මේෂ

බාධා මඟහැරේ

අන් අයගේ අදහස්වලට ගරුකරන සතියක්වන අතර, මේ සතියේ ඔබේ ලග්නයට අනුව සඳු ග්‍රහයා 10,11,12,1 යන භාවයන් මතින් ගමන් කරයි. පැවැති කරදර බාධා කීපයක් මඟහැරී යයි. අවිවේකී වුවත් සැලසුම් කිහිපයක් සාර්ථක කර ගැනීමට හැකිවෙයි. අන්සතු වස්තු ලාභයකට ද ඉඩකඩ ඇති බවක් පෙනේ. රැකියා ලාභවලට මෙන්ම තනතුරු ස්ථීරවීම්වලට හේතු ඇති කරයි. රැකියාවේ සැලසුමක් සාර්ථක කරන සතියකි. මෙතෙක් උදාසීන ලෙස කරගෙන ගිය අධ්‍යාපන කටයුතු යළි උනන්දුවකින් කරගෙන යන බවක් පෙනේ. අමතර පොත්පත් කියවීමට වෙහෙසෙන සතියකි. උෂ්ණාධික රෝගයක් හේතුවෙන් පීඩාකාරි බවක් ඇති කරයි. හදිසි වැටීම් තැලීම්වලට ඉඩ ඇත. වරින්වර ඇතිකරන ක්ලාන්ත ගතියකට ප්‍රතිකාර ලබා ගැනීමට සිදු වේ.

අය 07 වැය 03

ජය අංකය - 02

ජය වර්ණය - නිල්

සුබ දවස - සිකුරාදා

වෘෂභ

පෙර පින් මතුවේ

ප්‍රසිද්ධියට කරුණු සැලසෙන සතියක් වන අතර, මේ සතියේ සඳු ග්‍රහයා 9,10,11,12 යන භාවයන් මතින් ගමන් කරයි. ගුණ යහපත්කමින් කටයුතු සිදු කරයි. පෙර පින් බලය මතුවන කාලයකි. කරදර බාධා මැඬගෙන ඉදිරියට යයි. වගකීම්වලින් නිදහස සැලසේ. අවිවාහකයන්ට සුබදායකයි. රැකියාවේ පැවැති ගැටලුකාරි බවක් මඟහැරී යයි. රැකියාවේ දියුණුව වෙනුවෙන් වෙහෙසෙන කාලයකි. අලුත් වෙළෙඳ ව්‍යාපාරයකට සම්බන්ධ වීමට කටයුතු උදා කරයි. උසස් අධ්‍යාපනයකට අවස්ථාව සැලසෙයි. අමතර පොත්පත් මිලදී ගැනීමකට අවස්ථාව උදා කරයි. උගුරේ ආබාධයකට ප්‍රතිකාර ලබා ගැනීමට සිදු වේ. වරින්වර ඇතිකරන ක්ලාන්ත ගතියත්, අධි රුධිර පීඩනය, රුධිරගත සීනි මට්ටම කෙරෙහි ද සැලකිලිමත් වන්න.

අය 06 වැය 03

ජය අංක - 09

ජය වර්ණය - දම්

සුබ දවස - සිකුරාදා

මිථුන

රැකියා වරප්‍රසාද

උත්සාහයෙන්, උනන්දුවෙන් කටයුතුª සිදුකරන සතියක් වන අතර, මේ සතියේ සඳු ග්‍රහයා 8, 9,10,11 යන භාවයන් මතින් ගමන් කරයි.

සිතේ චංචල ගතියෙන් කටයුතු සිදු කරයි. නොසිතූ පාඩුවක් සිදුවීමට ඉඩ ඇත. නිතර ඇසුරුකරන අයකු නිසා සිත්තැවුලක් ඇතිවීමට ඉඩ ඇත. දුරදිග බලා කටයුතු කරන්න. රැකියාවේ කටයුතු සම්බන්ධ විවිධ වරප්‍රසාද හිමි කරයි. රජයට සම්බන්ධ රැකියා කටයුතුවල නිරතවූවන්ට සුබදායක පුවතක් අසන්න ලැබේ. ශාස්ත්‍රීය හා සෞන්දර්යාත්මක කටයුතුවලින් විවිධ ජයග්‍රහණ හිමිකරයි. ශරීර සෞඛ්‍යය එතරම් යහපත් නොකරයි. නිතර ඇතිවන අතේ පයේ හිරිගතිය හේතුවෙන් ප්‍රතිකාර පතයි. අජීර්ණ ආබාධයක් හේතුªවෙන්ද පීඩා ගෙන දෙන සතියකි. ඖෂධ භාවිතයේදී සැලකිලිමත් වන්න.

