මේෂ-තැන්පත් ධනය වැය වීමක්

වරින් වර මානසික අසහනකාරි බවක් ඇති කරන සතියක් වන අතර මේ සතිය ආරම්භය ඔබට මිශ්‍රඵලදායක බවක් පෙන්නුම් කරයි. මේ සතියේ සඳු ග්‍රහයා ගමන් කරන්නේ 6,7,8 යන භාවයන් මතිනි. හදිසි මුදල් ගනුදෙනුවක් හේතුවෙන් ඇතිවන ගැටලුකාරි බවක් දුර දිග යන ලකුණු පෙන්නුම් කරයි. එමෙන්ම තැන්පත් ධනය වැය වීමක් ද සිදු වන කාලයකි. රැකියාවේ කටයුතු සම්බන්ධ පැවැති ගැටලුකාරි බවකින් නිදහස සැලසේ. දරුවකු පිළිබඳ අලුත් බලාපොරොත්තු ඇති කරන සතියකි. සති අන්තයේදී හදිසි ගමන් යෙදෙන කාලයක් වන අතර දුර දිග නොබලා ගන්නා තීරණයක් හේතුවෙන් සිත්තැවුලක් අත්කරයි.

අය 06 - වැය 04

ජය අංකය - 02

ජය වර්ූණය - කොළ

සුබ දවස - සිකුරාදා

සිංහ -දරුවකුගේ ජයග්‍රහණයක්

අවිවේකී ලෙස උදාවන මේ සතියේ සඳු ග්‍රහයා ගමන් කරන්නේ 2,3,4 යන භාවස්ථාන මතිනි. දරුවකුගේ අධ්‍යාපනික ජයග්‍රහණයක් පිළිබඳ සතුටු වීමට අවස්ථාව උදා කරන සතියකි. පැවැති අසහනකාරි බව හේතුවෙන් ප්‍රතිකාර ලබා ගැනීමට සිදුවේ. විදෙස්ගත ඥාතියකුගේ පැමිණීමක් හෝ උපකාරයක් හිමි වන අන්දමේ කරුණු කීපයක් සිදු කරයි.

සතිය මැද කාලයේදී වරින් වර ඇති කරන උගුර ආශි‍්‍රත ආබාධ තත්ත්වයකට ප්‍රතිකාර ලබා ගැනීමට සිදු වෙයි. නිතර තමා සොයාගෙන එන කෙනකු නිසා කරදරකාරී බවක් ඇති කරයි.

අය 07 - වැය 03

ජය අංකය - 04

ජය වර්ූණය - කහ

සුබ දවස - සඳුදා

ධනු -අතමිට මුදල් ගැවසේ

ශාස්ත්‍රීය කටයුත්තක් වෙනුවෙන් වෙහෙසීම් ඇති කරමින් සතිය ආරම්භ කරන ධනු ලග්න හිමි ඔබගේ සඳු ග්‍රහයා ගමන් කරන්නේ 10,11,12 යන භාවස්ථාන මතිනි. වෙනදාට වඩා අතමිට මුදල් ගැවසෙන කාලයකි. ගේ දොර කටයුතු කීපයක් අතපසු වී යන බවක් පෙන්නුම් කරයි. දරුලාබ අපේක්ෂාවෙන් සිටින අය මේ කාලය තුළදී වෙනදාට වඩා කල්පනාකාරි වීම වැදගත් වේ. හදිසි ශල්‍ය කර්මයකට හෝ කැපීම් සීරීම් වැනි අනතුරුදායක තත්ත්වයකට මුහුණ පෑමට ඉඩ ඇති කාලයකි. මවුපස ඥාතියෙකුගෙන් උපකාරයක් හිමි කරයි. සති අන්තයේදී තමා සතු දෙයක් නැති වීමට ඉඩ ඇති බැවින් ඒ පිළිබඳ අවධානයෙන් කටයුතු කරන්න.

