ජුලි 06 වැනිදා

මෙදින උපත ලද ඔබගේ පෞද්ගලික අංකය 6 වන අතර එය සිකුරු ග්‍රහයාට අයිති අංකයකි. එසේම උපත සිදු වූයේ ජුලි මාසයේ නිසා ඔබ කටක රාශි අධිපති සදු ග්‍රහයාට මෙන්ම සිකුරු ග්‍රහයාගේ බලපෑමට යටත් වේ. ස්වභාව ධර්මයට දැඩිව ඇලුම් කරන ඔබ ආදරය නිරන්තරයෙන් බලාපොරොත්තු වන අයකු වේ. මිතුරු මිතුරියන් රැසක් සිටින අතර ඔවුන් අතර ඉතාම ජනප්‍රිය පුද්ගලයකු වේ. සුඛෝපභෝගි ජිවිතයකට උරුමකම් කියන නමුත් මුදල් පිළිබද එතරම් තකන්නේ නැත. සමාජශීලි කටයුතු සඳහා වැඩි කැමැත්තක් දක්වන අතර ඒ සඳහා පූර්ණ කැපවීමක්ද සිදුකරනු ඇත. තර්කනය යහපත් දේට යොදාගැනිම මෙන්ම අන්‍යයන් විවේචනය කිරිමෙන් වැළකි සිටීම ඔබේ සාර්ථකත්වයට යහපත් වේ. ආර්ථික දියුණුව සඳහා වෛද්‍ය වෘත්තීය හෙද සේවය ආදි රැකියාවන් අතිශය සාර්ථක වේ. සෞඛ්‍යමය වශයෙන් ආහාර මර්ගයේ රෝගවලින් ප්‍රවේශම් විය යුතුය.

ජුලි 07 වැනිදා

මෙදින උපත ලද ඔබගේ පෞද්ගලික අංකය 7 වන අතර එය සඳු ග්‍රහයාට අයිති අංකයකි. එසේම උපත සිදුවුයේ ජුලි මාසයේ නිසා ඔබ කටක රාශි අධිපති සඳු ග්‍රහයාගේ ද්විත්ව බලපෑමට යටත් වේ. සියලු කටයුතු කෙරෙහි සංවේදි පුද්ගලයකු වන ඔබ නිරතුරුවම ස්වාධීනව කටයුතු කිරිමටත් තනිව වාසය කිරිමටත් ප්‍රිය කරන අයකු වේ. ජිවිතයේ සියලු කටයුතු කෙරෙහි ගුප්ත ස්වභාවයක් දකින්න ලැබෙන නමුත් පටන් ගන්නා වැඩ කටයුතු අවසන් කිරිමේ පුරුද්දක්ද ඔබ සතුය. සංචාරයට බෙහෙවින් ප්‍රියකරන අතර ඒ නිසාම රැකියා සහ පදිංචිය නිරන්තරයෙන් වෙනස් වේ. ගුප්ත විෂයයන් හැදැරිමටත් එම විෂයයන් තුළ ක්‍රියාත්මක වීමත් දකින්න ලැබේ. කෙසේ නමුත් මෙදින උපන්නවුන් නිර්මාණශීලිත්වය උපතින්ම රැගෙන එන අයවලුන් වේ. ආර්ථිකයේ සාර්ථකත්වයට ගුරු වෘත්තීය සංගීතය නැටුම් ශල්‍ය වෛද්‍ය ගෘහ අලංකරනය ආදි වු විෂයන් යටතේ රැකියාවන් සඳහා යොමුවීම සුබය. සෞඛ්‍යමය වශයෙන් සෙම ආශ්‍රිත රෝගවලින් ප්‍රවේශම් විය යුතුය.