අය 06 වැය 05

ජය අංකය - 04

ජය වර්ණය - දම්

සුබ දවස - සඳුදා

කටක

පවුලේ උත්සවයක්

නීති කටයුත්තක් වෙනුවෙන් වෙහෙසෙමින් පවතින සතියක් වන අතර මේ සතියේ සඳු ග්‍රහයා 7, 8, 9, 10 යන භාවයන් මතින් ගමන් කරයි. හදිසි ලැබීම් සහිත කාලයකි. පවුලේ වගකීමක් තමා වෙත පැවරෙන සතියකි. වෙනදාට වඩා එදිනෙදා කටයුතු පිළිබඳ විමසිලිමත්වන්න. රැකියාවේ කටයුතු ඉතා සැහැල්ලුවෙන් කරගෙන යන කාලයකි. කලා ක්ෂේත්‍රයේ කටයුතු සම්බන්ධ රැකියා මාර්ගවලට හිමිකම් ඇති කරයි. වෙළෙඳ ව්‍යාපාර කටයුතු ආරම්භයට යහපත් කාලයකි. ධාරන ශක්තිය වැඩි දියුණු කරයි. නිතර පොතපත කියවීමට රුචිකත්වයක් දක්වන බවක් පෙනේ. සරසවි වරම් අපේක්ෂාවෙන් සිටින අයගේ බලාපොරොත්තු ඉටුවන බවක් පෙනේ. වකුගඩු, පෙනහැල්ල ආශි‍්‍රත ඇතිවන අසනීප තත්ත්වයකට ප්‍රතිකාර ලබා ගැනීමට සිදුවේ.

අය 06 වැය 05

ජය අංකය - 04

ජය වර්ණය - තැඹිලි

සුබ දවස - සිකුරාදා

සිංහ

අලුත් රැකියා හිමිවේ

උත්සාහවන්තව කටයුතු සිදුකරමින් සතිය ආරම්භවන සිංහ ලග්න හිමි ඔබගේ සඳු ග්‍රහයා 6,7,8,9 යන භාවයන් මතින් ගමන් කරයි. පවුලේ සැපත, සතුට වෙනුවෙන් පියවර කීපයක් ගනී. ගේ දොර අලුත්වැඩියාවකට වෙහෙසෙන සතියකි. බොහෝ දෙනා සම්බන්ධ කරගෙන කරන රැකියා කටයුත්තකට අවස්ථාව උදා කරයි. එමෙන්ම රැකියාවේ කටයුතු උදෙසා දුරපළාතකට යාමට සිදුවන බවක් ද පෙන්නුම් කරයි. අලුත් රැකියා මාර්ගවලට ද හිමිකම් ඇති සතියකි. තරගකාරි කටයුතු කීපයකට සම්බන්ධවීමට සිදු වෙයි. එමෙන්ම අමතර භාෂාවක් ඉගෙනීම වෙනුවෙන් වෙහෙසෙන සතියකි. ගණිත අංශයේ, තාක්ෂණික අංශයේ කටයුතුවලින් විශේෂ ජයග්‍රහණ අත්කරයි. නිතර ඇතිවන ශාරීරික අප්‍රාණික ගති හේතුවෙන් ප්‍රතිකාර පතයි.

අය 07 වැය 03

ජය අංකය - 04

ජය වර්ණය - කොළ

සුබ දවස - බ්‍රහස්පතින්දා

කන්‍යා

ඥාන ශක්තිය වැඩේ

අමතර ලැබීම් අතින් යහපත් කාලයක් වන අතර, මේ සතියේ සඳු ග්‍රහයා 5,6,7,8 යන භාවස්ථානවල ගමන් කරයි. පැවැති කරදර, බාධා මඟහැරී යයි. දුර බැහැර ගමනක් යෙදීමට ඉඩ ඇත. දේපළ ආරවුලක් විසඳා ගැනීමට කටයුතු උදා කරයි. අලුත් රැකියා අපේක්ෂාවෙන් සිටින අයට සුබදායකයි. ශාස්ත්‍රීය කටයුතු සම්බන්ධ රැකියා මාර්ගවලට හේතු යෙදේ. ස්වයං රැකියා කටයුතුවල නියුතු වූවන්ට සුබදායකයි. ඥාන ශක්තිය වැඩි දියුණුවන කටයුතු කීපයක් යෙදේ. විදෙස් අධ්‍යාපනයකට සැලසුමක් ඇතිකරගන්නා කාලයකි. නිතර ශාරීරික වෙහෙසීම් අධික කරයි. යටපත් වූ සෙම් රෝගයක් නැවත මතුවීමට ඉඩ ඇත. ජලය සම්බන්ධ කටයුතුවලින් ඈත්වීම යහපත් වේ.

