මේෂ

ගනුදෙනුවක් සාර්ථකයි

සැනසිලිදායක බව තරමක් දුරට අඩුකරන සතියක් වන අතර මේ සතියේ සඳු ග්‍රහයා 1,2,3,4 යන භාවයන් මතින් ගමන් කරයි.

ගෘහ ජීවිතය

වගකීම් බහුල කරන සතියකි. මවුපස ඥාතියකුගෙන් උපකාරයක් ගැනීමට හැකි වෙයි. තැන තැන ඇවිදිලි ඇති කරන සතියකි. පැරැණි ගනුදෙනුවක් සාර්ථක කරන බවක් පෙනේ. ආගම දහම කෙරෙහි වෙනදාට වඩා දැඩි භක්තියක් විශ්වාසයක් ඇති කරයි. ඥාතීන්ගේ අස්ථාන චෝදනාවකට ලක්වීමට ඉඩ ඇත.

රැකියාව

රැකියාවේ කටයුතු සම්බන්ධ පැවැති බාධාකාරි බව මඟහැරී යයි. අනුන් යටතේ කරන රැකියා කටයුතුවලින් නොසිතූ ගැටලුවකට මුහුණපායි. වෙළෙඳ ව්‍යාපාර කටයුතුවලට සම්බන්ධ වීමෙන් අමතර ලාභ ලැබිය හැකිය. රැකියා කටයුතුවලින් ප්‍රසිද්ධියක් අත්කරන බවක් පෙනේ.

අධ්‍යාපනය

වෙනදාට වඩා උනන්දුවකින් අධ්‍යාපන කටයුතු කරගෙන යන කාලයකි. ගුරු දෙගුරුන්ගේ අවවාද හා උපදෙස් ලැබෙනු ඇත.. වෙනදාට වඩා අලුත් පොත්පත් කියවීමට රුචිකත්වයක් දක්වන බවක් පෙනේ. විදෙස් අධ්‍යාපනයකටද සැලසුම් ඇතිකරගන්නා සතියකි.

සෞඛ්‍යය

ශරීර සෞඛ්‍යයට වරින්වර බාධා මතුකරයි. ඔබ ස්ත්‍රී පක්ෂයේ නම් ඔසප් දෝෂ ගර්භාෂගත ආබාධ මතුවිය හැකි කාලයකි. උෂ්ණාධික රෝග මතුවිය හැකි කාලයක් බැවින් ආහාරපාන ගැනීමේදි කල්පනාකරි විය යුතු බවක් පෙනේ.

අය 06 වැය 04

ජය අංකය - 02

ජය වර්ණය - කොළ

සුබ දවස - බදාදා

වෘෂභ

ගැටලුවකින් නිදහස්

උනන්දුවෙන්, උත්සාහයෙන් කටයුතු සිදුකරන සතියක් වන අතර මේ සතියේ සඳු ග්‍රහයා 12,1,2,3 යන භාවයන් මතින් ගමන් කරයි.

ගෘහ ජීවිතය

පවුලේ ගැටලු කීපයක් නිරවුල් කර ගැනීමට කටයුතු උදා කරයි. අලුත් සැලසුමක් වෙනුවෙන් වෙහෙසෙන සතියකි. විවාහ අපේක්ෂාවෙන් සිටින අයට සුබදායකයි. පවුලේ කෙනකුගේ වගකීමක් තමාපිට පැවරේ. වෙනදාට වඩා වියදම් අධික කරන කටයුතු කීපයක් යෙදේ. නොගැළපෙන ඇසුරකට කටයුතු සැලසෙන සතියකි.

රැකියාව

අලුත් රැකියා අපේක්ෂාවෙන් සිටින අයට එතරම් යහපත් කාලයක් නොවනු ඇත. වෙළෙඳ ව්‍යාපාර කටයුතුවලින් වාසි සැලසෙන කාලයකි. අතරමඟ නවතා දමා තිබූ ස්වයංරැකියා කටයුත්තක් නැවත ආරම්භ කරන බවක් පෙනේ.

