දෙසැම්බර් 27 සිට ජනවාරි 02 දක්වා සතිය ඔබේ ලග්නයට...

 

මේෂ

 

ඇවිදිලි වැඩිවේ

 

 

සිතේ සැහැල්ලුවෙන් කටයුතු සිදුකරන කාලයක් වන අතර මේ සතියේ සඳු ග්‍රහයා 7, 8, 9, 10 යන භාවයන් මතින් ගමන් කරයි.

ගෘහ ජීවිතය

පැවැති ගැටලුකාරි බවක් නිදහස් කර ගැනීමට කටයුතු උදා වෙයි. තැන තැන ඇවිදිලි ඇතිකරන කටයුතු කීපයක් යෙදේ. ස්ත්‍රීන් කෙරෙහි තද ඇල්මක් ඇතිකර ගනී. නිර්මාණශීලි හැකියාවන් ඇති කරන කාලයකි. නිතර සමාජසේවා කටයුතුවලට යොමුවන අතර සමාජයේ ප්‍රසිද්ධියක්ද අත්කරයි.

රැකියාව

රැකියාවේ කටයුතු සම්බන්ධ දුරදිග සිතා බලන්න. වෙහෙසකාරි රැකියා කටයුතුවලට හේතු ඇති කරයි. එමෙන්ම රැකියා කටයුතු උදෙසා දුර පළාතකට යාමට සිදුවන බවක් පෙනේ. අලුත් ව්‍යාපාරයකට සැලසුමක් ඇතිකර ගන්නා කාලයකි.

අධ්‍යාපනය

තරගකාරි කටයුතු කීපයකට සම්බන්ධවීමට සිදුවෙයි. එමෙන්ම මෙතෙක් පසුගාමී ලෙසින් කරගෙන ගිය අධ්‍යාපන කටයුතු වෙනදාට වඩා උනන්දුවෙන් උත්සාහයෙන් කරගෙන යන බවක් පෙනේ. උසස් අධ්‍යාපන කටයුතුවලට සම්බන්ධ වූවකු නම් විශේෂ පාඨමාලාවකට යොමුවීමට ඉඩ ඇත.

සෞඛ්‍යය

ශරීර සෞඛ්‍යය වෙනදා තරම් යහපත් නොවනු ඇත. වරින්වර යටිබඩ සම්බන්ධ ආබාධයකට ප්‍රතිකාර ලබා ගැනීමට සිදුවෙයි. අධි රුධිර පීඩන තත්ත්වය කෙරෙහිද සැලකිලිමත් විය යුතු බවක් පෙනේ.

 

 

අය 07 වැය 05

ජය අංකය - 04

ජය වර්ණය - ළා නිල්

සුබ දවස - සිකුරාදා

 

 

වෘෂභ

මංගල යෝග උදා කරයි

 

 

විශ්වාසවන්ත බැඳීමකට හේතු ඇති කරමින් සතිය ආරම්භ කරන වෘෂභ ලග්න හිමි ඔබගේ සඳු ග්‍රහයා 6,7,8,9 යන භාවයන් මතින් ගමන් කරයි.

ගෘහ ජීවිතය

ආදරය අනුකම්පාව ලබන කාලයකි. ඥාති මිත්‍රාදීන් සමඟ සුහදව කටයුතු කරයි. නැතිවූ දෙයක් නැවත හිමිකරන බවක් පෙනේ. පවුලට අලුත් ඥාතියකු සම්බන්ධ විය හැකි කාලයකි. වාහන ගනුදෙනුවකින් අමතර වාසි සැලසෙයි. ප්‍රසිද්ධියට පත්වන කරුණු කීපයක් සිදු කරයි. එමෙන්ම අවිවාහකයන්ට මංගල යෝග උදා කරන කාලයකි.

