නොයෙකුත් රසකාරක යෙදූ ආහාරවලට වැඩිහිටියන් මෙන්ම වර්තමාන සමාජයේ යොවුන් පරපුර වගේම දරු දැරියන් ද දක්වන්නේ පුදුම ආශාවකි. රයිස් වර්ග, කොත්තු වර්ග, රොටි වර්ග, ක්ෂණික කෑම වර්ග හා බැදුම් වර්ග ද ඒ අතර වේ. රැකියාවල නියැළෙන බොහෝ දෙනකු මෙන්ම අනෙකුත් අයද වැඩිවශයෙන් සවස් වන විට කෑම අලෙවි සැල්වලට යන බව දැක ගන්නට ඇත.

උගත් නූගත් හැම කෙනෙක්ම ආහාරවල ඇති ගුණාත්මකභාවය තම ශරීරයට හිතකරද අහිතකරද දිරවීමට පහසුද අපහසුද යන වග නොදැන සිටිනි. අද සමාජයේ වැඩි දෙනකු පුරුදුව ඇත්තේ ආහාරවල ඇති පි‍්‍රයමනාපයට හා රසයටයි. බොහෝ විට මහ මඟ ගමන් කරන විට යම් යම් ආහාර වර්ග කෑමට ද පුරදුව සිටිති. මෙය එතරම් සුදුසු දෙයක් නොවේ. සමහර ආහාර අලෙවි සැල් ඉදිරිපිට වාහන ධාවනය කෙරෙන මාර්ග අසල මේස පුටු තබා ආහාර වර්ග අලෙවි කිරීමට පියවර ගෙන ඇත.

මාර්ග අසල ආප්ප, පිට්ටු, නූඩ්ල්ස්, වඩේ වැනි කෑම ජාති සුවපහසු ලෙස සිටිමින් කන අයද බොහෝය. ඔවුන් කිසි විටකත් එම කෑම වර්ග වාහනවලින් විහිදී යන අපිරිසුදු වාතය දූවිලි මුසුව ආහාරයට ගන්නා බව නොදන්නවා විය හැකිය. ධාවනය වන වාහන දෙස බලමින් මහ මඟ යන එන අය දිහා බලමින් මාර්ග අසල ආහාර ගැනීමෙන් ආහාර වගේම විෂ දූවිලිද ශරීරගත වේ. මේ නිසා ශරීර අභ්‍යන්තරයේ ඇති ඉන්ද්‍රියන්ට හානි පැමිණිය හැකිය. තෙල් හා ප්‍රෝටීන් අධික ආහාර වැඩිපුර කෑමෙන් අක්මාව ඉතා ඉක්මනින් රෝගී වීමට පුළුවන. නිතර නිතර ෂෝටිට්ස්, බැදුම් තෙල් මිශ්‍ර ආහාර ගැනීමෙන් අක්මාවේ තෙල් තට්ටු තැන්පත්වීම සිදු වේ.

මෙවැනි තත්ත්වයන් බෙහෙවින් ව්‍යායාම්වල අඩුව නිසාත් සිදු වේ. ඉන් මිදීමට නම් දිනකට විනාඩි හතළිස් පහක් පමණවත් ඇඟ වෙහෙසීමේ ව්‍යායාමයක යෙදිය යුතුය. අපගේ ශරීරයට හිතකර මෙන්ම අහිතකර තෙල් වර්ග හඳුනා ගැනීමේ දී සංතෘප්ත මේදය යටතට පොල්කිරි, පොල්තෙල්, බටර් ආදිය අයත් වේ. අසංතෘප්ත මේදය යටතට තල තෙල්, සෝයා තෙල්, සූර්යකාන්ත තෙල්, රටකජු තෙල්, ඔලිවු තෙල් හා එළවළු තෙල් ද වේ. මෙහිදී තල තෙල්වලට විශේෂත්වයක් වන්නේ තල තෙල්වල හෘද රෝග වළක්වාගත හැකි ඖෂධීය තත්ත්වයක් පවතින බැවිනි. සත්ත්ව තෙල්වල කෙලෙස්ටරෝල් අඩංගු වේ. ශාක ඇටවලින් ලබා ගන්නා තෙල්වල කෙලෙස්ටරෝල් අඩංගු වන්නේ නැත. බොහෝ දෙනකු වැඩි වශයෙන්ම යොදාගනු ලබන්නේ පොල්කිරි හා පොල් තෙල්ය.

