මෝස්ත්‍රදාමස් නම් ඒ ශ්‍රේෂ්ඨ අනාවැකි ශාස්ත්‍රධරයා, රුසියා සමූහාණ්ඩුව බිඳ වැටීමත් සමඟම නුදුරු අනාගත දිනයක චීනය ලොව ප්‍රබලයා වන බවත්, තාක්ෂණය අතිනුත් සියලු බටහිර රටවල් අබිබව පෙරමුණ ගන්නා බවත් මෙයට වසර 500කට පෙර කියා තිබීම මහත් කුතුහලය දනවන්නක්ම වෙයි. ඔහු එය තම සිවුපද කාව්‍ය සහ ශ්ලෝක මඟින් ප්‍රකාශ කර ඇත.

මාගේ රාජකාරී සංචාර සඳහා චීනයට යන්නට අවස්ථාව ලද්දෙමි. එහිදී ලෝකයේ විශාලතම ගුවන් තොටුපළත් ලොව විශාලතම දුම්රිය ස්ථානයත් ලෝකයේ වේගයෙන් ධාවනය වන මගී දුම්රියත් දුටිමි. මම එහි ගමන් කළෙමි. ලොව හොඳම සංචාරක හා ඓතිහාසික පුරවරයක් ලෙස සලකන චීන මහා ප්‍රාකාරය සබැඳි සංචාරක පුරවරයද කිහිප විටක්ම නැරඹීමට ද භාග්‍යවන්ත වූවෙමි. මෙයින් මා දුටුවේ චීනයේ සංවර්ධන ක්‍රියාදාමයයි. කෙටි කාල පරාසයක් තුළ මසැසින් මා දුටු චීනයේ ප්‍රගතිය මෙයට වසර 500 පෙර නෝස්ත්‍රදාමස් මනසින් දැක තිබීම පුදුම සහගතය.

මිචෙල් ඩි නෝස්ත්‍රදාමස් මුල් කාලයේ ප්‍රංශය පුරාත් ඉන් පිටත යුරෝපා රටවලත් ප්‍රචලිත වූයේ එකල පැවැති මහාමාරිය වසංගතය තුරන් කිරීමට ඇප කැපව කටයුතු කරන නව බෙහෙත් වර්ග සකස් කරන්නෙකු, නොතාරිස්වරයකු, ග්‍රන්ථ කර්තෘවරයකු, භාෂා පරිවර්තකයකු සහ ඡ්‍යොතීර් ශාස්ත්‍රය පිළිබඳ විද්වත් උපදේශකයකු ලෙසිනි. එහෙත් පසුකාලීනව “විස්මිත අනාවැකි” ඉදිරි ශත වර්ෂ ගණනාවකට තම කාව්‍ය පද සහ ශ්ලෝක මඟින් ප්‍රකාශයට පත්කළ ශ්‍රේෂ්ඨ ප්‍රංශ ජාතික විද්වතකු ලෙස ලොව පුරා ජනප්‍රසාදයට ලක්විය.

1550 වසරේ දී පංචාංග ලිත ලොවට හඳුන්වා දීම තුළින් ඔහු ජනපි‍්‍රයත්වයේ හිණිපෙත්ත වෙත ළඟා වුණි. එහෙත් 1561 අග භාගයේ දී මරිග්නනේහි එවකට ප්‍රංශ රජය විසින් නෝස්ත්‍රදාමස්ව සිරගත කරන ලදි. එයට හේතු සාධක වූයේ 1562 පංචාංග ලිත එකල ප්‍රාදේශීය පාලනය කළ බිෂොප්වරයකුගේ අවසරය නොමැතිව ප්‍රකාශයට පත්කළ බැවිනි. එය එකල රාජකීය නියෝග පැහැර හැරීමක් ලෙස සැලකිනි. කෙසේ වෙතත්, මේ ශ්‍රේෂ්ඨ අනාවැකි කියන්නාගේ කිතුගොස හේතු කොට සිරදඬුවම සතියක කාලයකට සීමා විය. මෙතුමා ඉදිරිපත් කළ අනාවැකි නිසා එකල ප්‍රංශයේ මහත් ආන්දෝලනාත්ම කතා සිදු විය. ප්‍රංශයේ රාජකීය පවුලට ඉදිරි කාලයේ දී අනතුරක් සිදුවන බව 1555 ඔහුගේ පංචාංග ලිත් පොත මඟින් අනාවැකි පළ කර තිබුණි. එබැවින් ප්‍රංශයේ දෙවැනි හෙන්රි රජුගේ අග මෙහෙසිය කැතරින් ඩි මෙදිසිස් උත්තමාවිය මෝස්ත්‍රාදාමස්ව ප්‍රංශ මාලිගයට වහාම කැඳවන ලදී.