රැකියාව

අලුත් රැකියා මාර්ගවලට හිමිකම් ඇති වුවත් ඒවා එතරම් දුරට සාර්ථක නොවන බවක් පෙනේ. අමතර ලැබීම් හිමිකරන සුළු සුළු ස්වයං රැකියා මාර්ගවලට හේතු ඇති කරයි. තනතුරු ලැබීම්, ස්ථාන මාරුවීම් අපේක්ෂාවෙන් සිටින අයට එතරම් සුබදායක කාලයක් නොවනු ඇත.

 

අධ්‍යාපනය

උත්සාහවන්තව අධ්‍යාපන කටයුතු කරගෙන යයි. මෙතෙක් අතපසු වූ පාඩම් වැඩ කීපයක් සම්පූර්ණ කර ගැනීමට අවස්ථාව සැලසේ. අලුත් දේ ඉගෙනීමට යහපත් කාලයකි. අලුත් පාඨමාලාවක් හැදෑරිමට කටයුතු උදා කරයි.

සෞඛ්‍යය

ශරීර සෞඛ්‍යය අතින් එතරම් යහපත් කාලයක් නොවනු ඇත. අතේ පයේ ඇතිවන හිරිගතියට ප්‍රතිකාර ලබා ගැනීමට සිදුවේ. ප්‍රතිකාර පතා දුර පළාතකට යාමට සිදුවන බවක් පෙනේ.

 

 

අය 06 වැය 03

ජය අංකය - 02

ජය වර්ණය කොළ

සුබ දවස - බදාදා

 

 

 

මිථුන

වස්තු ලාභ

 

 

උගත් දෙයින් ප්‍රයෝජන ලබාගත හැකි සතියක් වන අතර මේ සතියේ සඳු ග්‍රහයා 5,6,7, 8 යන භාවයන් මතින් ගමන් කරයි.

ගෘහ ජීවිතය

පැරැණි හිතවත්කමක් අලුත් කරයි. වෙනදාට වඩා වගකීම් වැඩිකරන බවක් පෙනේ. අලුත් ඥාති මිත්‍රාදීන් දැන හඳුනා ගැනීමට කටයුතු උදා කරයි. පවුලේ උත්සවයකට කටයුතු සූදානමක් ඇති කර ගනී. සතිය මැද කාලයේදී අන්සතු වස්තු ලාභයකට හිමිකම් ඇති කරයි.

රැකියාව

ස්වයංරැකියා කටයුත්තකට අත ගසන කාලයකි. එමෙන්ම ගණිත අංශය, තාක්ෂණික අංශය කෙරෙහි වැඩි නැඹුරුතාවයක් දක්වයි. ශාරීරික වෙහෙසීම් බහුල කරන රැකියා කටයුතුවලට හේතු ඇති කරයි. රැකියාවේ ස්ථාන වෙනසකට හේතු ඇති කරයි.

අධ්‍යාපනය

නව දැනුම සොයා යන මාර්ගවලට වෙහෙසෙන කාලයකි. ඥාන ශක්තිය වැඩිදියුණුවන කටයුතු කීපයකට සම්බන්ධවීමට සිදුවෙයි. සාහිත්‍ය හා කලා අංශයට යොමුවන බවක් පෙනේ. අලුත් දේ ඉගෙනීමට අවස්ථාව සැලසෙන සතියකි.

සෞඛ්‍යය

ශරීර සෞඛ්‍යය අතින් එතරම් යහපත් කාලයක් නොවනු ඇත. ශරීර අභ්‍යන්තරයේ ඇතිවන ආබාධ තත්ත්වයකට ප්‍රතිකාර ලබා ගැනීමට සිදුවෙයි. ඖෂධ පාවිච්චියේදී සැලකිලිමත්වන්න. වරින්වර හටගන්නා චර්මගත ආබාධයකට ප්‍රතිකාර ලබා ගැනීමට සිදු වේ.

