මේෂ

බාධක අවහිරතා අහෝසි වේ

 

ලබන්නා වූ නව වසර ඔබට කිසියම් ශුභදායක තත්ත්වයක් උදාවන බව පෙනී යයි. නව වසරේ දී මෙතෙක් පැවති බාධක අවහිරතා අහෝසි වන අතර සිතට සහනදායි සිතුවිලි ඇතිවේ.

රැකීරක්ෂා - රැකියා ස්ථානයන්හි මෙතෙක් පැවති බාධක හා අවහිරතා අහෝසි වන අතර ප්‍රමාද වෙමින් පැවති වැටුප් වර්ධක හා උසස්වීම් මේ වසරේ මුල් භාගයේ දී ඉටුවන බව පෙනී යයි. ඔබේ අභිවෘද්ධිය සඳහා හිතකර වාතාවරණයක් මැයි මස මුල් සතියේ දී ඇති කරනු ලැබේ. රැකියා කටයුතු සම්බන්ධයෙන් පෙරට වඩා ශුභදායක තත්ත්වයක් ගෙන දෙන බව පෙන්නුම් කරයි. තම රැකියාව වෙනුවෙන් බෙහෙවින් උනන්දුවකින් හා ක්‍රියාශීලිභාවයෙන් යුතුව කටයුතු කිරීමෙන් රැකියාවේ වැඩිදියුණුවත් ස්ථිරභාවයත් සකසා ගනී. වෙළෙඳ ව්‍යාපාර කටයුතුවල නියුතු අයට යහපත් වුවද ආදායමේ අඩු වීමක් පෙනී යයි.

ධනය- අනවශ්‍ය, නිශ්ඵල වියදම් මනාව පාලනය කිරීමෙන් ආර්ථිකය වර්ධනය කරගත හැකි වසරකි.

අධ්‍යාපනය - අධ්‍යාපන කටයුතු නිරවුල් මනසකින් යුක්තව කරගෙන යාමට හැකියාව ලැබේ.

ගෘහජීවිතය- තම සහෝදර, සහෝදරියන් වෙනුවෙන් වැඩිපුර කාලය වැය කිරීමට සිදුවෙයි. ගේ දොර කටයුතු යහපත් වන අතර යුගදිවිය සතුටින් ගත කිරීමට හැකිවේ.

සෞඛ්‍යය- පොදුවේ නීරෝගිමත් වසරකි.

සුබ දවස් - අඟහරුවාදා, සිකුරාදා, සෙනසුරාදා

සුබ අංක - 5, 6, 8, 9

සුබ වර්ණ - නිල්,රතු

වෘෂභ

බාධක මධ්‍යයේ අභිවෘද්ධිය

වෘෂභ ලග්න හිමියන්ට 2025 වසර යහපත උදා කරයි. ඔබගේ අරමුණු හා අභිවෘද්ධියට මඟ සලසන්නේ බාධක මධ්‍යයේ බව පෙන්නුම් කරන අතර ස්වකීය උත්සාහය තුළින් සාර්ථකත්වයක් ලබා ගත හැකි වසරකි.

රැකීරක්ෂා - රැකියාවේ නවෝදයක් ගෙන දේ. රැකී රක්ෂා කටයුතුවල සාර්ථකත්වයක් දක්නට ලැබෙන මේ වසර තුළ දී රැකියා උසස්වීම් ලබා ගන්නා අතර නව රැකියා අපේක්ෂාවෙන් පසුවන වෘෂභ ලග්න හිමියන්ට සිය අපේක්ෂා ඉටුවන බව පෙන්වා දිය යුතුව ඇත. රැකියා ස්ථානයේ උසස් බලයක් ගොඩනඟා ගැනීමට හැකිවීමෙන් සිතේ පී‍්‍රතිය ගෙනදෙන කාලවකවානුවකි. වෙළෙඳ ව්‍යාපාරවල යෙදී සිටින අයට වාසි සහගත තත්ත්වයන් උදාවන බව පෙනීයයි.

ධනය - 2025 වසර තුළ ආර්ථිකය උසස් මට්ටමක තබා ගැනීමට හැකිවන අතර අනපේක්ෂිත ලෙස ධන වාසනාවන් හිමිවීමේ භාග්‍යය පෙන්නුම් කරයි.