අය 06 වැය 03

ජය අංකය - 09

ජය වර්ණය - රතු

සුබදවස - සිකුරාදා

තුලා

වගකීමකින් නිදහස්

සැනසිලිදායක සතියක් ගෙවන තුලා ලග්න හිමි ඔබගේ සඳු ග්‍රහයා මේ සතියේ 4, 5, 6, 7 යන භාවයන් මතින් ගමන් කරයි. වගකීමකින් නිදහස උදා කරයි. නිතර දරුවකුගේ කටයුතු වෙනුවෙන් වෙහෙසීමට සිදුවෙයි. අවිවාහකයන්ට සුබදායක සතියකි. පොරොන්දු ගිවිසුමක් සාර්ථක කරයි. ජලාශි‍්‍රත කටයුතු සම්බන්ධ රැකියා මාර්ගවලට හේතු යෙදේ. වෙනදාට වඩා රැකියාවේ කටයුතු සම්බන්ධ දුරදිග සිතා බලන්න. අලුත් රැකියා හෝ තනතුරු අපේක්ෂාවෙන් සිටින අයට සුබදායකයි. උගත් දෙයින් ප්‍රයෝජන ලබාගත හැකි බවක් පෙනේ. තරමක බාධා යෙදුණත් අධ්‍යාපන කටයුතු ඉතා උනන්දුවෙන් කරගෙන යයි. ශරීර සෞඛ්‍ය තරමක් දුරට වෙනස් කරයි. රුධිරගත සීනි මට්ටම, අධිරුධිර පීඩනය කෙරෙහි සැලකිලිමත් විය යුතු සතියකි. හදිසි සෞඛ්‍යය පරීක්ෂණයකට ද භාජනයවීමට සිදුවෙයි.

අය 07 වැය 04

ජය අංකය - 03

ජය වර්ණය - කොළ

සුබ දවස - ඉරිදා

වෘශ්චික

අමතර ගමන් බහුලයි

අලුත් අදහස් ඇතිකරන කාලයක් වන අතර මේ සතියේ සඳු ග්‍රහයා 3,4,5,6 යන භාවයන් මතින් ගමන් කරයි. අමතර ගමන් බහුල කරයි. නොගැළපෙන ඇසුරකට හේතු යෙදෙන කාලයකි. ලැබීම් අතින් යහපත් කරයි. වෙනදාට වඩා විනෝදයෙන් කටයුතු කරන සතියකි. රැකියා ස්ථිරවීමක් පිළිබඳ බලාපොරොත්තුවක් ඉටුකරයි. රැකියාවේ කටයුතු සඳහා දුර පළාතකට යාමට සිදුවෙයි. පිරිස් පාලනය අණදෙන ක්ෂේත්‍රයේ රැකියා මාර්ගවලට හිමිකම් ඇති කරයි. වෙනදාට වඩා පොතපත කියවීමට කැමැත්තක් දක්වයි. කණ්ඩායම් වැඩසටහනක නායකත්වය දරන කාලයකි. සරසවි වරම් අපේක්ෂාවෙන් සිටින අයට සුබදායකයි. චර්මගත ආබාධයකට මුහුණපෑමට සිදුවෙයි. උෂ්ණාධික ආහාරපාන ගැනීමෙන් වැළැකී සිටීම යහපත් කරයි.

අය 08 වැය 06

ජය අංකය - 09

ජය වර්ණය - ළා නිල්

සුබ දවස - බදාදා

ධනු

අතමිට සරුවේ

අමතර ලැබීම් සහිත කාලයක් වන අතර මේ සතියේ සඳු ග්‍රහයා 2,3,4,5 යන භාවයන් මතින් ගමන් කරයි. වෙනදාට වඩා ඉවසිලිවන්තව කටයුතු සිදු කරයි. අලුත් දේ මිලදී ගැනීමට කටයුතු උදා කරයි. නිතර පුණ්‍ය කටයුතුවලට සම්බන්ධවන බවක් පෙනේ. රැකියාවේ කටයුතු වෙනදාට වඩා සිතේ සැහැල්ලුවෙන් කරගෙන යන කාලයකි. අතමිට සරුකරන සුළු සුළු ස්වයංරැකියා මාර්ගවලට හේතු යෙදේ. තනතුරු හෝ ස්ථාන වෙනසක් අපේක්ෂාවෙන් සිටින අයට සුබදායකයි. විශේෂ දැනුමකින් යුක්ත වේ. නිතර අලුත් දේ ඉගෙනීමට වෙහෙසෙයි. අලුත් පොත්පත් මිලදී ගැනීමකට කටයුතු උදාකරන සතියකි. ශරීර වෙහෙස මහන්සිය වැඩිකරයි. සෙම් අමාරු පපුව සම්බන්ධ ආබාධ වරින්වර මතුවීමට ඉඩ ඇත. හදිසි සෞඛ්‍ය පරීක්ෂණයකට භාජනය වෙයි.