අධ්‍යාපනය

තරගකාරි කටයුතු කීපයකට සම්බන්ධවීමට සිදුවෙයි. නවදැනුම සොයා යන කාලයකි. අලුත් පොත්පත් මිලදී ගැනීමට අවස්ථාව සැලසෙයි. කටයුතු උදා කරයි. විදෙස් අධ්‍යාපනයකට සැලසුමක් ඇතිකර ගන්නා සතියකි. සාහිත්‍ය හා කලා අංශයට ළැදි බවක් පෙනේ.

සෞඛ්‍යය

ශාරීරික වෙහෙස මහන්සිය බහුල කරයි. ඇඟේ පතේ වේදනාවකට ප්‍රතිකාර ලබා ගැනීමට සිදුවේ. හදිසි ප්‍රතිකාර පතා දුර පළාතකට යාමට සිදුවන සතියකි. රුධිරගත සීනි මට්ටම කෙරෙහි සැලකිලිමත් වන්න. සෙම් දෝෂ බහුලවීමෙන් පපුව, පෙනහැල්ල ආශි‍්‍රත අමාරු, හිසේ ආබාධ ආදිය මතුවිය හැකියි.

අය 06 වැය 04

ජය අංකය - 02

ජය වර්ණය - කොළ

සුබ දවස - බදාදා

මිථුන

ප්‍රසිද්ධියට කරුණු යෙදේ

මෙතෙක් පැවැති උදාසීන ගතිපැවතුම් මඟහැරී යන සතියක් වන අතර මේ සතියේ සඳු ග්‍රහයා 11,12, 1,2 යන භාවයන් මතින් ගමන් කරයි.

ගෘහ ජීවිතය

ගෘහ ජීවිතයේ කටයුතු පිළිබඳ විශේෂ උනන්දුවක් දක්වන සතියකි. සහෝදරාදීන්ට ඉතා ළැදිව කටයුතු සිදුකරයි. සමාජ ගෞරවයත් ප්‍රසිද්ධියත් ලැබිය හැකි කාලයකි. අඹුසැමි විශ්වාසය බිඳවැටීමක් සිදුවීමට ඉඩ ඇත. වෙනදාට වඩා පවුලේ කෙනකු පිළිබඳ විශේෂ උනන්දුවක් දැක්විය යුතු බවක් පෙනේ. අමනාප වූ කෙනකු සමඟ මිතුරුවීමට අවස්ථාව සැලසෙන සතියකි.

රැකියාව

රැකියාවේ කටයුතු වෙනදාට වඩා උනන්දුවකින් කරගෙන යන බවක් පෙනේ. සෞඛ්‍ය ක්ෂේත්‍රයේ රැකියා මාර්ග, ඖෂධ සම්බන්ධ රැකියාවලට යොමුවිය හැකි කාලයකි. විදෙස්ගත රැකියාවක් වෙනුවෙන් සූදානමක් ඇතිකර ගන්නා සතියකි.

අධ්‍යාපනය

ධාරණ ශක්තිය බලවත් බැවින් හොඳ මතක ශක්තියක් තිබේ. ඉගෙනීමට දක්ෂය. තරමක බාධක යෙදුණත් ඉගෙනීම බොහෝදුරට සාර්ථක වේ. තරග විභාගයක් වෙනුවෙන් වෙහෙසෙන කාලයකි.

සෞඛ්‍යය

ශරීර වෙහෙස මහන්සියට කරුණු යෙදෙන සතියකි. නිතර ඇතිවන පාදයේ ආබාධයක් හේතුවෙන් වේදනා අත්කරයි. චර්මගත ආබාධයකට ප්‍රතිකාර ලබා ගැනීමට සිදුවන සතියකි.