අය 07 - වැය 05

ජය අංකය - 04

ජය වර්ූණය - තැඹිලි

සුබ දවස - සිකුරාදා

වෘෂභ-හදිසි විදෙස්ගත වීමක්

හිතුවක්කාර තීරණයක් තමාට අවාසිදායක බවක් ඇති කරන සතියක් වන අතර, මේ සතියේ සඳු ග්‍රහයාගේ ගමන සිදු වන්නේ 5,6,7 යන භාවස්ථානවලයි. ගේ දොර කටයුතු සම්බන්ධ ඇතිවන බාධාකාරි බවක් හේතුවෙන් සැලසුම් කීපයක් වෙනස් කිරීමට සිදු වේ. ශාස්ත්‍රීය කටයුතු වලට සම්බන්ධ වූ අයට යහපත් කාලයකි.

මෙතෙක් ප්‍රමාදතා සිදු කළ විදෙස්ගත වීමක් පිළිබඳ බලාපොරොත්තුවක් ඉටුවන ලකුණු පෙන්නුම් කරයි. සති අන්තයේදී ආගමික සැලසුමක් වෙනුවෙන් දුර ගමනකට සහභාගි වීමට අවස්ථාව සැලසේ.

අය 07 - වැය 03

ජය අංකය - 09

ජය වර්ූණය - ළා දම්

සුබ දවස - බදාදා

කන්‍යා -හදිසි වැටීම් තැළීම්

හදිසි තීරණයක් හේතුවෙන් තමාට පාඩු කීපයක් විඳීමට සිදු වෙන සතියක් වන අතර මේ සතියේ සඳු ග්‍රහයා ගමන් කරන්නේ 1,2,3 යන භාවස්ථාන මතිනි. ශාස්ත්‍රීය කටයුතු කීපයක් වෙනුවෙන් කාලයත් ශ්‍රමයත් වැය කිරීමට සිදු වෙයි. ලාබ ලැබීමේ මාර්ග කීපයක් වෙනුවෙන් වෙහෙසීමට සිදු වේ. එහෙත් නොසිතූ ලෙස තමාට අලාභයක් සිදු වීමට ඉඩ ඇති කාලයකි. විවාහ අපේක්ෂිතයන්ට බලාපොරොත්තු බිඳවැටෙන අන්දමේ කටයුතු කීපයක් සිදු කරයි. එමෙන්ම සතිය මැද කාලයේදී හදිසි වැටීම් තැළීම් වැනි අනතුරුදායක තත්ත්වයකට මුහුණ දීමට ඉඩ ඇති කාලයක් බැවින් එදිනෙදා කටයුතු පිළිබඳ කල්පනාකාරි වීම වැදගත් වේ.

අය 07 - වැය 03

ජය අංකය - 04

ජය වර්ූණය - කොළ

සුබ දවස - බ්‍රහස්පතින්දා

මකර -ගැටලුවක් නිරවුල් කරයි

වෙනදාට වඩා පවුලේ කටයුතු පිළිබඳ සොයා බැලීමක් කළ යුතු කාලයක් වන අතර මේ සතියේ සඳු ග්‍රහයාගේ ගමන සිදු වන්නේ 9,10,11 යන භාවස්ථාන මතිනි. විශ්වාසවන්ත කෙනකුගේ ඇසුරට කටයුතු සැලසෙන සතියකි. මවගේ උපකාර ලැබී කටයුතු කීපයක් සිදු කර ගැනීමට මඟ සැලසේ. පදිංචි හෝ පිට වාසයට කරුණු සැලසෙන සතියකි. පියපස ඥාතියකු පිළිබඳ සිත්තැවුලක් අසන්න ලැබේ. අඹුසැමි විශ්වාසයට බාධා වන අන්දමේ කටයුතු කීපයක් සිදු වීමට ඉඩ ඇත. දරුවකුගේ හිතුවක්කාර තීරණයක් හේතුවෙන් තමාට මානසික අසහනය ඇති කරයි. පවුලේ ගැටලුවක් නිරවුල් කර ගැනීමට මඟ සැලසේ.