ජුලි 08 වැනිදා

මෙදින උපත ලද ඔබගේ පෞද්ගලික අංකය 8 වන අතර එය ශනි ග්‍රහයාට අයිති අංකයකි. එසේම උපත සිදුවුයේ ජුලි මාසයේ නිසා ඔබ කටක රාශි අධිපති සඳු ග්‍රහයාගේ මෙන්ම ශනි ග්‍රහයාගේ බලපෑමට යටත් වේ. ඔබ නායකත්ව ගුණාංග සේම සියලුදේට හොඳ සංවිධාන ශක්තියක් සහිත අයකු වේ. අන්‍යයන් කෙරෙහි දයාව අනුකම්පාව දැක්වීම ද ඔබගේ ස්වභාවය වේ. සමාජය තුළ ඉහළ මට්ටමේ පිළිගැනිමක් ඔබට හිමිවන නමුත් අන්‍යයන් යම් ආකාරයක වැරදි වැටහීම්ද ඇති කරගනු ඇත. ඔබ තුළ පවතින ආත්මාර්ථකාමි බවද එයට බොහෝ දුරට ඉවහල් වේ. ව්‍යාපාරයන් ආර්ථිකය සාර්ථක කර ගැනිම සඳහා යොදාගත හැකි නමුත් හවුල් කටයුතු සිදුකිරිමෙන් වැළකී සිටිය යුතුය.අභ්‍යන්තර ගැටුම් නීතිමය ප්‍රශ්න පවුල් අර්බුද ආදර බිඳවැටිම් ජිවිතය පුරා මුහුණ දෙන ගැටලු අතර ප්‍රධාන වේ. සෞඛ්‍යමය වශයෙන් වකුගඩු දෙපා අශ්‍රිත රෝගවලින් ප්‍රවේශම් විය යුතුය.

ජුලි 09 වැනිදා

මෙදින උපත ලද ඔබගේ පෞද්ගලික අංකය 9 වන අතර එය කුජ ග්‍රහයාට අයිති අංකයකි.එසේම උපත සිදුවුයේ ජුලි මාසයේ නිසා ඔබ කටක රාශි අධිපති සඳු ග්‍රහයාගේ මෙන්ම කුජ ග්‍රහයාගේ බලපෑමට යටත් වේ. ඔබ ප්‍රබල අධිෂ්ඨාන ශක්තියකින් හෙබි පුද්ගලයකු වන අතර ප්‍රබල පෞරුෂයකට හිමිකම් කියනු ඇත. අරමුණු හඹා යන අතර ඒ සඳහා අවශ්‍ය ප්‍රබල අධිෂ්ඨාන ශක්තියකින්ද යුක්ත වේ.ජිවිතයට සැලසුම් ඇති මුත් ක්ෂණික තිරණ වේගවත් ක්‍රියාන්විතයන් ජිවිතය පුරා දැකිය හැකිය. සිමාවකින් තොරව ආදරය කිරිම දැකිය හැකි නමුත් ආදරණිය හැගිම් ප්‍රකාශ කිරිම යහපත් නොවේ. සංචාරයන් සඳහා වැඩි කැමැත්තක් ඇත. ආර්ථික සාර්ථකත්වය සඳහා හමුදා අංශය ගුරු වෘත්තීය නීති කටයුතු තෝරා ගැනිම යහපත් වේ. සෞඛ්‍යමය වශයෙන් දෙපා ආශ්‍රිත රෝගවලින් ප්‍රවේශම් විය යුතුය.

ජුලි 10 වැනිදා

මෙදින උපත ලද ඔබගේ පෞද්ගලික අංකය 1 වන අතර එය රවි ග්‍රහයාට අයිති අංකයකි. එසේම උපත සිදුවුයේ ජුලි මාසයේ නිසා ඔබ කටක රාශි අධිපති සඳු ග්‍රහයාගේ මෙන්ම රවි ග්‍රහයාගේ බලපෑමට යටත් වේ. ඔබ ජිවිතයේ ඉහළ යෑමේ අරමුණු සහිතව උපත ලබන අතර සියලු කටයුතු හමුවේ නායක්ත්වය සඳහා අහඹු ලෙස පත් කර ගනු ඇත. සියලු කටයුතු නිසි අයුරින් ඉටුකිරිම ඔබගේ ක්‍රමය වන අතර ඒ සඳහා සියලු සැලසුම් සැකසීම ඔබ විසින් සිදුකරනු ඇත. එකාකාරිත්වයට ප්‍රිය නොකරන අතර එසේ වන්නේ නම් කලකිරිමට පත්වීම ඔබගේ ස්වභාවය වේ. ආවේගශිලිබව ආත්මාර්ථකාමිබව ජිවිතය තුළදි නිවැරැදි කර ගත යුතු අංගයන් වේ. ආර්ථිකමය දියුණුව සඳහා නිතීය ගුරු වෘත්තිය මානව සම්පත් කළමනාකරණය යහපත් වේ. සෞඛ්‍යමය වශයෙන් ආහාර ජීර්ණ පද්ධතිය ආශ්‍රිත රෝගවලින් ප්‍රවේශම් විය යුතුය.

