ගුවනෙහි පොසොන් සඳපායන අයුරු පෙනේ
පන්සල වෙහෙර බෝමලුවෙහි සිසිල දෙතේ
බැලු බැලු හැමතැනම බුදුගුණ මිහිර දැනේ
පැතිරෙයි දසත අනුබුදු නා සමිඳු ගුණේ

තුරුලිය පලබරය සිත සුව ගෙන දේය
ගොඩමඩ අහස නව සිරි යෙන් බැබ ළේය
සැනසුම ලබ ලබා සව්සත පිබි දේ ය
අනුබුදු මිහිඳු හිමි අසිරිය පැති ෙර්ය

යහගුණ වගාවෙන් හදවත් පණ පෙව්ව
ගොවිතැන තුළින් නව ජීවන රස මැව්ව
අඹතල ගලමුදුනෙ දම්රස විහි දෙව්ව
අනුබුදු සමිඳු නමදිමි නිවනට මඟ කිව්ව

දාගැබ් පෙතිපිළිම මහවැව් අමුණූ තනා
සමිඳුගෙ උවදෙසින් මගෙ රට එකලු වුණා
උත්තම පොසොන් දින දැයකට ඉසුරු ගෙනා
සමරමි සැමවිටෙක සඳහම් ගඟුලෙ නනා

නෙත සිත යොමු කළොත් යටගිය යුගය වෙත
ඒ හැම විටම සිත අබිමන් නැඟෙනු ඇත
යහගුණ සුවඳ ඉස ගෙන දුන් රටට සෙත
නමදිමි මිහිඳු හිමි සඳහම් සුවඳ කොත

අවුකන ඉසුරු මුණි රන්මැලි මහ සෑයයි
මහබේ සමිඳු හෙළයට ආසිරි ගීයයි
සීගිරි දෙගල්දොරු ලෝවා මහ පායයි
අනුබුදු හිමි ගෙ පැවසෙන ගුණ සමුදායයි