 

 

අය 06 වැය 04

ජය අංකය - 09

ජය වර්ණය - දම්

සුබ දවස - බ්‍රහස්පතින්දා

 

කටක

අඩුපාඩු සපිරෙයි

 

 

වගකීම් බහුල කරමින් සතිය ආරම්භ කරන කටක ලග්න හිමි ඔබගේ සඳු ග්‍රහයා 4,5,6, 7 යන භාවයන් මතින් ගමන් කරයි.

ගෘහ ජීවිතය

වෙනදාට වඩා සිතේ සැහැල්ලුවෙන් කටයුතු සිදු කරයි. නිතර නිතර තමා හමුවට එන අය පිළිබඳ සැලකිලිමත් වන්න. නොගැළපෙන ඇසුරකට කටයුතු සැලසීමට ඉඩ ඇත. දුර ඥාතියකුගේ පැමිණීමක් තුළින් කටයුතු කීපයක් සාර්ථක කර ගැනීමට හැකිවෙයි. ගේ දොර අඩුපාඩු කීපයක් සපුරා ගැනීමට හැකිවන සතියකි.

රැකියාව

රැකියාවේ කටයුතු සම්බන්ධ පැවැති ගැටලුකාරි බවකින් නිදහස්වීමට අවස්ථාව උදා කරයි. පිරිස් පාලනය සම්බන්ධ රැකියා මාර්ගවලට හිමිකම් ඇති කරයි. නිතර රැකියාවේ කටයුතු හේතුවෙන් පදිංචියෙන් පිට වාසයට හේතු ඇතිකරයි. තනතුරු වෙනසක් බලාපොරොත්තුවිය හැකි සතියකි.

අධ්‍යාපනය

අලුත් පොත්පත් කියවීමට කැමැත්තක් දක්වන සතියකි. එමෙන්ම අලුත් පොත්පත් මිලදී ගැනීමකටද අවස්ථාව උදා කරයි. ගණිත අංශයේ කටයුතුවලට වැඩි පි‍්‍රයතාවක් දක්වන බවක් පෙනේ.

සෞඛ්‍යය

ශරීර අභ්‍යන්තරයේ ඇතිවන අසනීප තත්ත්වයක් හේතුවෙන් ප්‍රතිකාර පතන සතියකි. වෙනදාට වඩා තම ශරීර සෞඛ්‍ය පිළිබද සැලකිලිමත්වන්න. පරම්පරාගත අසනීප තත්ත්වයක් මතුවිය හැකි සතියකි. වරින්වර හටගන්නා චර්මගත ආබාධයකට ප්‍රතිකාර ලබා ගැනීමට සිදු වේ.

 

 

 

අය 08 වැය 05

ජය අංකය - 07

ජය වර්ණය - තැඹිලි

සුබ දවස - බදාදා

 

 

සිංහ

වැය පස වැඩිවෙයි

 

යන එන ගමන් ගැන සැලකිලිමත් විය යුතු කාලයක් වන අතර මේ සතියේ සඳු ග්‍රහයා 3,4, 5, 6 යන භාවයන් මතින් ගමන් කරයි.

ගෘහ ජීවිතය

සහෝදර බැඳීම්වලට හේතු සැලසෙන කටයුතු කීපයක් යෙදේ. පැවැති වගකීමකින් නිදහස උදා කරයි. වැයපස අධිකවන කටයුතු කීපයක් සිදු කරයි. තීරණ ගැනීමේදී දුරදිග සිතා බලන්න. විශේෂ හිතවත්කමකට කටයුතු සැලසේ. මවුපස ඥාතියකුගෙන් උපකාරයක් හිමිකරයි. නීති ගැටලුවකින් නිදහස සැලසෙන සතියකි.

රැකියාව

කරගෙන යන රැකියාවට අමතර සුළු සුළු රැකියා මාර්ග යෙදෙන කාලයකි. එමෙන්ම වෙනදාට වඩා වගකීමෙන් රැකියාවේ කටයුතු කරගෙන යයි. කලා ක්ෂේත්‍රයේ කටයුතු සම්බන්ධ රැකියා මාර්ගවලට වැඩි ඉඩකඩ ඇති කාලයක් බව පෙනේ.