අධ්‍යාපනය - අධ්‍යාපන කටයුතුවල උසස් ප්‍රගතියක් දක්නට ලැබෙන අතර තරගකාරී විභාගවලින් ජය ලබාගත හැකි වසරකි.

ගෘහ ජීවිතය - ගෘහ ජීවිතය යහපත්ය.

වෘෂභ ලග්න හිමි තරුණ තරුණියන්ට මංගල යෝග උදාවන වසරකි. අඹු සැමියන් අතර, සමගිය හා සෙනෙහෙබර ගති වර්ධනය වේ.

සෞඛ්‍යය - ශරීර සෞඛ්‍යය පිළිබඳ සැලකිලිමත් වන්න.

සුබ දවස් - සඳුදා, බදාදා, සිකුරාදා, ඉරිදා

සුබ අංක - 5, 6, 8

සුබ වර්ණ - කොළ, සුදු

මිථුන

විදෙස් ගමන්

මිථුන ලග්න හිමියන්ට මේ නව වසර තුළ පැහැදිලි සුබපල රැසක් ගෙනදීමට හේතුවේ. මෙතෙක් පැවැති බාධක මැඬගෙන යා හැකි වසරක් බව පෙනී යයි. විදෙස් ගමන් අපේක්ෂිත මිථුන ලග්න හිමියන්ගේ බලාපොරොත්තු ඉටුවේ.

රැකී රක්ෂා - රැකියා ක්ෂේත්‍රයේ යහපත් ප්‍රගතියක් දක්නට ලැබේ. රැකියා ලාභ මෙන්ම තනතුරු ලාභද හිමිවන අතර උසස් නිලධාරින්ගේ ආධාර හා උපකාරය ලැබීම තුළින් තම වැඩකටයුතු පහසුවෙන් කර ගැනීමට හැකිවන බව පෙන්නුම් කරයි. රැකියාව සම්බන්ධයෙන් වෙනදාට වඩා වගකීම් හිමිවන අතර, සිතේ පී‍්‍රතියෙන් හා සතුටින් තම රැකියා කටයුතුවල නිරත විය හැකි වසරකි. වෙළෙඳ ව්‍යාපාරවලින් අනපේක්ෂිත ලාභ ලබන බව පෙන්නුම් කරයි.

ධනය - ආර්ථිකය යහපත් මට්ටමක තබා ගැනීමට හැකි වේ.

අධ්‍යාපනය - අධ්‍යාපන කටයුතු උසස් අන්දමින් කරගෙන යෑමට හැකිවන අතර තරග විභාගවලින් ජය අත්කර ගැනීමට හැකිවේ.

ගෘහ ජීවිතය - ගෘහ ජීවිතය වාසනාවන්ත අඹුසැමියන් අතර සමගිය හා සෙනෙහෙබර ගති වර්ධනය වේ.

සෞඛ්‍යය - සමස්තයක් වශයෙන් මේ වසර නීරෝගිමත් වසරකි.

සුබ දවස් - සඳුදා, බදාදා, බ්‍රහස්පතින්දා

සුබ අංක - 3, 5, 12, 14

සුබ වර්ණ - කොළ, කහ

කටක

සමාජයේ පැසසුම්

 

2025 නව වසර කටක ලග්න හිමියන්ට ශුභදායක වසරකි. ඇසුරු කරන හිත මිතුරන් අතර පි‍්‍රය මනාප තත්ත්වයකට පත්වන අතර සිතේ සතුට හා සැනසිලි ගතියකින් යුතුව වැඩ කටයුතු කිරීමට හැකිවන වසරකි.

රැකී රක්ෂා - රැකියා කටයුතු සම්බන්ධයෙන් යහපත් ප්‍රතිඵල ගෙන දෙයි. රැකියා උසස්වීම් හා විදේශ රැකියා ලබා ගැනීමේ වාසනාව හිමිවන බව පෙනී යයි. රැකියා ආයතන ප්‍රධානීන්ගේ සහයෝගය ලැබීමෙන් ඔබේ සිතට සතුට වැඩි කරයි. වෙළෙඳ ව්‍යාපාර කටයුතු සම්බන්ධයෙන් වාසිසහගත තත්ත්වයක් උදාකරන අතර සම්භාණ්ඩ නිෂ්පාදකයන්ට හා රන් රිදී භාණ්ඩ වෙළෙඳාමෙන් අසීමිත ලාභ ලබා ගත හැකි බව පෙන්නුම් කරයි.

