහ

සුබ දවස - සඳුදා

 

කන්‍යා

අඹුසැමි සහයෝගය

අමතර වියදම් බහුල කරන සතියක් වන අතර මේ සතියේ සඳු ග්‍රහයා 12,1,2 යන භාවයන් මතින් ගමන් කරයි.

ගෘහ ජීවිතය

වගකීම් බහුල කරන සතියකි. විශේෂ කෙනකුගේ ඇසුරට යොමුවේ. හදිසි ගණුදෙනුවක් සිදුවීමට ඉඩ ඇති බවක් පෙනේ. සහෝදරයකු සමඟ පැවැති සිත් අමනාපයක් මඟහැරී යයි. වෙනදාට වඩා යන එන ගමන් ගැන සැලකිලිමත්වන්න. වගකීම් බහුලවීමෙන් සිතේ නොසන්සුන්තාවයක් ඇති කරයි. අඹුසැමි සහයෝගයෙන් කටයුතු සිදු කරන බවක් පෙනේ.

රැකියාව

ශාස්ත්‍රීය කටයුතු සම්බන්ධ රැකියා මාර්ගවලට යොමුවන සතියකි. රැකියාවේ කටයුතු වෙනදාට වඩා උන්නදුවකින් කරගෙන යන බවක් පෙනේ. ප්‍රමාද වූ රැකියා බලාපොරොත්තුවක් ඉටුකරයි. අලුත් ව්‍යාපාර කටයුත්තක් වෙනුවෙන් වෙහෙසෙන සතියකි.

අධ්‍යාපනය

උදාසීන ලෙස කරගෙන ගිය අධ්‍යාපන කටයුතුවලට මෙතෙක් පැවැති බාධා මඟහැරී යන බවක් පෙනේ. අලුත් පොත්පත් මිලදී ගැනීමකට කටයුතු උදා කරයි. ධාරන ශක්තිය වැඩි දියුණුවන කටයුතු කීපයක් යෙදේ.

සෞඛ්‍යය

ශරීර සෞඛ්‍යයට බාධා ඇති කරයි. වරින්වර ඇතිකරන සෙම් රෝගී තත්ත්වයකින් පීඩා අත්කරයි. පාදයේ වළලුකර ආශි‍්‍රත ඇතිවන ආබාධයකට ප්‍රතිකාර ලබා ගැනීමට සිදු වෙයි. හදිසි ප්‍රතිකාර පතා දුර පළාතකට යාමට සිදුවෙයි.

අය 07 වැය 05

ජය අංකය - 06

ජය වර්ණය - කොළ

සුබ දවස - බ්‍රහස්පතින්දා

තුලා

අලංකාරයට මුල්තැන

නීති ගැටලුවකට මැදිවීමට ඉඩ ඇති කාලයක් වන අතර, මේ සතියේ සඳු ග්‍රහයා ගමන් කරන්නේ 11, 12, 1 යන භාවයන් මතිනි.

ගෘහ ජීවිතය

පොරොන්දු ගිවිසුමක් සාර්ථක කරයි. සමාජයේ ඉහළින් වැජඹීමට අවස්ථාව උදා කරයි. එහෙත් විරුද්ධවාදියකු නිසා සිතේ නොසන්සුන්තාවයක් ඇති කරයි. දරුවකුගේ කටයුතු කෙරෙහි වෙනදාට වඩා විමසිලිමත් විය යුතුය. පිරිසුදුකමට අලංකාරයට සිටීමට කැමැත්තක් දක්වන කාලයකි.

රැකියාව

රැකියාවේ කටයුතු පිළිබඳ වෙනදාට වඩා සැලකිලිමත්විය යුතු බවක් පෙනේ. පිරිස් පාලනය, අණදෙන ක්ෂේත්‍රයේ රැකියා මාර්ගවලට හිමිකම් ඇති කාලයකි. එමෙන්ම රැකියාවේ ස්ථාන වෙනස්කම්වලට ද හේතු ඇති කරයි. උගත්කමට සරිලන රැකියා මාර්ගවලට හිමිකම් ඇති කාලයකි.

අධ්‍යාපනය

උසස් අධ්‍යාපන කටයුතු හේතුවෙන් වෙහෙසීම් වැඩිකරයි. හදිසි තරග විභාගයකට සම්බන්ධ වීමට සිදුවන සතියකි. විදෙස් අධ්‍යාපනයකට සැලසුමක් ඇතිකර ගනී. දැනුම, බුද්ධිය, වර්ධනය වන කටයුතු කීපයක් යෙදේ. අලුත් පොත්පත් මිලදී ගැනීමකට අවස්ථාව උදා කරයි.