අය 07 වැය 04

ජය අංකය 09

ජය වර්ණය - කොළ

සුබ දවස - බ්‍රහස්පතින්දා

කටක

සිතට සහනය ගෙනේ

වගකීම් බහුල කරමින් සතිය ආරම්භ කරන කටක ලග්න හිමි ඔබගේ සඳු ග්‍රහයා 10,11,12,1 යන භාවයන් මතින් ගමන් කරයි.

ගෘහ ජීවිතය

වෙනදාට වඩා සිතේ සැහැල්ලුවෙන් කටයුතු සිදුකරයි. නිතර නිතර තමා හමුවට එන අය පිළිබඳ සැලකිලිමත්වන්න. නොගැළපෙන ඇසුරකට කටයුතු සැලසීමට ඉඩ ඇත. දුර ඥාතියෙකුගේ පැමිණීමක් තුළින් කටයුතු කීපයක් සාර්ථක කර ගැනීමට හැකිවෙයි. ගේ දොර අඩුපාඩු කීපයක් සපුරාගැනීමට හැකිවන සතියකි.

රැකියාව

රැකියාවේ කටයුතු සම්බන්ධ පැවැති ගැටලුකාරි බවකින් නිදහස්වීමට අවස්ථාව උදා කරයි. පිරිස් පාලනය සම්බන්ධ රැකියා මාර්ගවලට හිමිකම් ඇතිකරයි. නිතර රැකියාවේ කටයුතු හේතුවෙන් පදිංචියෙන් පිට වාසයට හේතු ඇතිකරයි. තනතුරු වෙනසක් බලාපොරොත්තු විය හැකි සතියකි.

අධ්‍යාපනය

අලුත් පොත්පත් කියවීමට කැමැත්තක් දක්වන සතියකි. එමෙන්ම අලුත් පොත්පත් මිලදී ගැනීමකට ද අවස්ථාව උදා කරයි. ගණිත අංශයේ කටයුතුවලට වැඩි ප්‍රියතාවක් දක්වන බවක් පෙනේ.

සෞඛ්‍යය

ශරීර අභ්‍යන්තරයේ ඇතිවන අසනීප තත්ත්වයක් හේතුවෙන් ප්‍රතිකාර පතන සතියකි. වෙනදාට වඩා තම ශරීර සෞඛ්‍යය පිළිබඳ සැලකිලිමත්වන්න. පරම්පරාගත අසනීප තත්ත්වයක් මතුවිය හැකි සතියකි. ජලය සම්බන්ධ කටයුතුවලින් පරිස්සම්වීම වැදගත් වේ.

අය 07 වැය 05

ජය අංකය - 09

ජය වර්ණය - තැඹිලි

සුබ දවස - බ්‍රහස්පතින්දා

සිංහ

පවුලේ උත්සවයක්

නීති කටයුත්තක් වෙනුවෙන් වෙහෙසෙමින් ඇරැඹෙන සතියක් වන අතර මේ සතියේ සඳු ග්‍රහයා 9, 10,11,12 යන භාවයන් මතින් ගමන් කරයි.

ගෘහ ජීවිතය

අමතර ගමන් බිමන් බහුල කරන බවක් පෙනේ. හදිසි ලැබීම් සහිත කාලයකි. පවුලේ වගකීමක් තමා වෙත පැවරෙන සතියකි. වෙනදාට වඩා එදිනෙදා කටයුතු පිළිබඳ විමසිලිමත්වන්න. ආගම දහමට ළැදිව කටයුතු කරන බවක් පෙනේ. පවුලේ උත්සව අවස්ථාවක් වෙනුවෙන් වෙහෙසෙන සතියකි.

රැකියාව

රැකියාවේ කටයුතු ඉතා සැහැල්ලුවෙන් කරගෙන යන කාලයකි. කලා ක්ෂේත්‍රයේ කටයුතු සම්බන්ධ රැකියා මාර්ගවලට හිමිකම් ඇතිකරයි. වෙළෙඳ ව්‍යාපාර කටයුතු ආරම්භයට යහපත් කාලයකි. ස්වයං රැකියාවක නිරතවන කාලයකි.