අය 07 - වැය 03

ජය අංකය - 09

ජය වර්ූණය - කහ

සුබ දවස - බදාදා

මිථුන-පෙම් සබඳතාවයකට බාධා

පවුලේ කටයුතු වෙනුවෙන් විශේෂ වෙහෙස මහන්සියක් සිදු කරන සතියක් වන අතර මේ සතියේ ඔබේ ලග්නයට අනුව සඳු ග්‍රහයාගේ ගමන සිදු වන්නේ 4,5,6 යන භාවයන් මතිනි. හදිසි ලැබීමකට හිමිකම් ඇති කරන කාලයකි. පවුලේ පැවැති ගැටලුකාරි බවකින් නිදහස් වීමට අවස්ථාව උදාකරයි. නිතර තමා සොයාගෙන එන කෙනකු නිසා කරදරකාරි බවක් ඇති වීමට ඉඩ ඇත. මවුපස ඥාතියකු වෙනුවෙන් කැපවී කටයුතු කිරීමට සිදු වෙයි. සති අන්තය වන විටදී පෙම් සබඳතාවයකට බාධාගෙන දෙන අන්දමේ කටයුතු කීපයක් සිදු කරයි. දේපළ ගැටලුවකින් නිදහස් වීමට හැකි වන සතියකි.

අය 05 - වැය 02

ජය අංකය - 04

ජය වර්ූණය - කොළ

සුබ දවස - බ්‍රහස්පතින්දා

තුලා -පැරණි හිතවත්කමක් අලුත් කරයි

අවිවේකී ලෙස උදා කරන මේ සතියේ ඔබේ ලග්නයට අනුව සඳු ග්‍රහයා ගමන් කරන්නේ 12,1,2 යන භාවස්ථාන මතිනි. පවුලේ ගැටලු කීපයක් නිරවුල් කරගෙන යෑමට හැකි වන සතියකි. යටපත් වූ අතක ආබාධයක් නැවත මතුවිය හැකිය. හදිසි ආදායම් මාර්ග යෙදුණත් ඒවා සිතූ තරම් සාර්ථක නොවන බවක් පෙන්නුම් කරයි.

ළඟම ඥාතියෙකුගේ උපකාරයක් ඇතිව කටයුතු කීපයක් සාර්ථක කර ගැනීමට කටයුතු සැලසේ. පැරණි හිතවත්කමක් අලුත් වන බවක් පෙන්නුම් කරයි. නීති ගැටලුවකට මැදි වීමට ඉඩ ඇති බැවින් ඒ පිළිබඳ අවධානයෙන් කටයුතු කරන්න.

අය 06 - වැය 04

ජය අංකය - 03

ජය වර්ූණය - තැඹිලි

සුබ දවස - සඳුදා

කුම්භ -අමතර මුදල් වැය වීමක්

පීඩාකාරි ලෙස කටයුතු කීපයක් සිදු කරන සතියක් වන අතර මේ සතියේ ඔබේ ලග්නයට අනුව සඳුගේ ගමන සිදු වන්නේ 8,9,10 යන භාවයන් මතිනි. නිතර සමාජ සේවා කටයුතු කෙරෙහි සිත යොමු කරන කාලයකි. දරුවකුගේ කටයුතු හේතුවෙන් අමතර මුදල් වැය වීමක් සිදු කරයි. සහෝදර පක්ෂය සමඟ ඇති කරගත් බහින්බස් වීමක් දුරදිග යාමට ඉඩ ඇත. නිතර තමා යන එන ගමන් පිළිබඳ සැලකිලිමත් වන්න.

වරින් වර ඇති කරන කොන්ද ආශි‍්‍රත ආබාධයකට ප්‍රතිකාර ලබා ගැනීමට සිදු වේ. අලුත් රැකියා අපේක්ෂාවෙන් සිටින අයට සුබදායක කාලයකි.