සෞඛ්‍යය

ශාරීරික වෙහෙස ගෙන දෙන කාලයකි. දතක ආබාධයකට ප්‍රතිකාර ලබා ගැනීමට සිදු වෙයි. පරම්පරාගත රෝගයක් ඉස්මතු විය හැකිය.

අය 06 වැය 04

ජය අංකය - 02

ජය වර්ණය - තැඹිලි

සුබ දවස - ඉරිදා

වෘශ්චික

අතමිට මුදල් ගැවසේ

වගකීම් බහුල කරන සතියක් වන අතර මේ සතියේ සඳු ග්‍රහයා 10, 11, 12 යන භාවයන් මතින් ගමන් කරයි.

ගෘහ ජීවිතය

වෙනදාට වඩා ඉවසීමෙන් කටයුතු කළ යුතු කාලයකි. පවුලේ වැඩිහිටියකු වෙනුවෙන් කැපවී කටයුතු කිරීමට සිදුවේ. අසල්වැසි සුහදතාවයට හේතු ඇතිකරන කාලයකි. නිතර ආගමික නායකයන්ගේ ඇසුරට යොමුවන බවක් පෙනේ. පවුලේ අය සමඟ දුර ගමනකට කටයුතු සූදානමක් ඇති කරයි. දරුවකුගේ දියුණුවක් පිළිබඳ සතුටට පත්වීමට හැකිවන සතියකි.

රැකියාව

රැකියාවේ කටයුතු සම්බන්ධ තීරණ ගැනීමේදී දුරදිග සිතා බලන්න. අණ දෙන ක්ෂේත්‍රයේ පිරිස් පාලනය සම්බන්ධ රැකියා කටයුතුවලට යොමුවීමට ඉඩ ඇත. දුර පළාතක සිට කරන රැකියා කටයුතුවලට ඉඩකඩ ඇති බවක් පෙනේ. අතමිට මුදල් ගැවසෙන සුළු සුළු රැකියා මාර්ගවලට ද හේතු ඇති කරයි.

අධ්‍යාපනය

ඉගෙනීමට කැමැතිය. අලුත් පොත්පත් මිලදී ගැනීමකට කටයුතු උදා කරයි. ගණිත අංශය, තාක්ෂණික අංශයේ කටයුතුවලින් උසස් අධ්‍යාපන කටයුතු හදාරණ අයට සුබදායකයි. කණ්ඩායම් වැඩසටහන්වලට සම්බන්ධවන කාලයකි.

සෞඛ්‍යය

නින්දයාම අඩුවීම, පීනස වැනි සෙම් රෝග හිසට, පපුවට බලපාන්න ඉඩ තිබේ. වරින්වර චර්ම ගත ආබාධයකින්ද පීඩා විඳින සතියකි. ආහාරපාන, ගැනීමේදී සැලකිලිමත්වන්න.

අය 07 වැය 04

ජය වර්ණය - ළානිල්

ජය අංකය - 03

සුබ දවස - බ්‍රහස්පතින්දා

ධනු

සතුරු කරදර නිමාවේ

තීන්දු තීරණ ගැනීමේදී දුර දිග සිතා බැලිය යුතු කාලයක් වන අතර මේ සතියේ සඳු ග්‍රහයා 9, 10, 11 යන භාවයන් මතින් ගමන් කරයි.

ගෘහ ජීවිතය

විශේෂ කෙනකුගේ ඇසුරට කටයුතු උදා කරයි. නිතර වයසින් වැඩි අය සමඟ ඇසුරට කටයුතු උදාකරයි. අසරණ කෙනකුට උපකාරයක් කිරීමට අවස්ථාව උදා කරයි. ගේ දොර අඩුපාඩු කීපයක් සම්පූර්ණ කර ගැනීමට අවස්ථාව සැලසේ. පැවැති සතුරු කරදරයකින් නිදහස්වීමට අවස්ථාව උදා කරයි. උරුම හිමිකමක් පිළිබඳ ගැටලුවකින් නිදහස සැලසේ.

රැකියාව

රැකියාවේ කටයුතු සම්බන්ධ දුරදිග සිතා බැලිය යුතු බවක් පෙනේ. ශාස්ත්‍රීය කටයුතු සම්බන්ධ රැකියා මාර්ගවලට හේතු යෙදේ. වෙළෙඳ ව්‍යාපාර කටයුත්තකට සම්බන්ධ වීමට අදහසක් ඇති කරයි. රැකියාවේ වගකීම් බහුලවන කාලයකි.