අධ්‍යාපනය

අමතර භාෂාවක් ඉගෙනීමට වෙහෙසෙන කාලයකි. නායකත්ව වැඩමුළුවලට සහභාගිවීමට අවස්ථාව උදා කරයි. දහම් අධ්‍යාපනික කටයුතුවලට යොමුවන කාලයකි. විවිධ සම්මාන සහතික හිමිවන බවක් පෙනේ.

සෞඛ්‍යය

ශරීර සෞඛ්‍යය පිළිබද සැලකිලිමත්වන්න. උෂ්ණාධික අසනීප තත්ත්වයකට ප්‍රතිකාර ලබා ගනී. එමෙන්ම වරින්වර හටගන්නා උගුර ආශි‍්‍රත සෙම්ගතිය හේතුවෙන් ප්‍රතිකාර ලබා ගනී.

 

 

අය 06 වැය 03

ජය අංකය - 02

ජය වර්ණය - කොළ

සුබ දවස සඳුදා

 

කන්‍යා

හදිසි ලැබීම්

අවිවේකී වුවත් සැලසුම් කීපයක් සාර්ථක කර ගැනීමට හැකිවන සතියක් වන අතර මේ සතියේ සඳු ග්‍රහයා 2,3,4,5 යන භාවයන් මතින් ගමන් කරයි.

ගෘහ ජීවිතය

අමතර ගමන් බහුල කරන කාලයකි. හදිසි ලැබීම් සහිත කටයුතු කීපයක් යෙදේ. පවුලේ වගකීමක් තමා වෙත පැවරෙන කාලයකි. අරපිරිමැස්මෙන් සකසුරුවමින් කටයුතු කළ යුතු සතියකි. දුර බැහැර ගමනක් වෙනුවෙන් වෙහෙසෙයි. භාරගත් වැඩක් වගකීමෙන් ඉටුකරයි. පැවැති කරදර කීපයක් මඟහැරී යන බවක් පෙනේ.

රැකියාව

අමතර ලැබීම් හිමිකරන රැකියා කටයුතුවලට හේතු යෙදේ. මෙතෙක් කරගෙන යන රැකියා කටයුතුවලට පැවැති අවහිරතා මඟහැරී යයි. අලුත් රැකියා අපේක්ෂාවෙන් සිටින අයට සුබදායකයි. සුළු සුළු ස්වයංරැකියාවලට ද යොමුවන කාලයකි.

අධ්‍යාපනය

නිතර පොතපත කියවීමට රුචිකත්වයක් දක්වයි. යම් යම් බාධක යෙදුණත් පමාවී හෝ අධ්‍යාපන කටයුතුවලින් විවිධ ජයග්‍රහණ හිමි කරයි. දුර බැහැර හෝ විදේශගතව ඉගෙනීමේ කටයුතුවලට අඩිතාලමක් යොදා ගනී.

සෞඛ්‍යය

යටපත් වූ දණහිසේ ආබාධයක් නැවත මතුවිය හැකියි. වරින්වර හදිසි සෞඛ්‍ය පරීක්ෂණවලට ද භාජනය වීමට සිදුවෙයි. පරම්පරාගත රෝගයක් ඉස්මතුවීමට හැකි කාලයකි. හදිසි ප්‍රතිකාර පතා දුරපළාතකට යාමට කටයුතු සැලසේ.

අය 07 වැය 02

ජය අංකය - 04

ජය වර්ණය - රතු

සුබ දවස - බ්‍රහස්පතින්දා

තුලා

සහජ දක්ෂතා ඉස්මතු වෙයි

උත්සාහවන්තව කටයුතු සිදුකරන සතියක් වන අතර මේ සතියේ සඳු ග්‍රහයා 1,2,3,4 යන භාවයන් මතින් ගමන් කරයි.