අධ්‍යාපනය

ධාරණ ශක්තිය වැඩිදියුණු කරයි. නිතර පොතපත කියවීමට රුචිකත්වයක් දක්වන බවක් පෙනේ. තරග විභාග ජයග්‍රහණයක් වෙනුවෙන් සතුටට පත්විය හැකි කාලයකි. සරසවි වරම් අපේක්ෂාවෙන් සිටින අයගේ බලාපොරොත්තු ඉටුකරයි.

සෞඛ්‍යය

වකුගඩු, පෙණහැල්ල ආශි‍්‍රත ඇතිවන අසනීප තත්ත්වයකට ප්‍රතිකාර ලබා ගැනීමට සිදුවේ. නිතර නිතර ශාරීරික වෙහෙස මහන්සිය ගෙන දෙන බවක් පෙනේ. වරින්වර සෞඛ්‍ය පරීක්ෂණයකටද භාජනයවීමට සිදු වෙයි.

අය 06 වැය 05

ජය අංකය 04

ජය වර්ණය - තැඹිලි

සුබ දවස - සිකුරාදා

කන්‍යා

සමාජ සේවයට ළැදි වේ

සිතේ නොසන්සුන්කාරී ලෙස සතිය ආරම්භ කරන කන්‍යා ලග්න හිමි ඔබගේ සඳු ග්‍රහයා 8,9,10,11 යන භාවයන් මතින් ගමන් කරයි.

ගෘහ ජීවිතය

පවුලේ වැඩිහිටියකු නිසා නොසිතූ කරදර කීපයකට මුහුණපෑමට සිදුවන සතියකි. ප්‍රසිද්ධියට පත්වන කාලයක් වන අතර අන්‍යයන්ගේ උදවු උපකාර ද හිමිකරයි. ස්ත්‍රී පක්ෂය හා ළැදිව කටයුතු සිදුකරන බවක් පෙනේ. පේ‍්‍රම සබඳතාවක් හේතුවෙන් ඇතිවන ගැටලුවක් දුරදිග යාමට ඉඩ ඇත. නිතර සමාජ සේවයට කැමැති කාලයකි.

රැකියාව

රැකියාවේ කටයුතු සම්බන්ධ ස්ථාන මාරුවීම් සිදුවීමට ඉඩ ඇත. විදේශ රැකියා බලාපොරොත්තුවන්නන්ට සුබදායකයි. හදිසි මුදල් ලාභ හිමිකරන සුළු සුළු රැකියා මාර්ගවලට හිමිකම් ඇතිකරයි. අලුත් වෙළෙඳ ව්‍යාපාරයක් ඇරැඹීමට කටයුතු උදා කරන සතියකි.

අධ්‍යාපනය

ඉගෙනීමට පැවැති බාධා මඟහැරී යයි. ගුප්ත ශාස්ත්‍රය ඉගෙනීමට රුචිකත්වයක් දක්වන බවක් පෙනේ. ධෛර්යවන්තව උසස් අධ්‍යාපන කටයුතු කරගෙන යයි. ගුරුදෙගුරුන්ගේ ප්‍රසාදයට ලක්වේ. අමතර භාෂාවක් ඉගෙනීමට වෙහෙසෙන සතියකි. තරගකාරි කටයුතු කීපයකට සම්බන්ධ වීමට අවස්ථාව උදා කරයි.

සෞඛ්‍යය

පපුව ආශි‍්‍රත සෙම් රෝග, උදරගත රෝගද ඇතිවිය හැකි බවක් පෙනේ. සුළු සුළු ශල්‍යකර්මවලට ද භාජනයවීමට ඉඩ ඇත.