අධ්‍යාපනය

ඉගෙනීමට දක්ෂය. බාධා මැඬගෙන ඉදිරියට යන බවක් පෙනේ. කලා අංශයට පි‍්‍රයකරන කාලයකි. දැනුම, බුද්ධිය, වර්ධනය වන කටයුතුවලට යොමුවන කාලයකි. ගුරුභවතුන්ගේ ප්‍රසාදයට පත්වන අන්දමේ කටයුතු කීපයක් සිදු කරයි.

සෞඛ්‍යය

සෙම් දෝෂ, පපුවේ අමාරු වරින්වර මතුවීමට ඉඩ තිබේ. ආහාරපානවලින් ශරීර සෞඛ්‍යය ආරක්ෂා කර ගනී. සතිය ගෙවී යද්දී පැවැති අසනීප ගති මඟහැරී යයි. එමෙන්ම බෝනොවන රෝගවලින් ආරක්ෂාවීමට වගබලාගන්න.

අය 06 වැය 05

ජය අංකය - 04

ජය වර්ණය - තැඹිලි

සුබ දවස - ඉරිදා

මකර

සමාජයේ කැපී පෙනේ

අවිවේකී ලෙස සතිය උදා කරන සතියක් වන අතර මේ සතියේ සඳු ග්‍රහයා 8,9, 10 යන භාවයන් මතින් ගමන් කරයි.

ගෘහ ජීවිතය

උත්සාහයෙන් කටයුතු සිදු කරයි. එහෙත් තමා සතු දෙයක් නැතිවීමට ඉඩ ඇත. අවිවේකී වුවත් සැලසුම් කීපයක් සාර්ථක කර ගැනීමට හැකිවෙයි. පවුලේ අය අතර මෙන්ම සමාජයේ කැපී පෙනෙන බවක් පෙනේ. ආගම දහම වෙනුවෙන් කැපවී කටයුතු කරන කාලයකි. අමතර ගමන් බහුලකරන කටයුතු කීපයක් යෙදේ.

රැකියාව

රැකියාවේ කටයුතු සම්බන්ධ දුරදිග සිතා බැලිය යුතු බවක් පෙනේ. සෞන්දර්යාත්මක කටයුතු සම්බන්ධ රැකියා මාර්ගවලට හේතු යෙදේ. රැකියාවේ කටයුතු පිළිබඳ පැවැති ගැටලු කීපයක් මඟහැරී යයි. අමතර ලැබීම් සහිත රැකියා මාර්ගවලට හේතු යෙදෙන සතියකි.

අධ්‍යාපනය

ඥාන ශක්තිය බලවත් වන කාලයකි. නාට්‍ය, සංගීතය වැනි අංශවලට යොමු වූ අයට සුබදායකයි. අමතර භාෂාවක් ඉගෙනීමට වෙහෙසෙයි. විවිධ සම්මාන සහතික හිමිකරයි.

සෞඛ්‍යය

සෙම් රෝග බහුලවීමෙන් දත්වල අමාරු, හිසේ අමාරු ආදිය මතුවිය හැකියි. නිතර හදිසි සෞඛ්‍ය පරීක්ෂණවලට භාජනය වන බවක් පෙනේ. වරින්වර ඇතිවන ක්ලාන්ත ගතියක් හේතුවෙන් ප්‍රතිකාර පතයි. කය වෙහෙසා කරන කටයුතුවලින් ඈත්වීම යහපත් කරයි.

අය 08 වැය 06

ජය අංකය - 02

ජය වර්ණය - ළානිල්

සුබ දවස - සිකුරාදා

කුම්භ

ආගම දහමට කැපවෙයි

පවුලේ ඉදිරි සැලසුමක් වෙනුවෙන් පියවර කීපයක් ගැනීමට සිදුවන සතියක් වන අතර මේ සතියේ සඳු ග්‍රහයා 7,8, 9 යන භාවයන් මතින් ගමන් කරයි.

ගෘහ ජීවිතය

පවුලේ වගකීම් කීපයක් තමා වෙත පැවරෙන කාලයකි. දුර බැහැර ගමනක් වෙනුවෙන් කටයුතු සූදානමක් ඇති කර ගන්නා බවක් පෙනේ. ආගම දහමට භක්තිය විශ්වාසය ඇති කරයි. අසරණ කෙනකුට පිහිටවීමට අවස්ථාව උදා කරයි. අමතර ලැබීම් සහිත කටයුතු කීපයක් යෙදීමට ඉඩ ඇත.