අය 07 වැය 03

ජය අංකය - 04

ජය වර්ණය - ළා කහ

සුබ දවස - සිකුරාදා

මකර

විශ්වාසවන්ත ඇසුරක්

උත්සාහයෙන් කටයුතු සිදු කරන සතියක් වන අතර මේ සතියේ සඳු ග්‍රහයා 1, 2, 3, 4 යන භාවයන් මතින් ගමන් කරයි. විශ්වාසවන්ත කෙනකුගේ ඇසුරට කටයුතු උදා කරයි. හදිසි ගනුදෙනුවකට කටයුතු සූදානමක් ඇති කරයි. අසල්වැසි සබඳතා අලුත් කරන කාලයකි. සෞන්දර්යාත්මක කටයුතු සම්බන්ධ රැකියා මාර්ගවලට හේතු යෙදේ. නිතර දෑතේ මහන්සියෙන් කරන රැකියා කටයුතුවලින් අමතර ලාභ හිමිකරන බවක් පෙනේ. ඉගෙනීමේ කටයුතුවලට පැවැති බාධා කීපයක් මඟහැරී යයි. උසස් අධ්‍යාපන කටයුතු සම්බන්ධ නව අදහස් කීපයක් ඇති කරයි. විශේෂ පාඨමාලාවකට යොමුවීමට ඉඩ ඇති කාලයකි. හතිය, පපුවේ මහන්සිය ආදී රෝග පීඩා මතුවිය හැකි කාලයකි. වරින්වර හදිසි සෞඛ්‍ය පරීක්ෂණවලට ද භාජනය වීමට සිදුවෙයි.

අය 06 වැය 05

ජය අංකය - 07

ජය වර්ණය - තැඹිලි

සුබ දවස - සඳුදා

කුම්භ

කලාවෙන් සම්මාන

උගත් දෙයින් ප්‍රයෝජන ලබාගත හැකි සතියක් වන අතර මේ සතියේ සඳු ග්‍රහයා 12, 1, 2, 3 යන භාවයන් මතින් ගමන් කරයි.

ආගම දහමට ළැදිව කටයුතු කරන කාලයකි. විශේෂ කෙනකුගේ ඇසුරට කටයුතු උදාකරයි. විවාහ සහකරු, සහකාරිය අතර ඇතිව තිබූ ගැටලුවක් විසඳා ගැනීමට හැකිවෙයි. තාක්ෂණික අංශයේ කටයුතු සම්බන්ධ රැකියා මාර්ගවලට හේතු සැලසේ. ඥාන ශක්තිය වැඩි දියුණුවන අන්දමේ කටයුත්තකට අතගසයි. සාහිත්‍ය හා කලා අංශයෙන් විවිධ සම්මාන සහතික හිමිකරයි. ශරීර අභ්‍යන්තරයේ ඇතිවන ආබාධයකට ප්‍රතිකාර ලබා ගැනීමට සිදුවෙයි. නිතර හට ගන්නා උගුර ආශි‍්‍රත ආබාධයක් හේතුවෙන් මානසික අසහනාකාරි බවක් ඇති කරයි.

අය 06 වැය 03

ජය අංකය - 04

ජය වර්ණය - කහ

සුබ දවස - බදාදා

මීන

වගකීම් වැඩි වෙයි

වගකීම් බහුල කරමින් සතිය ආරම්භ කරන මීන ලග්න හිමි ඔබගේ සඳු ග්‍රහයා 11, 12, 1, 2 යන භාවයන් මතින් ගමන් කරයි. අලුත් දැනහැඳුනුම්කම්වලට හේතු ඇතිකරයි. අවිවේකී වුවත් සැලසුම් කිහිපයක් සාර්ථක කරයි. මවුපස ඥාතියකුගෙන් උපකාරයක් හිමිකරයි. ආර්ථික අතින් යහපත් රැකියාවකට හේතු ඇති කරයි. අලුත් රැකියා අපේක්ෂකයන්ට සුබදායකයි. ඉගෙනීමේ කටයුතුවලට පැවැති බාධා මඟහැරී යයි. තරගකාරි කටයුතු කීපයකට සහභාගිවීමට අවස්ථාව උදා කරයි. දුර ප්‍රදේශයක අධ්‍යාපන කටයුතු වෙනුවෙන් වෙහෙසෙන කාලයකි. ශරීර සෞඛ්‍යය වරින්වර වෙනස්වන කාලයකි. දතක ආබාධයකට ප්‍රතිකාර ලබා ගැනීමට සිදුවේ. එමෙන්ම හිසේ ආබාධ, උගුර සම්බන්ධ ආබාධ වරින්වර මතුවිය හැකිය.

අය 08 වැය 06

ජය අංක - 04

ජය වර්ණය - නිල්

සුබ දවස - බදාදා