නෝස්ත්‍රදාමස්ව ප්‍රංශ මාලිගයට කැඳවූ පුවත ලැව්ගින්නක් සේ ප්‍රංශය පුරා පැතිරිණි. එකල රදළවරු සහ ඔහුගේ අනාවැකි ඇසූ බොහොමයක් දෙනා මහත් සේ කම්පාවට පත්වූයේ ප්‍රංශ මාලිගයේ නියෝග පරිදි නෝස්ත්‍රදාමස්ගේ හිස ගසා දමාවි යයිද නැතහොත් කෲර වධදී මරණයට පත්කරාවි යන සිතුවිලි නිසාවෙනි.

එහෙත් සිදු වූයේ අනෙකකි. ප්‍රංශ මාලිගාවට ප්‍රවිෂ්ට වූ නෝස්ත්‍රදාමස් ඡ්‍යොතිෂය සහ ගුප්ත විද්‍යාව අනුසාරයෙන් දෙවැනි හෙන්රි රජුගේ අගමෙහෙසියට කරුණු වටහා දී අනාගත වාක්‍යවල සත්‍යතාවය පැහැදිලි කර දෙන ලදි. ඇය නෝස්ත්‍රදාමස්ට කෙතරම් පැහැදුණේ ද යත් ඇගේ දරුවන්ගේ හඳහන් ඇඳීමට සහ එහි පලාපල විස්තර දැන ගන්නට සලස්වා ගත්තා ය.

කැතරින් අගමෙහෙසිය විසින් ඔහුව රජ මාලිගයේ උපදේශකවරයකු හා ඇගේ පුතු වන ප්‍රංශයේ හතරවැනි තරුණ චාර්ල්ස් රජුගේ පෞද්ගලික භෞත වෛද්‍යවරයා ලෙසද පත්කර ගන්නා ලදි.

නෝස්ත්‍රදාමස් එකල පල්ලිය සමඟ හොඳ සබඳතාවක් පවත්වාගෙන ගියේ ය. ඉන්ද්‍රජාල අභ්‍යාසයේ යෙදීමක් හෝ ඊට සහාය දීමක් නොකල බැවින් අනාගත වාක්‍ය කීම සහ ඡ්‍යොතිෂය එකල පිළිගන්නා ලදි.

කිහිපයක මොහු සති අන්තයකදී දින කිහිපය නිවාඩුවක් පිණිස දුර ගමන් දුම්රියකට තම සේවකයන් සහ බඩුමලුද රැගෙන ගොඩවිය. ඒ අවස්ථාවේ දී තත්කාල ශාස්ත්‍රය උපයෝගී කරගෙන ඡ්‍යොතිෂ මැනීමක් සිදු කර වහාම එම දුම්රිය පිටත්වීමට මත්තෙන් තම බඩුබාහිරාදියද සේවකයන්ද නැවත දුම්රියෙන් බැස්සවීම සිදු කරන ලදි. එයට හේතුව වශයෙන් දැක්වූයේ මෙම දුම්රිය අතරමඟදී හැප්පීමෙන් අනතුරකට ලක්ව සියලු දෙනා මියයන බව දැන ගැනීමය. එය එසේ සිදුවීම මවිතයට කරුණක් විය.

1566 වන විට ඔහුට නිරන්තරයෙන් වැලඳී තිබූ වේදනා සහිත රක්ත වාතය උග්‍ර වන්නට විය. වහාම ඔහුගේ අන්තිම කැමති පත්‍රය 1566.07.01 දින ලියන ලදි. 1566 ජූලි පළමු වැනිදා සවස ඔහුගේ ලේඛකාධිකාරීවරියට පවසා ඇත්තේ ‘ඔබ හෙට මම ජීවත්ව ඉන්නවා නොදකිනු ඇති’ යනුවෙනි. පසුදා එනම්, 1566.07.02 දින උදෑසන 5.00ට ඔහු කලින් ප්‍රකාශ කළ නිශ්චිත වේලාවටම මිය ගොස් තිබිණි.