රැකියාව

රැකියාවට අමතර ව්‍යාපාරයක් ඇරැඹීමට අවස්ථාව උදා කරයි. රැකියාවේ කටයුතු උදෙසා දුර බැහැර ප්‍රදේශයකට යෑමට සිදුවේ. එමෙන්ම අණදෙන ක්ෂේත්‍රයේ රැකියා මාර්ගවලට හිමිකම් ඇති කරයි. විදෙස් රැකියාවකට සැලසුමක් ඇතිකර ගන්නා කාලයකි.

අධ්‍යාපනය

උසස් අධ්‍යාපන කටයුතුවලින් විවිධ දක්ෂතා මතු කරයි. එමෙන්ම තරග විභාගයකින් ජයග්‍රහණ අත්කරන බවක්ද පෙන්නුම් කරයි. අලුත් පොත්පත් මිලදී ගැනීමකට කටයුතු උදාකරයි. උසස් අධ්‍යාපන කටයුතු හේතුවෙන් පදිංචියෙන් පිට වාසයට හේතු සැලසේ. උත්සාහයෙන්, උනන්දුවෙන් අධ්‍යාපන කටයුතු කරගෙන යන කාලයකි.

සෞඛ්‍යය

වරින්වර ඇති කරන උදරගත ආබාධයක් ප්‍රතිකාර ලබා ගැනීමට සිදුවේ. එමෙන්ම පාදයේ ආබාධයක් හේතුවෙන් ද ප්‍රතිකාර පතන කාලයකි. ආහාරපාන පාලනය වැදගත්වන සතියකි.

අය 07 වැය 04

ජය අංකය - 06

ජය වර්ණය - දම්

සුබ දවස - බදාදා

 

මීන

අලුත් දේ උගනී

පැවැති වගකීමකින් නිදහස උදාකරන සතියක් වන අතර මේ සතියේ සඳු ග්‍රහයා 6,7,8 යන භාවස්ථානවල ගමන් කරයි.

ගෘහ ජීවිතය

වෙනදාට වඩා උදාසීන බවකින් කටයුතු සිදු කරයි. යොදාගත් සැලසුම් කීපයක් ප්‍රමාද කරයි. විරුද්ධවාදියකු නිසා කරදර බාධා ඇතිවිය හැකි කාලයකි. එමෙන්ම සතිය මැද කාලය වනවිටදී අමතර ලැබීම් සහිත කටයුතු කීපයක් යෙදේ. පවුලේ උත්සව අවස්ථාවකට සැලසුමක් ඇතිකර ගන්නා සතියකි. දේපළ ගණුදෙනුවකට කටයුතු සැලසෙන බවක් පෙනේ.

රැකියාව

රැකියාවේ කටයුතු සම්බන්ධ වෙනස්කම් කීපයක් සිදු කරයි. තනතුරු ස්ථිරවීමක් පිළිබඳ බලාපොරොත්තුවක් ඉටුකරයි. බොහෝදෙනා සම්බන්ධ කරගෙන කරන රැකියා මාර්ගවලට හේතු යෙදේ.

අධ්‍යාපනය

අවිවේකී ලෙස අධ්‍යාපන කටයුතු කරගෙන යන කාලයකි. අලුත් දේ ඉගෙනීමට කටයුතු උදාකරයි. ගුරු දෙගුරුන්ගේ හොඳහිත දිනාගෙන කටයුතු සිදුකරන කාලයකි. කණ්ඩායම් වැඩසටහන්වල මූලිකත්වයක් ගැනීමට කටයුතු උදාකරයි.

සෞඛ්‍යය

වරින්වර මතුකරන උගුර, බෙල්ල ආශි‍්‍රත ආබාධයකට ප්‍රතිකාර ලබා ගැනීමට සිදු වේ. වෙනදාට වඩා කෑම බීම ගැන සැලකිලිමත්වන්න. පරම්පරාගත රෝගයක් ඉස්මතුවිය හැකි කාලයකි. හදිසි ප්‍රතිකාර පතා දුර පළාතකට යාමට සිදුවන බවක් පෙනේ.

 

අය 07 වැය 03

ජය අංකය - 03

ජය වර්ණය - රතු

සුබ දවස - බ්‍රහස්පතින්දා