ගෘහ ජීවිතය

යොදාගත් සැලසුමක තරමක ප්‍රමාදතාවයක් සිදු කරයි. සමීපතයකුගේ දුරස්වීමක් සිදුවීමෙන් සිතේ නොසන්සුන්තාවයක් ඇති කරයි. අලුත් හිතවත් පිරිසක් දැන හඳුනා ගැනීමට අවස්ථාව උදාකරයි. පැරැණි දේට වැඩි කැමැත්තක් දක්වන සතියකි. නිතර ප්‍රභූ පක්ෂය හා ඇසුරට කටයුතු උදාකරයි.

රැකියාව

රැකියාවේ ඉදිරි සැලසුමක් වෙනස් කරයි. එමෙන්ම රැකියා ස්ථානයේ අය අතර ඇතිවන ගැටලුවක් දුරදිග යාමට ඉඩ ඇත. තනතුරු වෙනසක් හෝ ස්ථාන වෙනසක් සිදුවිය හැකි සතියකි. අතමිට සරුකරන ස්වයංරැකියාවලට යොමුවිය හැකි කාලයකි.

අධ්‍යාපනය

සහජ දක්ෂතා ඉස්මතුවන කාලයකි. උසස් අධ්‍යාපනයට යම් යම් ගැටලුකාරි බවක් මතු කරයි. කැපී පෙනෙන අයුරින් විවිධ ජයග්‍රහණ හිමිකරයි. අලුත් දේ ඉගෙනීමට පි‍්‍රයතාවයක් දක්වන සතියකි.

සෞඛ්‍යය

ශාරීරික වෙහෙස මහන්සිය ගෙන දෙන සතියකි. යටපත් වූ යටිබඩේ ආබාධයක් හෝ කොන්දේ ආබාධයක් මතුවිය හැකිය. වෙනදාට වඩා තමා ගන්නා ඖෂධ පිළිබඳ සැලකිලිමත් විය යුතු බවක් පෙනේ. ශාරීරික වෙහෙසීම් බහුලකරන සතියකි.

අය 06 වැය 04

ජය අංකය - 04

ජය වර්ණය - කොළ

සුබ දවස - සිකුරාදා

වෘශ්චික

ගනුදෙනුවකින් අමතර වාසි

හිතවතෙකුගේ කටයුතු වෙනුවෙන් වෙහෙසීම් ඇති කරමින් පවතින සතියක් වන අතර මේ සතියේ සඳු ග්‍රහයා 12,1,2, 3 යන භාවයන් මතින් ගමන් කරයි.

ගෘහ ජීවිතය

සමාජසේවා කටයුතු කෙරෙහි වැඩි කාලයක් වැයකරන බවක් පෙනේ. විවාහක පක්ෂයේ අය සමඟ ඇතිවන ගැටලුවක් දුරදිග යයි. ගනුදෙනුවකින් අමතර වාසි සැලසෙන බවක් පෙන්නුම් කරයි. වෙනදාට වඩා නිදහසේ කටයුතු කිරීමට සිතන කාලයකි. විදෙස් ඥාතියකුගෙන් උපකාරයක් හිමි කරයි.

රැකියාව

තනතුරු නිලතල දරන අයට සුබදායක කාලයකි. වෙනදාට වඩා රැකියාවේ වගකීම් වැඩි කරයි. වෙළෙඳ ව්‍යාපාර කටයුතුවලින් නොසිතූ ලාභ ප්‍රයෝජන අත්කරයි. විදෙස් රැකියා බලාපොරොත්තුවක් ඉටුවන ලකු¼ණුූ පෙනේ. රැකියාවේ ඉදිරි වැඩපිළිවෙලක් වෙනස් කරයි.