අය 06 වැය 03

ජය අංකය - 04

ජය වර්ණය - ළා කොළ

සුබ දවස - අඟහරුවාදා

තුලා

ප්‍රභූ ඇසුරක්

උත්සාහවන්තව කටයුතු සිදුකරන සතියක් වන අතර මේ සතියේ සඳු ග්‍රහයා 7,8,9,10 යන භාවයන් මතින් ගමන් කරයි.

ගෘහ ජීවිතය

යොදාගත් සැලසුමක් තරමක් ප්‍රමාද කරයි. සමීපතමයකුගේ දුරස්වීමක් සිදුවීමෙන් සිතේ නොසන්සුන්තාවක් ඇති කරයි. අලුත් හිතවත් පිරිසක් දැන හඳුනා ගැනීමට අවස්ථාව උදා වේ. පැරැණි දේට වැඩි කැමැත්තක් දක්වන සතියකි. නිතර ප්‍රභූ පක්ෂය හා ඇසුරට කටයුතු උදා කරයි. බාහිර අලංකාරය වෙනුවෙන් වෙහෙසෙන කාලයකි.

රැකියාව

රැකියාවේ ඉදිරි සැලසුමක් වෙනස්කරයි. එමෙන්ම රැකියා ස්ථානයේ අය අතර ඇතිවන ගැටලුවක් දුරදිග යාමට ඉඩ ඇත. තනතුරු වෙනසක් හෝ ස්ථාන වෙනසක් සිදුවිය හැකි සතියකි. අතමිට සරුකරන ස්වයංරැකියාවලට යොමුවිය හැකි කාලයකි.

අධ්‍යාපනය

සහජ දක්ෂතා ඉස්මතුවන කාලයකි. උසස් අධ්‍යාපනයට යම් යම් ගැටලුකාරි බවක් මතු කරයි. කැපී පෙනෙන අයුරින් විවිධ ජයග්‍රහණ හිමිකරයි. අලුත් දේ ඉගෙනීමට පි‍්‍රයතාවක් දක්වන සතියකි.

සෞඛ්‍යය

ශාරීරික වෙහෙස මහන්සිය ගෙන දෙන සතියකි. යටපත්වූ යටිබඩේ ආබාධයක් හෝ කොන්දේ ආබාධයක් මතුවිය හැකිය. වෙනදාට වඩා තමා ගන්නා ඖෂධ පිළිබඳ සැලකිලිමත් විය යුතු බවක් පෙනේ. ශාරීරික වෙහෙසීම් බහුලකරන සතියකි.

අය 05 වැය 04

ජය අංකය - 04

ජය වර්ණය - කොළ

සුබ දවස - සිකුරාදා

වෘශ්චික

දේපළක් හිමි කරයි

උත්සාහයේ තරමට ප්‍රතිඵල උදා නොකරන මේ සතියේ සඳු ග්‍රහයා 6,7,8,9 යන භාවයන් මතින් ගමන් කරයි.

ගෘහ ජීවිතය

වෙනදාට වඩා යන එන ගමන් ගැන සැලකිලිමත්වන්න. ගේ දොර දියුණුව කෙරෙහි විශේෂ අවධානයක් යොමුකරයි. පරම්පරාගත දේපළක් හිමිවිය හැකි කාලයක් බව පෙනේ. නොසිතූ ගැටලුවකට මැදිවීමට ඉඩකඩ ඇති බවක් පෙන්නුම් කරයි. සමාජසේවා කටයුතුවල නිරතවන කාලයක් වන අතර සමාජයේ කැපී පෙනෙන අන්දමේ කටයුතු කීපයක් සිදු කරයි.

