බතල, ඉන්නල, හිඟුරල වගාවට

ජනවාරි 31 සිකුරාදා උදේ 06.33ට දකුණ බලා සුබයි. සියාවස නැකැතට සෞම්‍ය යෝගයයි. අධෝමුඛ නැකතකි. පුරතියවකට ගජකරණයයි. කුවේර දේව බලයෙන් විශාල අල ලැබේ.

කහ ඉඟුරු වගාවට

ජනවාරි 31 සිකුරාදා උදේ 06.34 ට දකුණ බලා සුබයි. අධෝමුඛ නැකතකින් තත්කාල මකර ලග්න ගත බුධගෙන් පන්දහසක් දෝෂ නිවාරණය වේ. සරු අස්වැන්නක් ලැබේ.

අර්තාපල් වගාවට

ජනවාරි 31 සිකුරාදා උදේ 06.35ට දකුණ බලා සුබයි. තත්කාල මකර ලග්නයට දෙවැන්නේ ශනි ස්වක්ෂේත්‍ර ජය යෝගයයි. තෙවැන්නේ සිකුරු උච්චය මහෞෂධ යෝගයයි. තත්කාලීන ලග්නගත බුධගෙන් පන්දහසක් දෝෂ භංගවේ.

නෝකෝල්, බීට්, රාබු වගාවට

ජනවාරි 31 සිකුරාදා උදේ 06.36ට දකුණ බලා සුබයි. සිකුරු හෝරාවේ, සිකුරු පංචමයේ, සිකුරු සූක්ෂමයයි තත්කාලීන මකර ලග්නයේ රවි හා බුධයි. දෙවැන්නේ ශනිය. පුරතියවක තිථියට ගජකරණයයි. වගාවට සරුවේ.

මඤ්ඤොක්කා වගාවට

ජනවාරි 31 සිකුරාදා උදේ 06.37ට දකුණ බලා සුබයි. ශුභ යෝගයයි. තත්කාල මකර ලග්නයේ රවි හා බුධය. පන්දහසක් දෝෂ භංග වේ. පස්වැන්නේ ගුරු හා හයවැන්නේ කුජ වේ. කුවේර දේවතා බලයෙන් සරු අස්වැන්නක් ලැබේ.

පොල්පැළ රෝපණයට

පෙබරවාරි 03 සඳුදා උදේ 06.57ට උතුර බලා සුබයි. රේවතී නැකතට සුබ යෝගයයි. තත්කාල මකර ලග්න ගත රවි හා බුධය. පන්දහසක් දෝෂ භංගවේ. නිරෝගී ශක්තිමත් වගාවක් ලැබේ.

කෙසෙල් වගාවට

පෙබරවාරි 03 සඳුදා උදේ 07.00ට උතුර බලා සුබයි. සාධ්‍ය යෝගයයි. තත්කාල මකර ලග්නයට දෙවැන්නේ ශනි ස්වක්ෂේත්‍රය ජය යෝගයයි. තුන්වැන්නේ උච්ච සිකුරුගෙන් මහෞෂධ යෝගය උදාව ඇත. බුධ ලග්න ගතව ඇත. විශාල කැන් ලැබේ.

බඩඉරිඟු වගාවට

පෙබරවාරි 04 අඟහරුවාදා උදේ 08.31ට නැඟෙනහිර බලා සුබයි. අඟහරුවාදා අස්විද නැකතට කෝටියක් දෝෂ භංග වන කේවල සිද්ධි යෝගයයි. ප්‍රශස්ත තත්ත්වයකි. කුම්භ ලග්නගත ශනිගෙන් ශශ යෝග බලයද ලැබේ. ඵලදාව ලැබේ.

මෑ, බෝංචි රෝපණයට

පෙබරවාරි 04 අඟහරුවාදා උදේ 08.33ට නැඟෙනහිර බලා සුබයි. තත්කාල කුම්භ ලග්නයට දෙවැන්නේ සිකුරු උච්චය. මහෞෂධ යෝගයයි. පාර්ශ්ව මුඛ නැකැතකි. කේවල සිද්ධි යෝග බලයෙන් සරු අස්වැන්නක් ලැබේ.

වට්ටක්කා, පිපිඤ්ඤා වගාවට

පෙබරවාරි 04 අඟහරුවාදා උදේ 08.34ට නැඟෙනහිර බලා සුබයි. අශ්විද නැකතට අමෘත යෝගයයි. තත්කාල කුම්භ ලග්න ගත ශනි මඟින් ශශ යෝග බලයට අස්විද නැකැත මඟින් කේවල සිද්ධි යෝග බලයද ලැබීම තුළින් ඵලදාව සරුවේ.

මිරිස්, මාළුමිරිස් වගාවට

පෙබරවාරි 04 අඟහරුවාදා උදේ 08.35ට නැඟෙනහිර බලා සුබයි. පාර්ශ්ව මුඛ නැකතකි. තත්කාල මකර ලග්නයට ශනි ලග්නගතය. ගුරු හතරේද කුජ පහේද ඇත. ප්‍රබල කේවල සිද්ධි යෝග බලයෙන් අස්වැන්න සරුවේ.

ගම්මිරිස් වගාවට

පෙබරවාරි 04 අඟහරුවාදා උදේ 08.37ට නැඟෙනහිර බලා සුබයි. පාර්ශ්ව මුඛ නැකැතක් වන අස්විද නැකැතට අමෘත යෝගයයි. තත්කාල කුම්භ ලග්නයට දෙවැන්නේ සිකුරු උච්චය. මහෞෂධ යෝගයයි. වගාව සරුවේ.

බටු, බණ්ඩක්කා වගාවට

පෙබරවාරි 04 අඟහරුවාදා උදේ 08.38ට නැඟෙනහිර බලා සුබයි. කේවල සිද්ධි යෝග බලයෙන් කෝටියක් දෝෂ භංගවන අතර තත්කාල කුම්භ ලග්නගත ශනිගෙන් ශශ යෝග බලයද ලැබේ. පුෂ්ටිමත් සරුඵල ලැබේ.

බුලත් දඬු සිටුවීමට

පෙබරවාරි 04 අඟහරුවාදා උදේ 08.41ට නැඟෙනහිර බලා සුබයි. අස්විද නැකතට කේවල සිද්ධි යෝග බලයද, අමෘත යෝග බලයද ලැබේ. තත්කාල කුම්භ ලග්නයට දෙවැන්නේ උච්ච සිකුරු ගෝචර වේ. සරුසාර අස්වැන්නක් ලැබේ.