පොල් තෙල්වල ඇත්තේ සංතෘප්ත මේදයයි. පොල්කිරිද අහිතකරය. මිටිකිරි භාවිතය ශරීරයට අහිතකර බවත් එහිදී කොලෙස්ටරෝල් මට්ටම ඉහළ යන බවත් සොයාගෙන ඇත. ශරීරයේ බර වැඩි වීමටද අධික තෙල් පරිභෝජනය එක් හේතුවකි. මේ නිසා තෙල් බැදුම් කෑම වර්ග හා තෙල් මිශ්‍ර කෑම ආහාරයට ගැනීම සීමා කළ යුතුය. ශරීරයේ ශක්තිය දරනු ලබන්නේ සහ ගබඩා වී ඇත්තේ අක්මාවේ ය. අප ගනු ලබන යම් යම් ආහාර මඟින් ශරීරයට විසක් ඇතුළු වුවහොත් ශරීරගත අනෙක් අවයවවලට විෂ යා නොදී ශරීරය ආරක්ෂා කරගනු ලබන්නේ අක්මාව නමැති ඉන්ද්‍රියයි. මේ නිසා අක්මාව ශරීරයට අත්‍යවශ්‍ය ඉන්ද්‍රියක් වෙයි. එය රැක ගැනීමද අත්‍යවශ්‍යම දෙයකි.

අධික ප්‍රෝටීන්, මාංශ ජනක ආහාර ගැන දැනුම්වත්ව සිටීම ඉතාම වැදගත්ය. පාන් පෙත්තක ග්‍රෑම් 25ක කැලරි ප්‍රමාණයකි. කැලරි 60, පාන් පිටි ග්‍රෑම් 100 කැලරි 350 අර්තාපල් ග්‍රෑම් 100කි. කැලරි 70, මඤ්ඤොක්කා ග්‍රෑම් 100 කි. කැලරි 140 බතල ග්‍රෑම් 100කි. කැලරි 115 හරක්මස් මේද රහිත ග්‍රෑම් 100කි. කැලරි 200 හරක් මස් මේද සහිත ග්‍රෑම් 100කි. කැලරි 320 කුකුළුමස් ග්‍රෑම් 100කි. කැලරි 200 තෝරමාළු ග්‍රෑම් 100කි. කැලරි 130 මෝරමාළු ග්‍රෑම් 100කි. කැලරි 95 සාඩින් ටින් මාළු ග්‍රෑම් 100කි. කැලරි 350 ඌරුමස් ග්‍රෑම් 100 කි. කැලරි 450 ඉස්සන් ග්‍රෑම් 100කි. කැලරි 100 බිත්තර, කැලරි 160 හාල්මැස්සන් ග්‍රෑම් 100කි. කැලරි 300 කකුළුවන් ග්‍රෑම් 100කි. කැලරි 100 කරවල ග්‍රෑම් 100කි. කැලරි 240 බටර් ග්‍රෑම් 100කි. කැලරි 720 එළකිරි යොදය රහිත මිලි ග්‍රෑම් 100කි. කැලරි 110 පිටි කළ කිරි මේද රහිත ග්‍රෑම් 100කි. කැලරි 360කි. යෝගට් යොදය සහිත ග්‍රෑම් 100කි. කැලරි 80 මීකිරි ග්‍රෑම් 100කි. කැලරි 80 පතෝල ග්‍රෑම් 100කි. කැලරි 20 වැටකොළු ග්‍රෑම් 100කි. කැලරි 18 බණ්ඩක්කා ග්‍රෑම් 100කි. කැලරි 25 ලබු ග්‍රෑම් 100කි.කැලරි 10 බීට්රූට් ග්‍රෑම් 100කි. කැලරි 40 රාබු ග්‍රෑම් 100කි. කැලරි 25 ගෝවා ග්‍රෑම් 100කි. කැලරි 30 වම්බටු ග්‍රෑම් 100කි. කැලරි 25 වට්ටක්කා ග්‍රෑම් 100කි. කැලරි 35 පිපිඤ්ඤා ග්‍රෑම් 100කි. කැලරි 15 තක්කාලි ග්‍රෑම් 100කි. කැලරි 20 ලීක්ස් ග්‍රෑම් 100කි. කැලරි 42 බොම්බයි ලූනු ග්‍රෑම් 100කි. කැලරි 40 කතුරුමුරුංගා ග්‍රෑම් 100කි. කැලරි 15 කොහිල ග්‍රෑම් 100 කි. කැලරි 15 ගොටුකොළ ග්‍රෑම් 100කි. කැලරි 32 කරවිල ග්‍රෑම් 100 කි. කැලරි 25 නෙළුම් අල ග්‍රෑම් 100කි. කැලරි 230 කන්කුන් ග්‍රෑම් 100කි. කැලරි 30 පොල් ග්‍රෑම් 100කි. කැලරි 350 පොල්කිරි ග්‍රෑම් 100කි. කැලරි 350 දඹල ග්‍රෑම් 100කි. කැලරි 400 බෝංචි ග්‍රෑම් 100කි. කැලරි 350 මයිසූර් පරිප්පු ග්‍රෑම් 100 කි. කැලරි 340කි.

රාජපුර වෙද මැඳුරේ ආයුර්වේද වෛද්‍ය

සුමිත් රාජපුර