රැකියාව

අමතර ලැබීම් සහිත රැකියා මාර්ගවලට හිමිකම් ඇති කරයි. වෙළෙඳ ව්‍යාපාර කටයුතු සාර්ථක කරන කාලයකි. එහෙත් රැකියාවේ තනතුරු අපේක්ෂාවෙන් සිටින අයට එතරම් යහපත් කාලයක් නොවනු ඇත. සුළු සුළු ස්වයංරැකියාවල නිරතවන කාලයක් වන අතර, අතමිට සරුකරන ආදායම් මාර්ග යෙදෙනු ඇත.

අධ්‍යාපනය

උසස් අධ්‍යාපන කටයුතුවල නියැළී සිටින්නන්ට යහපත්ය. අධ්‍යාපනයෙන් ඉදිරියට යාමට හැකියාව තිබේ. අමතර දේ ඉගෙනීමට වෙහෙසක් දරයි. කලා අංශයේ කටයුතුවලින් විවිධ ජයග්‍රහණ හිමිකරයි.

සෞඛ්‍යය

ශාරීරික වෙහෙස මහන්සිය ඇතිකරන අන්දමේ කටයුතු කීපයක් සිදු කරයි. තුනටිය ආශි‍්‍රත ආබාධයකින් පීඩා විඳීමට සිදුවේ. ඖෂධ භාවිතයේදී සැලකිලිමත්වන්න. රුධිරගත සීනි මට්ටම කෙරෙහිද සැලකිලිමත් විය යුතු සතියකි.

අය 05 වැය 03

ජය අංකය - 07

ජය වර්ණය - තැඹිලි

සුබ දවස - ඉරිදා

ධනු

මවුපියන්ගෙන් උරුමයක්

අන් අය සමඟ සුහදව කටයුතු කිරීමට හැකියාවක් ඇති සතියක් වන අතර මේ සතියේ සඳු ග්‍රහයා 5, 6,7,8 යන භාවයන් මතින් ගමන් කරයි.

ගෘහ ජීවිතය

මවු පාර්ශ්වයේ අයගෙන් උදව් උපකාර හිමිකරයි. වෙනදාට වඩා දරුවන් වෙනුවෙන් වියදම් වැඩිකරන කාලයක් වන අතර, වගකීම්ද වැඩිකරයි. මවුපිය උරුමයක් හිමිවන කාලයකි. ආගමික භක්තියෙන් කටයුතු සිදුකරන අතර ගුප්ත කටයුතුවලින් පිහිට පතන බවක්ද පෙනේ. ගනුදෙනුවක් පියවා ගැනීමට හැකිවන සතියකි.

රැකියාව

රැකියාවේ කටයුතු නව මුහුණුවරකින් කරගෙන යන සතියකි. පාලනයේ දක්ෂතා මතුකරන කාලයකි. විදේශ රැකියා මාර්ගවලටද යොමුවන බවක් පෙනේ. අමතර ලැබීම් සහිත රැකියා මාර්ගවලට හේතු යෙදේ. ආයතන ප්‍රධානීන් සමඟ කරන කටයුතුවලදී දුරදිග සිතා බලන්න.

අධ්‍යාපනය

උත්සාහයෙන්, උනන්දුවෙන් අධ්‍යාපන කටයුතු කරගෙන යන බවක් පෙනේ. නිතර කණ්ඩායම් වැඩසටහන්වලට යොමුවන කාලයකි. අමතර භාෂාවක් ඉගෙනීමට වෙහෙසක් දරන බවක් පෙනේ. තරමක බාධා යෙදුණත් සාර්ථකව අධ්‍යාපන කටයුතු කරගෙන යන කාලයකි.

සෞඛ්‍යය

ශරීර සෞඛ්‍යය පිළිබඳ විමසිලිමත් වන්න. නිසි ආහාරපානවලින් ව්‍යායාම් කටයුතුවලින් සෞඛ්‍යය ආරක්ෂා කර ගනී. එහෙත් සෙම් දෝෂ, වරින්වර මතුවීමට ඉඩ ඇත. දතක ආබාධයකට ප්‍රතිකාර ලබා ගැනීමට සිදුවන කාලයකි.