ධනය - ආර්ථිකය ශක්තිමත් වනු ඇත. අනපේක්ෂිත ලෙස ධන ලාභ ගෙන දිය හැකි බව පෙනී යයි.

අධ්‍යාපනය - අධ්‍යාපන කටයුතු සාර්ථක අන්දමින් කරගෙන යාමේ හැකියාව දක්නට ලැබෙන අතර ගුරු දෙගුරුන්ගේ සහයෝගය හා උදව් උපකාර නොඅඩුව ලබා ගත හැකි බව පෙන්නුම් කරයි.

ගෘහජීවිතය - දරුවන්ගේ දියුණුව සැලසේ. මංගල යෝග උදා වේ. ගෘහජීවිත වාසනාවන්ත වන අතර තම උරුම දේපළ ආදිය බලාපොරොත්තු නොවූ ආකාරයට හිමිවීමේ භාග්‍ය උදා වේ.

සෞඛ්‍යය - උගුරේ ආබාධ ගෙන දීමේ ප්‍රවණතාවක් දක්නට ලැබේ.

සුබ දවස් - අඟහරුවාදා, බදාදා ,සිකුරාදා

සුබ අංක - 2, 7, 8

සුබ වර්ණ - සුදු, ක්‍රීම්, කහ

සිංහ

මිශ්‍රපල

සිංහ ලග්න හිමියන්ට ශුභදායක මිශ්‍රපල ගෙන දෙන වසරකි. නොසැලකිලිමත්කම නිසා නොයෙකුත් පාඩු සිදුවීමට ඉඩ තිබෙන මේ වසර තුළ ඉවසීමෙන් හා කල්පනාකාරීව කටයුතු කිරීමට වග බලා ගන්න.

රැකීරක්ෂා - රැකීරක්ෂා කටයුතුවලදී අනපේක්ෂිත අභියෝගවලට මුහුණපෑමට සිදුවුවත් රැකියාව සුපුරුදු පරිදි කරගෙන යාමට හැකිවනු ඇත. රැකියා කටයුතුවල පැවති බාධක 2025 මැයි මස අගදි මුළුමනින්ම අහෝසි වන බව පෙනී යයි. වෙළෙඳ ව්‍යාපාරිකයන්ට යහපත්ය. ව්‍යාපාරික කටයුතුවලින් සුවිශේෂී ආදායමක් ලබාගත හැකි අතර ව්‍යාපාර කටයුතුවල ශීඝ්‍ර දියුණුවක් ගෙන දෙන බව පෙනී යයි. රූපලාවණ්‍ය, නිමි ඇඳුම් සහ සුවඳ විලවුන් ආදී ක්ෂේත්‍රයන්හි නිරත අයට ශුභදායක වසරකි.

ධනය - ආදායම් තත්ත්වය යහපත් වුවද ප්‍රමාණය ඉක්මවා වැය පස ඉහළයාමට ඉඩකඩ පවතින බැවින් කල්පනාකාරීව කටයුතු කිරීම යහපත් ය.

අධ්‍යාපනය - තරග විභාගවලට පෙනී සිටින සිසු සිසුවියන්ට පහසු ජයග්‍රහණ අත්කර ගැනීමේ වාසනා ගුණය ඔබ සතුව පවතින බව පෙන්නුම් කරයි.

ගෘහ ජීවිතය - ගෘහජීවිතය සතුටින් හා සාමයෙන් ගත කළ හැකි වසරකි. දූ දරුවන්ට යහපත සැලසේ.

සෞඛ්‍යය - සෞඛ්‍ය තත්ත්වය එතරම් යහපත් නොවනු ඇත.

සුබ දවස් - අඟහරුවාදා, බදාදා, ඉරිදා

සුබ අංක - 1, 4, 5, 9

සුබ වර්ණ - රතු, කොළ

කන්‍යා

සමාජ සේවා

 

කන්‍යා ලග්න හිමියන්ට 2025 ශුභදායක වසරකි. ඔබේ වටිනා කාලය සමාජ සේවා කටයුතුවලට වැයවන අතර ඔබ ජීවත්වන සමාජය තුළ කිසියම් අන්දමක ගෞරවයක්ද ප්‍රසිද්ධියක්ද උදා කර ගනී.