අධ්‍යාපනය

තරගකාරි කටයුතු කීපයකට සම්බන්ධ වීමට අවස්ථාව උදාකරයි. අමතර භාෂා පිළිබඳ වැඩිදුර අධ්‍යාපනයට අවස්ථාව සැලසේ. නායකත්ව වැඩසටහනකට සහභාගිවීමට අවස්ථාව සැලසේ. සරසවි වරම් අපේක්ෂාවෙන් සිටින අයට සුබදායකයි.

සෞඛ්‍යය

ලේ විෂවීමක් හෝ චර්ම ගත ආබාධයක් හේතුවෙන් පීඩා ඇති කරයි සෞඛ්‍ය පරීක්ෂණවලටද භාජනය වීමට සිදුවන සතියකි. වෙනදාට වඩා ආහාරපාන ගැන සැලකිලිමත් වන්න.කොන්ද, යටිබඩ ආශි‍්‍රත යම් යම් ආබාධ මතුවිය හැකි කාලයකි.

අය 07 වැය 05

ජයඅංකය - 04

ජය වර්ණය - නිල්

සුබ දවස - සිකුරාදා

ධනු

උත්සාහවන්ත වෙයි

සිතේ නොසන්සුන්තාවයක් ඇතිකරන සතියක් වන අතර, මේ සතියේ සඳු ග්‍රහයා 11, 12, 1, 2 යන භාවයන් මතින් ගමන් කරයි.

ගෘහ ජීවිතය

පවුලේ කටයුතු සම්බන්ධ දුරදිග සිතා බැලිය යුතු සතියකි. වෙනදාට වඩා උත්සාහවන්තව කටයුතු සිදුකරන බවක් පෙනේ. ආගමික භක්තිය දනවන කටයුතු කීපයක් සිදු කරයි. දරුවකුගේ ඉදිරි සැලසුමක් වෙනුවෙන් වෙහෙසීමට සිදුවේ. අඹුසැමි සුහදතාවයට බාධාගෙන දෙන සතියකි. හදිසි ගමන් යෙදෙන බවක් පෙනේ.

රැකියාව

අලුත් රැකියා කටයුතුවලට සම්බන්ධවීමට අපේක්ෂාවෙන් සිටින අයට සුබදායකයි. තනතුරු වෙනසක් සිදුවීමට ඉඩ ඇති බැවින් දුරදිග සිතා බලන්න. වෙළෙද ව්‍යාපාර කටයුතු සම්බන්ධ රැකියා මාර්ගවලින් අතමිට සරුකරයි. ශාරීරික වෙහෙසීම් බහුල කරන රැකියා මාර්ගවලටද හේතු යෙදේ.

අධ්‍යාපනය

උසස් අධ්‍යාපන කටයුතුවලට පැවැති බාධා කීපයක් මඟහැරී යයි. විභාග ජයග්‍රහණයක් පිළිබඳ සතුටට පත්විය හැකි කාලයකි. උසස් පාඨමාලාවක් හැදෑරීමට අමතර වියදමක් දැරීමට සිදුවන කාලයකි. විදෙස් අධ්‍යාපනයකට ද සැලසුමක් ඇති කරගන්නා බවක් පෙනේ.

සෞඛ්‍යය

ශරීර සෞඛ්‍යය පිළිබද සැලකිලිමත්වන්න. පාදයේ වළලුකර ආශි‍්‍රත ඇතිවන ආබාධ තත්ත්වයකට ප්‍රතිකාර පතයි. රුධිරගත සීනිමට්ටම අඩුවැඩි වීමට ඉඩ ඇති අතර හදිසි සෞඛ්‍ය පරීක්ෂණයකට ද භාජනය වීමට සිදුවෙයි.