අය 06 වැය 04

ජය අංකය - 09

ජය වර්ණය - රතු

සුබ දවස - බදාදා

මකර

වාසනාව උදාකරයි

අලස බවකින් තොරව වැඩකටයුතු කරගෙන යන සතියක් වන අතර, මේ සතියේ සඳු ග්‍රහයා 4,5,6,7 යන භාවයන් මතින් ගමන් කරයි.

ගෘහ ජීවිතය

කරන කියන කටයුතුවලින් වාසනාව උදා කරන බවක් පෙනේ. පැරැණි හිතවත්කම් අලුත්කරන කාලයකි. පවුලේ අයගේ උදව් උපකාර ඇතිව කටයුතු කීපයක් සාර්ථක කර ගැනීමට හැකිවෙයි. වෙනදාට වඩා පින්දහම් කටයුතුවල නිරතවන කාලයකි. ගේදොර අලුත්වැඩියාවක් වෙනුවෙන් වෙහෙසෙන සතියකි. අලුත් හිතවත්කම්වලට මඟ සැලසෙන බවක් පෙනේ.

රැකියාව

රැකියාවේ ස්ථාන මාරුවීම් හෝ තනතුරු වෙනසක් සිදුවිය හැකි කාලයකි. අමතර ලැබීම් හිමිකරන නව ව්‍යාපාරයක් ඇරැඹීමට කටයුතු උදා කරයි. ඇවිදීම් සහිත රැකියා කටයුතුවලට ඉඩකඩ ඇති බවක් පෙනේ. උත්සාහයෙන්, උනන්දුවෙන් රැකියාවේ කටයුතු කරගෙන යන සතියකි.

අධ්‍යාපනය

ඉගෙන ගන්නා අයට යහපත් කාලයකි. අධ්‍යාපනයෙන් ඉදිරියට යාමට හැකියාව ලැබේ. උසස් අධ්‍යාපනය සඳහා අඩිතාලමක් යොදවනු ඇත. එමෙන්ම තාක්ෂණික අංශයේ කටයුතුවලින් විශේෂ දක්ෂතා දක්වයි.

සෞඛ්‍යය

හදිසි අනතුරු ගැන සැලකිලිමත් විය යුතු කාලයකි. වාත රෝග, සමේ රෝග ආදියෙන් පීඩා අත්කරන බවක් පෙන්නුම් කරයි. එමෙන්ම උෂ්ණාධික රෝග, චර්මගත ආබාධ මතුවිය හැකි කාලයක් බැවින් කෑමෙන් බීමෙන් පරිස්සම් වන්න.

අය 06 වැය 05

ජය අංකය - 04

ජය වර්ණය - කොළ

සුබ දවස - ඉරිදා

කුම්භ

ඉගෙනීමට උනන්දුවක්

අලුත් අදහස් ඇතිකරන සතියක් වන අතර මේ සතියේ සඳු ග්‍රහයා 3,4,5,6 යන භාවයන් මතින් ගමන් කරයි.

ගෘහ ජීවිතය

ගේ දොර කටයුතු පිළිබඳ වෙනස්කම් කීපයක් සිදු කරයි. නිතර වයසින් අඩු අය සමඟ ඇසුරට කටයුතු උදාකරයි. පවුලේ අයගෙන් දුරස්ව කටයුතු කිරීමට සිදුවේ. වෙනදාට වඩා යන එන ගමන් ගැන සැලකිලිමත්වන්න. සමාජයේ තරමක් ඉහළින් සිටිය හැකි අන්දමේ කටයුතු කීපයක් සිදුකරයි.

රැකියාව

රැකියාවේ කටයුතුවලට වරින්වර බාධා මතුවිය හැකි කාලයකි. එහෙත් උත්සාහයෙන් උනන්දුවෙන් රැකියාවේ කටයුතු කරගෙන යන බවක් පෙනේ. තනතුරු වෙනසක් සිදුවීමෙන් සිතේ නොසන්සුන්තාවක් ඇති කරයි. අණ දෙන ක්ෂේත්‍රයේ රැකියා මාර්ගවලට සිත යොමුකරන කාලයකි.