රැකී රක්ෂා - තාවකාලික රැකියාවල නියුතු කන්‍යා ලග්න හිමියන්ගේ තත්ත්වය උසස්වේ. රැකියා අරමුණු උදෙසා විදෙස්ගත වීමට බලාපොරොත්තු වන්නන් සඳහා ශුභදායක වසරකි. වෙළෙඳ ව්‍යාපාර කටයුතුවල සාර්ථක ප්‍රතිඵල ලබාගන්නා බව පෙනීයයි. සංචාරක ව්‍යාපාරයන්හි කටයුතුවල යෙදෙන කන්‍යා ලග්න හිමියන්ට අනපේක්ෂිත ලාභ ලබාගත හැකි බව පෙන්වා දිය යුතුව ඇත.

ධනය - ආර්ථිකය සතුටුදායක මට්ටමක පවතින අතර ආයෝජනයෙන් ලාභාපේක්ෂාවෙන් කරන කටයුතුවලින් නොසිතූ ලාභ අත්වේ. අමතර ආදායම් මාර්ග උපදවා ගැනීමට කදිම වසරකි.

අධ්‍යාපනය - අධ්‍යාපන කටයුතු උසස් අන්දමින් කරගෙන යාමේ හැකියාව පෙන්නුම් කරයි.

ගෘහ ජීවිතය - දූ දරුවන්ගේ කටයුතු කෙරෙහි වැඩි අවධානයක් යොමුවන බව පෙනීයන අතර යුග දිවිය සතුටින් ගත කිරීමට හැකිවේ. විවාහ අපේක්ෂකයන්ගේ අරමුණු ඉටුවන වසරකි.

සෞඛ්‍යය - රෝග පීඩාවන්ට පත්ව සිටි ඔබට සුවදායක තත්ත්වයක් උදාවනු ඇත.

සුබ දවස් - බදාදා, බ්‍රහස්පතින්දා, සිකුරාදා

සුබ අංක - 2, 5, 6, 7

සුබ වර්ණ - කොළ, සුදු, කහ

තුලා

අපේක්ෂා ඉටුවේ

2025 නව වසර තුලා ලග්න හිමියන්ට වාසනාවන්ත වසරක් වනු ඇත. මේ වසර තුළ දී කලක සිට බලාපොරොත්තු වූ පරමාර්ථ ඉෂ්ට සිද්ධ වන බව පෙනී යයි.

රැකී රක්ෂා - රැකියා ක්ෂේත්‍රයේ යහපත් ප්‍රගතියක් දක්නට ලැබේ. රැකියා ලාභ මෙන්ම තනතුරු ලාභද හිමිවන අතර රැකියා කටයුතුවලදී සේවා ස්ථානයේ අන්‍යයන්ගේ ආධාර, උපකාර ලැබීම තුළ ඔබේ වැඩ කටයුතු ඉතා පහසුවෙන් ඉටුකර ගන්නා බව පෙන්නුම් කරයි. විදේශීය රැකියා අපේක්ෂිත තුලා ලග්න හිමියන්ගේ පැතුම් ඉටුවනු ඇත. වෙළෙඳ ව්‍යාපාරිකයන්ට යහපත් වසරකි.

ධනය - මේ නව වසරේදී නොසිතූ විරූ ලෙස මිල මුදල් ලැබීමේ භාග්‍ය උදාවන බව පෙන්නුම් කරයි. ආර්ථිකය ශුභදායකය.

අධ්‍යාපනය - අධ්‍යාපන කටයුතුවල නියුතු සිසු සිසුවියන්ට තම හැකියාවන් දක්ෂතාවන් බොහෝ දුරට දියුණු කරගත හැකි බව පෙන්නුම් කරන අතර ශිෂ්‍යත්ව ලබා ගැනීමේ භාග්‍ය උදාවිය හැකි වසරකි.

ගෘහ ජීවිතය - ගෘහ ජීවිතය වාසනාවන්තය. පවුලේ පී‍්‍රතිය හා සමාදානය රජයන වසරකි.