අය 06 වැය 05

ජය අංකය - 03

ජය වර්ණය - තැඹිලි

සුබ දවස - සිකුරාදා

 

මකර

රැකියාවේ බාධා මඟහැරේ

වගකීම් පැහැර හැරීමක් සිදුකරන සතියක් වන අතර මේ සතියේ සඳු ග්‍රහයා 10,11,12,1 යන භාවයන් මතින් ගමන් කරයි.

ගෘහ ජීවිතය

පවුලේ කටයුතු පිළිබද වෙනදාට වඩා සොයා බැලීමක් කළ යුතු සතියකි. උත්සාහයේ තරමට ප්‍රතිඵල උදා නොකරයි. බාහිර කටයුතු නිසා යොදාගත් වැඩපිළිවෙලක් වෙනස් කරයි. නිතර ගුප්ත කටයුතුවලින් පිහිට පතන කාලයකි. උරුම හිමිකම් ගැටලුවක් නිරවුල් කර ගැනීමට මඟ සැලසෙයි.

රැකියාව

වෙනදාට වඩා උත්සාහවන්තව රැකියාවේ කටයුතු කරගෙන යන බවක් පෙන්නුම් කරයි. කාර්මික ක්ෂේත්‍රයේ රැකියා කටයුතුවලින් අතමිට සරු කරයි. වෙහෙසීම් බහුල රැකියා මාර්ග යෙදීමට ඉඩ ඇත. රැකියා කටයුතුවලට පැවැති බාධා කීපයක් මඟහැරෙන සතියකි.

අධ්‍යාපනය

පොතපත කියවීමට ලිවීමට දක්ෂය. ධාරණ ශක්තිය බලවත්වන කාලයක් වන අතර , හොඳින් මතකයේ තබා ගැනීමේ ශක්තිය ඇති කරයි. කණ්ඩායම් වැඩසටහනකට මූලිකත්වයක් ගන්නා බවක් පෙනේ. දහම් අධ්‍යාපනික කටයුතුවලින් විවිධ ජයග්‍රහණ හිමි කරයි.

සෞඛ්‍යය

ලේ දෝෂ, සමේ රෝග වරින්වර මතුවීමට ඉඩ ඇත. වෙනදාට වඩා උෂ්ණාධික ආහාරපාන ගැනීමෙන් වළකින්න. අධිරුධිර පීඩනය, ශරීරයේ මේද ගතිය වැඩිවීම වැනි රෝගාබාධ ඉස්මතුවීමට ඉඩ ඇත. වෙනදාට වඩා ආහාරපාන ගැන සැලකිලිමත්වන්න.

 

අය 05 වැය 03

ජය අංකය - 06

ජය වර්ණය - කහ

සුබ දවස - සඳුදා

 

කුම්භ

අනුන්ගෙන් උපකාර ලැබේ

සිතේ නොසන්සුන්කාරී ලෙස සතිය ආරම්භ කරන කුම්භ ලග්න හිමි ඔබගේ සඳු ග්‍රහයා 9,10,11,12 යන භාවයන් මතින් ගමන් කරයි.

ගෘහ ජීවිතය

පවුලේ වැඩිහිටියකු නිසා නොසිතූ කරදර කීපයකට මුහුණපෑමට සිදුවන සතියකි. ප්‍රසිද්ධිය පත්වන කාලයක් වන අතර අන්‍යයන්ගේ උදව් උපකාරය ද හිමිකරයි. ස්ත්‍රී පක්ෂය හා ළැදිව කටයුතු සිදුකරන බවක් පෙනේ. පේ‍්‍රම සබඳතාවයක් හේතුවෙන් ඇතිවන ගැටලුවක් දුරදිග යාමට ඉඩ ඇත. නිතර සමාජ සේවයට කැමැති කාලයකි. අසරණ අයකුට උපකාරයක් කිරීමට මඟ සැලසේ.