ඔහුගේ දේහය රාජකීය ගෞරව සහිතව නගරය් ෆ්‍රැන්සිකානු දෙව් මැදුරක මිහිදන් කරන ලදි. එහෙත් පසුකාලීනව ප්‍රංශ විප්ලවය අතරතුර සාන්ත - ලෝරෙන්ට් කොලිගල්හි අද පවතින ස්ථානයේ නැවත තැන්පත් කර ගරු බුහුමන් දැක්විණි.

ප්‍රංශ විප්ලවය සහ අධිරාජයාගේ බිඳ වැටීම මනා ලෙස අනාවැකි මඟින් පළ කිරීම නිසා ලොව පුරා මෙතුමා ජනපි‍්‍රය අනාවැකි පවසන්නකු ලෙස විශ්වාස කරන්නට විය.

නෝස්ත්‍රදාමස් අනාවැකි කියන්නෙකු පමණක් නොව ඔහු වෘත්තීමය රෝග සුව කරන්නකු ද විය. එතුමා වෛද්‍ය විද්‍යාව ගැන ද ග්‍රන්ථ 3ක් ලියා ඇත. ඉන් එකක් අනුවාදයක් විය. එය ගාලෙන් නම් අයකු රචනා කරන ලද්දකි. ඩේ.සී. ගැලියන් අනුවාදය

ඉභඵ 1 ‘ඡ්යඩධපබචබඪධද ඤඥ ර්ඥදධඤධබඥ චභය ඥඵබභඤඥඵ ඤඥඵ ඡධදදඥඵ ඒපබල ථඥඵථඥදබ ථඥඤඪජඪදඥ මෙතුමා එම අනුවාදයේ වෛද්‍ය අහර නිෂ්පාදනය හා ඒ සඳහා භාවිත කරන දේවල් සඳහන් කළේ ය. එමෙන්ම මෙහි මහාමාරිය රෝගය සුව කිරීමට ශරීරයෙන් රුධිරය ඉවත් කිරීම පමණක් නොව වෙනත් ක්‍රම ඇති බව පෙන්වා දිනි. මෙම ග්‍රන්ථයෙහි විලවුන් සාදා ගන්නා ආකාරය ද විස්තර කර ඇත. මේ අත්පිටපත “ඔරුස් ඇපොලෝ” යන නමින් හඳුන්වන අතර ලියොන් පොදු පුස්තකාලයේ දක්නට ලැබේ. මේ පුස්තකාලයේ නොස්ත්‍රදාමස්ගේ 200කට ආසන්න මුල් පිටපත් මිචෙල් චෝමටර් නම් පුද්ගලයාගේ අනුග්‍රහය යටතේ සුරක්ෂිතව පවතී. මෙය පැරණි ගී‍්‍රක හෛරෝරෙකනය අදහස් කරගෙන සම්පාදනය කෙරුණු අනුවාදයකි.

මෙතුමාගේ මරණය වන තෙක් මරණය ගැන පැවසූ අනාවැකිය ප්‍රසිද්ධ වූ අතර, අනිත් පුද්ගලයන්ට මෙය අතිවිශේෂ විය. මේ කාලය වන විට ප්‍රකාශන 200කට ආසන්න සංඛ්‍යාවක් අර්ථ කථන 2000ක් සමඟ ප්‍රකාශනයට පත්විය. මේ සමඟම ලොව ප්‍රචලිත සාර්ථක අනාවැකි කියන ශාස්ත්‍රධරයා ලෙස මෝස්ත්‍රදාමස් පත්විය.

(ඉතිරි කොටස ලබන සතියේ)

හිටපු දුම්රිය සාමාන්‍යාධිකාරි (මෙහෙයුම්)

ඡ්‍යොතිෂ /වාස්තු පර්යේෂක

ඡ්‍යොතිෂ ඩිප්ලෝමා /ඡ්‍යොතිෂ උසස් ඩිප්ලෝමාධාරි

ඉන්දීය චන්දිගාර් විශ්වවිද්‍යාලය

අනුබද්ධ ශිරෝමනී උපාධි විද්‍යාර්ථි

ඡ්‍යොතිෂවේදී ආචාර්ය

විජය සමරසිංහ