සෞඛ්‍ය - ශරීර සෞඛ්‍ය සතුටුදායකය.

සුබ දවස් - සඳුදා, අඟහරුවාදා, බ්‍රහස්පතින්දා

සුබ අංක - 3, 4, 7, 9

සුබ වර්ණ - කහ, රතු, තැඹිලි

වෘශ්චික

බාධක අවහිරතා අහෝසි වේ

 

වෘශ්චික ලග්න හිමියන්ට ලබන්නා වූ නව වසර කිසියම් ශුභදායක තත්ත්වයක් උදාවන බව පෙනී යයි. නව වසරේදී මෙතෙක් පැවති බාධක හා අවහිරතා අහෝසි වන අතර සිතට සහනදායී බවක් ගෙනදෙයි.

රැකී රක්ෂා - රැකියා ස්ථානයන්හි මෙතෙක් පැවැති බාධක හා අවහිරතා අහෝසි වන අතර ප්‍රමාද වෙමින් පැවති වැටුප් වර්ධක හා උසස්වීම් මේ වසරේ මුල් භාගයේ දී ඉටුවන බව පෙනී යයි. ඔබේ අභිවෘද්ධිය සඳහා හිතකර වාතාවරණය අප්‍රේල් මස අගදී ඉටුවන බව පෙන්නුම් කරයි. තෘප්තිමත්භාවයකින් රැකියා කටයුතුවල නිරත විය හැකි වසරකි. වෙළෙඳ ව්‍යාපාරිකයන්ට වාසිසහගත තත්ත්වයක් දක්නට ලැබේ.

ධනය - ආර්ථික වශයෙන් සුබදායක තත්ත්වයක් පෙන්නුම් කරයි.

අධ්‍යාපනය - අධ්‍යාපන කටයුතුවල නිරත දරු දැරියන්ට ඉතා හොඳ වසරක් බව පෙනී යයි. උසස් අධ්‍යාපනය හදාරන සිසු සිසුවියන්ගේ අදහස් ඉටුවනු ඇත.

ගෘහ ජීවිතය - ගෘහ ජීවිතය සම්බන්ධයෙන් එදිනෙදා කටයුතු බාධාවකින් තොරව ක්‍රියාත්මක වන අතර පවුලේ පී‍්‍රතිය හා සමාදානය රජයන වසරකි.

සෞඛ්‍යය - වැටීම්, තුවාල ආදියෙන් පීඩා විඳීමට හැකිවන වාතාවරණයක් දක්නට ලැබේ.

සුබ දිනයන් - සඳුදා, අඟහරුවාදා, බ්‍රහස්පතින්දා

සුබ අංක - 2, 3, 4, 7, 9

සුබ වර්ණ - ළා රතු, තැඹිලි

 

ධනු

අර්බුද විසඳේ

 

ධනු ලග්න හිමියන්ගේ පසුගිය වසරේ පැවති අර්බුද තත්ත්වයන් විසඳා ගැනීමට හැකිවීමෙන් මානසික සුවයකින් නව වසර ගත කළ හැකිය.

රැකී රක්ෂා - රැකී රක්ෂා කටයුතු යහපත් අයුරින් කරගත හැකි වුවත් විටෙක කාර්යබහුලත්වය තුළ ගතට සිතට අවිවේකී බවක් උදාකරයි. කෙසේ වුවත් ඇතිවන බාධා මැඬ ගනිමින් තම දක්ෂතාවන් පෙන්නුම් කරයි. මෙතෙක් රැකියා විරහිතව සිටි. ධනු ලග්න හිමියන්ට අලුත් රැකියා අවස්ථා උදාවේ. ඔබේ විදෙස් රැකියා පැතුමද මේ වසර තුළ දී ඉටුවන බව පෙන්වාදිය යුතුව ඇත. වෙළෙඳ ව්‍යාපාරිකයන්ට යහපත් ප්‍රතිඵල නෙළා ගත හැකි වසරකි.

ධනය - ආර්ථිකය සතුටුදාක මට්ටමක පවතින අතර අය වැය සමබරව පවත්වා ගැනීමට සමත් වෙයි.

අධ්‍යාපනය - සියලු බාධක මැඬගනිමින් අධ්‍යාපන කටයුතු උසස් තත්ත්වයකින් කරගෙන යාමේ හැකියාවක් පෙන්නුම් කරයි.