ජුලි 11 වැනිදා

මෙදින උපත ලද ඔබගේ පෞද්ගලික අංකය 2 වන අතර එය සඳු ග්‍රහයාට අයිති අංකයකි. එසේම උපත සිදුවුයේ ජුලි මාසයේ නිසා ඔබ කටක රාශි අධිපති සඳු ග්‍රහයාගේ ද්විත්ව බලපෑමට යටත් වේ. ඔබ ඉතාම ස්වාධීන පුද්ගලයකු වන අතර නිරතුරු දුක්මුසු ආකාරයෙන් ගත කිරිම සිදුකරනු ඇත. ආදරය කිරිමේදී අන්තගාමී ලෙස කටයුතු කිරිම දක්නට ලැබෙන අතර එම නිසාම විරුද්ධ පාර්ශ්වය හමුමේ සිමාවන් පනවනු ඇත. හැගීම් මුල් කරගත් කලා නිර්මානයන් ඔබ අතින් බිහිවන අතර නිර්මාණ තුළින් වුවද ඉදිරියට යා හැකිය. ආර්ථික සාර්ථකත්වය සඳහා නර්තනය ජනමාධ්‍ය සංගීතය කලා යන විෂයයන් තෝරා ගැනීම යහපත් වේ. සෞඛ්‍යමය වශයෙන් උදරය ආශ්‍රිත රෝගවලින් ප්‍රවේශම් විය යුතුය.

ජුලි 12 වැනිදා

මෙදින උපත ලද ඔබගේ පෞද්ගලික අංකය 3 වන අතර එය ගුරු ග්‍රහයාට අයිති අංකයකි. එසේම උපත සිදුවුයේ ජුලි මාසයේ නිසා ඔබ කටක රාශි අධිපති සඳු ග්‍රහයාගේ මෙන්ම ගුරු ග්‍රහයාගේ බලපෑමට යටත් වේ. දිර්ඝ කාලීන අරමුණු ඔබ සතුවන අතර ඉහළ යෑම සඳහා නිරන්තරයෙන් විභාග සඳහා පෙනී සිටීම දැකිය හැකිය. ඕනෑම කටයුත්තකදී කැපී පෙනෙන ස්වභාවයක් ද ඔබ හමුවේ දැකිය හැකිය. එකාකාරීත්වයට ඔබ කැමැති නැත. එහෙත් මේ තත්ත්වය ඔබගේ රැකියාවට හෝ ව්‍යාපාර සඳහා නරක ලෙස බලපෑ හැකිය. කලා ක්‍ෂේත්‍රයේ ඉදිරියට යා හැකිය.ආර්ථික වශයෙන් පැහැදිලිවම ඉදිරියට යා හැකි මුත් සෑහීමකට පත්වීම ඇති කර ගැනීම යහපත් වේ. ඉක්මනින් අසනීප වීමත් සුවවීමත් දැකිය හැකි අතර හිසේ අමාරු ශ්වසන පද්ධතියේ අසනීප ඇති විය හැකි බැවින් ප්‍රවේශම් විය යුතුය.

සැලසුම්ශිල්පී, වාස්තු විද්‍යා සහ මමෝවිද්‍යා උපදේශක,

හස්ත රේඛා පරික්‍ෂක,

මාතලේ, නාඋල

බී. ඒ. ජයවර්ධන