අධ්‍යාපනය

උසස් අධ්‍යාපන කටයුතු කෙරෙහි විශේෂ උනන්දුවක් දක්වයි. නව දැනුම සොයායන මාර්ගවලට වෙහෙසෙන බවක් පෙනේ. ගණිත ශාස්ත්‍රයට මෙන්ම තාක්ෂණික අංශයට විශේෂ ළැදියාවක් ඇති කරයි.

සෞඛ්‍යය

සෙම් දෝෂ, පපුව සම්බන්ධ ආබාධ වරින්වර මතුවිය හැකිය. එමෙන්ම පාදයේ හට ගන්නා ආබාධයකටද ප්‍රතිකාර ලබා ගැනීමට සිදුවෙයි. නිරත ශරීර සෞඛ්‍යය පිළිඳ සැලකිලිමත් විය යුතු සතියකි. රුධිරගත සීනි මට්ටම කෙරෙහි සැලකිලිමත් විය යුතු බවක් පෙනේ.

අය 05 වැය 04

ජය අංකය - 02

ජය වර්ණය - තැඹිලි

සුබ දවස - ඉරිදා

මීන

රැකියාවෙන් ප්‍රසිද්ධියක්

සැනසිලිදායක ලෙස සතිය ආරම්භ කරන මීන ලග්න හිමි ඔබගේ සඳු ග්‍රහයා මේ සතියේ 2,3,4,5 යන භාවයන් මතින් ගමන් කරයි.

ගෘහ ජීවිතය

වෙනදාට වඩා අලංකාරයට සිටීමට කැමැත්තක් දක්වන කාලයකි. බාහිර වියදම් වැඩිකරන කටයුතු කීපයක් සිදු කරයි. වෙනදාට වඩා සමාජසේවා කටයුතුවල නිරතවන බවක් පෙනේ. පින් දහම් කටයුතුවලට වැඩි නැඹුරුතාවයක් පෙන්නුම් කරයි. ඉවසිලිවන්තව කටයුතු කළ යුතු කාලයකි. පේ‍්‍රම සබඳතාවයකට වැඩිහිටි ආශිර්වාදය හිමිකරන බවක් පෙනේ.

රැකියාව

රැකියා කටයුතුවල වෙනස්කම් හා ස්ථාන මාරුවීම් සිදු වුවත් ඒවා යහපත් වන බවක් පෙනේ. රැකියාවේ කටයුතුවලින් ප්‍රසිද්ධියක් අත්කරයි. අලුත් රැකියා බලාපොරොත්තුවන්නන්ට එතරම් යහපත් කාලයක් නොවනු ඇත.

අධ්‍යාපනය

උසස් අධ්‍යාපන කටයුතු සඳහා විශේෂ අඩිතාලමක් යෙදෙනු ඇත. එමෙන්ම සරසවි වරම් අපේක්ෂාවෙන් සිටින අයට සුබදායකයි. උත්සාහයෙන් අධ්‍යාපන කටයුතු කරගෙන යන කාලයකි.

සෞඛයය

ශරීර සෞඛ්‍ය එතරම් යහපත් නැත. ස්නායුගත ආබාධ, ඇස් රෝග ආදියට ඉඩකඩ ඇති බවක් පෙනේ. ආහාරපාන ගැනීමේදී සළකිලිමත් වන්න පැවැති අසනීප ගති මඟහැරී යන බවක් පෙන්නුම් කරයි. එමෙන්ම බෝනොවන රෝගවලින් ආරක්ෂාවීමට වග බලාගන්න.

අය 06 වැය 05

ජය අංකය 03

ජය වර්ණය - රතු

සුබ දවස - සඳුදා