ගෘහ ජීවිතය - මේ වසරේ මුල් භාගයේ දී ගෘහ ජීවිතයේ කටයුතුවල බාධා අවහිරතා ගෙන දීමේ ප්‍රවණතාව පවතින බැවින් බුද්ධිමත්ව, ඉවසිලිවන්තව ක්‍රියා කිරීම ප්‍රඥාගෝචරය වසර මැද භාගයේ දී යුග දිවියට එල්ල වූ විවිධ අවහිරතා පහව යාමෙන් යුග දිවිය සතුටින් ගත කිරීමට ඉඩ ලැබේ.

සෞඛ්‍යය - මුත්‍රා ආබාධ ගෙනදීමේ ප්‍රවණතාවන් පෙන්නුම් කරයි.

සුබ දවස් - බදාදා, සිකුරාදා, බ්‍රහස්පතින්දා,

ඉරිදා

සුබ අංක - 3, 5, 6, 8

සුබ වර්ණ - සුදු, කහ, ළා නිල්

මකර

මංගල යෝජනා සාර්ථකයි

 

මකර ලග්න හිමියන්ට ඉතා වාසනාවන්ත නව වසරකි. මේ වසර තුළදී යහපත් මංගල යෝජනා සාර්ථක වන අතර මංගල කටයුතු ඉක්මන් වන බව පෙනී යයි.

රැකී රක්ෂා - රැකියා උසස්වීම් සහිත කාලවකවානුවක් උසස් නිලධාරීන්ගේ හොඳ හිත දිනා ගත හැකි අතර ඔබ යටතේ සිටින සේවකයන් පාලනය කිරීමේ අවස්ථාව මේ වසරේ දී ලැබෙනු ඇත. වසර මැද භාගයේ දී විදෙස් රැකියා අපේක්ෂිත මකර ලග්න හිමියන්ගේ පැතුම් ඉටුවන අතර එමඟින් ජීවිතයට උද්දාමයක්, සමෘද්ධියක් ලැබෙනු ඇත. වෙළෙඳ ව්‍යාපාරිකයන්ට වාසිසහගත වසරකි.

ධනය - මකර ලග්න හිමියන්ට වසර පුරාම ධන ලාභ ලැබීමේ භාග්‍යය පෙන්නුම් කරන අතර අග වන විට සෑහෙන මුදලක් තැන්පත් ධනයක් සේ ඉතිරිවනු ඇත. ආර්ථික දියුණුවට මඟ පාදන වසරකි.

අධ්‍යාපනය - අධ්‍යාපන කටයුතුවල නිරත දරු දැරියන්ට යහපත්ය. තම සහජ දක්ෂතාවන් හා හැකියාවන් වර්ධනය කර ගැනීමට අවස්ථා සැලසෙන වසරකි.

ගෘහ ජීවිතය - ගේ දොර පිළිබඳව නව ප්‍රබෝධයකින් කටයුතු කරන බව පෙනී යයි. වසර අගදී නිවෙසේ මංගල උත්සවයක් ඇතිවීමේ ඉඩකඩක් දක්නට ලැබේ. පවුලේ පී‍්‍රතිය හා සමාදානය රජයන වසරකි.

සෞඛ්‍යය - නීරෝගිමත් වසරක්

සුබ දවස් - අඟහරුවාදා, බදාදා, සිකුරාදා

සුබ අංක - 6, 8, 9

සුබ වර්ණ - සුදු, රතු, නිල්

කුම්භ

සිතුම් පැතුම් ඉටුවේ

 

කුම්භ ලග්න හිමියන්ට 2025 නව වසර ඉතා ශුභදායකය. සිතේ පී‍්‍රතිය හා උනන්දුවෙන් යුතුව කටයුතු කිරීමට හැකි වාතාවරණයක් ගොඩනැඟෙන බව පෙන්නුම් කරයි.