අය 08 - වැය 06

ජය අංකය - 06

ජය වර්ූණය - දම්

සුබ දවස - සඳුදා

කටක - ප්‍රභූ අය හා ඇසුරක්

වෙනදාට වඩා ගමන් බිමන් අධික කරන සතියක් වන අතර මේ සතිය ආරම්භය ඔබට මිශ්‍රඵලදායක බවක් පෙන්නුම් කරයි. මේ සතියේ සඳු ග්‍රහයාගේ ගමන සිදු වන්නේ 3,4,5 යන භාවස්ථාන මතිනි. සහෝදර පක්ෂයේ කටයුතු කීපයකට හවුල් වීමට මඟ සැලසෙන සතියකි. වෙනදාට වඩා වගකීම් බහුල වන බවක්ද පෙන්නුම් කරයි.

නිතර වයසින් අඩු අය සමඟ ඇසුරට අවස්ථාව උදාකරයි. ප්‍රභූ අය හා එක්ව කටයුතු කිරීමට අවස්ථාව සැලසෙන බවක් පෙන්නුම් කරයි. හදිසි වැටීම් තැළීම්වලට ඉඩ ඇති කාලයක් බැවින් එදිනෙදා කටයුතුවලදී පරිස්සම් වන්න.

අය 07 - වැය 03

ජය අංකය - 09

ජය වර්ූණය - දම්

සුබ දවස - සඳුදා

වෘශ්චික-හිතුවක්කාර විවාහයක්

ලැබීම් අතින් යහපත් සතියක් වන අතර මේ සතිය ආරම්භය ඔබට මිශ්‍රඵල අත්කරයි. වෘශ්චික ලග්න හිමි ඔබගේ සඳු ග්‍රහයා මේ සතියේ ගමන් කරන්නේ 11,12,1 යන භාවස්ථාන මතිනි. ඥාති හිතවතුන් සමඟ සුහදතාවයකින් කටයුතු කිරීමට මඟ සැලසෙන කාලයකි. නිතර පවුලේ කෙනකු වෙනුවෙන් වෙහෙසීමට සිදු වේ.

තීන්දු තීරණ ගැනීමේදී දුරදිග සිතා බලන්න. දුර ගමනක් හේතුªවෙන් යොදාගත් වැඩපිළිවෙළක් වෙනස් කිරීමට සිදු වේ. හිතුවක්කාර විවාහයක් හේතුවෙන් පවුලේ අයගේ දෝෂාරෝපණයට ලක්කරයි. සති අන්තයේදී දරුවකු පිළිබඳ සුබදායක පුවතක් අසන්නට ලැබේ.

අය 06 - වැය 04

ජය අංකය - 07

ජය වර්ූණය - නිල්

සුබ දවස - බ්‍රහස්පතින්දා

මීන- සහෝදර සිත් අමනාපයක්

නිතර මානසික පීඩා ඇති කරන කාලයක් වන අතර සඳු ග්‍රහයා මේ සතියේ ගමන් කරන්නේ 7,8,9 යන භාවස්ථාන මතිනි. මෙතෙක් කරගෙන ආ වැඩපිළිවෙළකට බාධා ගෙන දෙන අන්දමේ කටයුතු කීපයක් සිදු කරයි. නොසිතූ ලෙස තමා සතු දෙයක් නැති වීමට ඉඩ ඇති බවක් පෙනේ. ගනුදෙනුවක් පියවා ගැනීමට නීති පිහිට පැතිය යුතු සතියකි. සහෝදර සිත් අමනාපකමක් දුරදිග යන ලකුණු පෙන්නුම් කරයි. නිතර ආගමික සහන පතන කාලයක් වන අතර, ආගමික සහන පතා දුර පළාතකට යාමට ද සිදු වේ. සතිය මැද කාලයේදී පරම්පරාගත දේපළක් හිමිවන ලකුණු පෙන්නුම් කරයි. නිතර දරුවකු පිළිබඳ විමසිල්ලෙන් පසුවන්න.

අය 06 - වැය 04

ජය අංකය - 02

ජය වර්ූණය - කහ

සුබ දවස - බදාදා

ධම්මිකා රාජපක්ෂ