ඉර උදාව - පෙ.ව. 06.29
ඉර බැසීම - ප.ව. 06.20
රාහු කාලය - දහවල් 12.24 - 01.53
සුබ දිශාව - නැඟෙනහිර

මේෂ

සැලසුම් කීපයක් සාර්ථක කර ගැනීමට වෙහෙසක් දැරිය යුතු බවක් පෙනේ. වෙනදාට වඩා උත්සාහයෙන් මෙන්ම උනන්දුවෙන්ද කටයුතු සිදු කරයි. අමතර ලැබීම් ඇති දිනයකි.

වෘෂභ

අවිවේකී වුවත් සැලසුම් කීපයක් සාර්ථක කර ගැනීමට කටයුතු උදා කරයි. දරුවකුගේ ඉදිරි සැලසුමක් වෙනුවෙන් වෙහෙසෙන දිනයකි. නැති වූ දෙයක් නැවත හිමිකරන බවක් පෙනේ.

මිථුන

තීන්දු තීරණ ගැනීමේ දී දුරදිග සිතා බලන්න. පවුලේ උත්සව අවස්ථාවකට සැලසුමක් ඇතිකර ගනී. ආගමික භක්තියෙන් කටයුතු සිදුකරන දිනයකි.

කටක

අලුත් දේ ඉගනීමට කටයුතු උදා කරයි. ණය ගනුදෙනුවක් පියවා ගැනීමට අවස්ථාව උදාකරයි. පැරැණි හිතවත්කමක් අලුත්කරන දිනයකි.

සිංහ

අතමිට මුදල් ගැවසෙන කටයුතු කීපයක් යෙදේ. පොරොන්දු ගිවිසුමක් සාර්ථක කරන දිනයකි. වෙනදාට වඩා පින්දහම් කටයුතුවල නිරතවන බවක් පෙනේ. සැනසිලිදායක ලෙස දවස ගෙවී යයි.

කන්‍යා

අලුත් කටයුතු කීපයක් ආරම්භයට මඟ සැලසේ. නිතර තමා හමුවට එන කෙනකු පිළිබඳ සැලකිලිමත් වන්න. පවුලේ වැඩිහිටියකු වෙනුවෙන් වෙහෙසෙන දිනයකි. අමතර ලැබීම්වලට ඉඩ ඇති බවක් පෙනේ.

තුලා

විශ්වාසවන්ත කෙනකුගේ ඇසුරට කටයුතු උදා කරයි. පවුලට අලුත් ඥාතියකු සම්බන්ධවිය හැකි දිනයකි. ගෙදර දොර පීරකෙනතියට කරුණු ඇති කරයි. දරුවකු පිළිබඳ දුරදිග සිතා බලා කටයුතු කළයුතු බවක් පෙනේ.

වෘශ්චික

සතුරන් නිසා කරදර ඇතිවිය හැකි බවක් පෙනේ. දියුණුව පිළිබඳ අදහසක් ඇති කරයි. වචන පාවිච්චියේ දී සැලකිලිමත් විය යුතු දිනයකි. සෙම් රෝග වාතාබාධ නිසා පීඩාවට පත්වන බවක් පෙනේ.

ධනු

නිතර සිතේ චංචල බවකින් කටයුතු සිදුකරයි. ආගම දහම කෙරෙහි සිත ඇදී යන අතර, එවැනි කටයුතුවල නිරතවන බවක් පෙනේ. අමතර ලැබීම්වලට ඉඩ ඇති බවක් පෙනේ.

මකර

අවිවේකී ලෙස දවස උදා කරයි. දරුවකු පිළිබඳ වෙනදාට වඩා සැලකිලිමත් විය යුතු බවක් පෙනේ. අමතර වියදම් බහුල කරන දිනයකි. සමාජය කටයුතු වෙනුවෙන් වෙහෙසීමට සිදුවෙයි.

කුම්භ

රැකී රක්ෂා කටයුතුවලට යහපත් දිනයකි. ස්ථාන මාරුවක් පිළිබඳ පුවතක් අසන්න ලැබේ. රැවටිලි වංචා වැනි දෙයට හසුවීමේ අවධානමක් ඇති කරයි. නිතර දුරදිග බලා කටයුතු කළයුතු දිනයකි.

මීන

උත්සාහයෙන් යුතුව සෑම දෙයක්ම කරගෙන යෑමට සිදුවන දිනයකි. මවුපස ඥාතියකු වෙනුවෙන් වෙහෙසීමට සිදුවේ. පැරැණි ගනුදෙනුවක් සාර්ථකවන ලකුණු පෙන්නුම් කරයි. තීරණ ගැනීමේ දී දුරදිග සිතා බලන්න.