රැකියාව

රැකියාවේ කටයුතු සම්බන්ධ ස්ථාන මාරුවීම් සිදුවීමට ඉඩ ඇත. විදේශ රැකියා බලාපොරොත්තු වන්නන් හට සුබදායකයි. හදිසි මුදල් ලාභ හිමිකරන සුළු සුළු රැකියා මාර්ගවලට හිමිකම් ඇතිකරයි. අලුත් වෙළෙඳ ව්‍යාපාරයක් ඇරැඹීමට කටයුතු උදාකරන සතියකි.

අධ්‍යාපනය

ඉගෙනීමට පැවැති බාධා මඟහැරී යයි. ගුප්ත ශාස්ත්‍රිය ඉගෙනීමට රුචිකත්වයක් දක්වන බවක් පෙනේ. ධෛර්යවන්තව උසස් අධ්‍යාපන කටයුතු කරගෙන යන බවක් පෙන්නුම් කරයි.

සෞඛ්‍යය

පපුව ආශි‍්‍රත සෙම් රෝග, උදරගත රෝගද ඇති විය හැකි බවක් පෙනේ. සුළු සුළු ශල්‍යකර්මවලට ද භාජනයවීමට ඉඩ ඇති කරයි. හදිසි වැටීම් තැලීම් වැනි අනතුරුදායක තත්ත්වයකට මුහුණපෑමට සිදුවෙයි. එදිනෙදා කටයුතු පිළිබඳ කල්පනාකාරිවන්න.

අය 07 වැය 05

ජය අංකය - 06

ජය වර්ණය - ළා කොළ

සුබ දවස - ඉරිදා

 

මීන

විභාග ජයග්‍රහණ

ගතට සිතට සැනසිල්ල උදා කරන සතියක් වන අතර මේ සතියේ සඳු ග්‍රහයා 8,9,10,11 යන භාවයන් මතින් ගමන් කරයි.

ගෘහ ජීවිතය

මෙතෙක් ප්‍රමාදතා සිදුකළ කටයුතු කීපයක් සාර්ථක කර ගැනීමට අවස්ථාව උදා කරයි. අමතර ලැබීම් සහිත කටයුතු කීපයක් යෙදේ. පැවැති සතුරු කරදරයකින් නිදහස් වීමට අවස්ථාව උදාකරයි. ආගමික භක්තියෙන් කටයුතු සිදුකරන කාලයකි. පැවැති පේ‍්‍රම සබඳතාවයකට වැඩිහිටි ආශීර්වාදය හිමිකරන බවක් පෙනේ.

රැකියාව

අලුත් රැකියා අපේක්ෂාවෙන් සිටින අයට එතරම් යහපත් කාලයක් නොවනු ඇත. රැකියාවේ ලියකියවිලි ගැටලුවකට මුහුණපායි. දුර රැකියාවකට යොමුවීමට ඉඩ ඇත. සුළු සුළු ස්වයංරැකියා කටයුතුවලින් අමතර වාසි සැලසෙන බවක් පෙනේ.

අධ්‍යාපනය

ඥාන ශක්තිය බලවත් කාලයකි. තරග විභාගයකින් ජය අත්කරයි. වෙනදාට වඩා උනන්දුවකින් අධ්‍යාපන කටයුතු කරගෙන යන බවක් පෙනේ. උසස් අධ්‍යාපයකට සැලසුමක් ඇතිකර ගන්නා කාලයකි. විශේෂ පාඨමාලාවක් හැදෑරීමට අමතර වියදමක් දරන කාලයකි.

සෞඛ්‍යය

සෙම් දෝෂ බහුලවීමෙන් දත්වල අමාරු, හිසේ ආබාධ ආදිය මතුවිය හැකියි. නිතර හදිසි සෞඛ්‍ය පරීක්ෂණවලට භාජනය වීමට සිදුවේ. අධි රුධිර පීඩන තත්ත්වය කෙරෙහි ද සැලකිලිමත් වන්න.

 

අය 07 වැය 03

ජය අංකය - 04

ජය වර්ණය - දම්

සුබ දවස - සඳුදා