රැකී රක්ෂා - උත්සාහයේ තරමට වඩා ප්‍රතිඵල ලබාගත හැකි වසරකි. උසස් නිලධාරින්ගේ සිත් දිනාගෙන කටයුතු කිරීමට හැකිවන අතර උසස්වීම් ලබා ගැනීමට භාග්‍යය උදාවනු ඇත. ව්‍යාපාරික කටයුතුවල උසස් ප්‍රගතියක් දක්නට ලැබෙන අතර කීර්තිය හා බලය වර්ධනය වේ. මේ වසර තුළ දී ඔබේ සිතුම් පැතුම් සාර්ථක කර ගත හැකි පසුබිමක් ගොඩනැඟේ.

ධනය - ආර්ථිකය උසස් මට්ටමක තබා ගැනීමට හැකිවන අතර අනපේක්ෂිත ධන ලාභයක් හිමිවන බව පෙනී යයි.

අධ්‍යාපනය - අධ්‍යාපන කටයුතු ඉතා උසස් අන්දමින් කරගෙන යාමේ හැකියාව ලැබේ. තරග විභාගවලින් උසස් ප්‍රතිඵල ලබා ගන්නා බව පෙන්නුම් කරයි.

ගෘහ ජීවිතය - පවුලේ අය අතරේ සමගිය සමාදානය වර්ධනය වේ. තම දරුවන්ගේ දියුණුව හා විවාහ කටයුතු සාර්ථකවීමෙන් සිතට සතුටක් දැනේ.

සෞඛ්‍යය - ශරීර සෞඛ්‍යය පිළිබඳව තරමක් ප්‍රවේශම් විය යුතු වසරකි.

සුබ දවස් - අඟහරුවාදා, බ්‍රහස්පතින්දා

සුබ අංක - 2, 3, 7, 9

සුබ වර්ණ - රතු, කහ, සුදු

මීන

කාන්තා පක්ෂයේ ආකර්ෂණය

 

මේ නව වසර මීන ලග්න හිමියන්ට ශුභදායක මෙන්ම පලදායී වසරක් වනු ඇත. ඔබගේ හැසිරීම් රටාවට හා කතා විලාසයට කාන්තාවන් ආකර්ෂණය වන බව පෙන්නුම් කරයි.

රැකී රක්ෂා - ඔබගේ රැකියා කටයුතුවල සාර්ථකත්වය දක්නට ලැබෙන අතර තම දක්ෂතාවන් හා හැකියාවන් වර්ධනය කර ගැනීමට අවස්ථාවක් උදා වේ. රැකියා බලාපොරොත්තුවෙන් සිටින මීන ලග්න හිමියන්ට සම්මුඛ පරීක්ෂණාදියට පෙනී සිටීමට ඉඩ ලැබේ.

පසුගිය වසරට වඩා රැකියා කටයුතු පහසුවෙන් කරගැනීමට ඉඩ සැලසීමෙන් සිතට මහත් සැනසීමක් ලබා ගනී. රැකියා අරමුණු උදෙසා විදෙස්ගතවීමට බලාපොරොත්තු වන්නන් සඳහා ශුභදායක වසරකි.

වෙළෙඳ ව්‍යාපාරිකයන් නව ආදායම් මාර්ග උපදවන අතර නව ව්‍යාපාර ආරම්භ කිරීමට හැකිවන බව පෙන්නුම් කරයි.

ධනය - ආර්ථිකයේ සුවිශේෂී වර්ධනයක් පෙන්නුම් කරයි. තැන්පත් ධනය ඉහළ යන අතර අනපේක්ෂිත ධන ලාභයක් හිමිවන වසරකි.

අධ්‍යාපනය - අධ්‍යාපන කටයුතුවල නිරත දරු දැරියන්ට ශුභදායකය. විභාගවලින් උසස් ප්‍රතිඵල ගෙන දිය හැකි වසරකි.

ගෘහ ජීවිතය - ඉඩකඩම් දේපොළ සම්බන්ධව තිබූ ගැටලුකාරී තත්ත්වයක් නිරාකරණය කර ගැනීමට හැකිවන අතර යුග දිවිය සතුටින් ගත කිරීමට හැකිවන බව පෙනී යයි.

සෞඛ්‍යය - ශරීර සෞඛ්‍යය පිළිබඳව සැලකිලිමත් වන්න.

සුබ දවස් - අඟහරුවාදා, බ්‍රහස්පතින්දා,

ඉරිදා

සුබ අංක - 1, 3, 4, 9

සුබ වර්ණ - රතු, කහ