මේෂ

අලුත් ව්‍යාපාර අරඹයි

උත්සාහයෙන් කටයුතු සිදුකරන සතියක් වන අතර, මේ සතියේ සඳු ග්‍රහයා 10,11,12, 1 යන භාවයන් මතින් ගමන් කරයි.

ගෘහ ජීවිතය

ළඟම ඥාතියකුට උපකාරයක් කිරීමට මඟ සැලසේ. තැන්පත් ධනය වැයවන අන්දමේ කටයුතු කීපයක් යෙදේ. ගේ දොර කටයුතුවලට අවහිරතා ඇතිකරයි. දරුවකු පිළිබඳ වෙනදාට වඩා විමසිලිමත්වන්න. අමතර ගමන් යෙදෙන කාලයකි. වාහන ගනුදෙනුවකින් වාසි අත්කරයි. ප්‍රභූ ඇසුරකට හෝ විශේෂ කෙනකුගේ ඇසුරට කටයුතු සැලසේ.

රැකියාව

අමතර ලැබීම් හිමි කරන රැකියා මාර්ගවලට හේතු යෙදේ. මෙතෙක් උදාසීනව කරගෙන ගිය රැකියාවේ කටයුතු උනන්දුවකින් කරගෙන යන කාලයකි. අලුත් ව්‍යාපාර කටයුත්තකට අත ගැසීමට අවස්ථාව උදා කරයි. එමෙන්ම අතමිට සරුකරන සුළු සුළු රැකියා මාර්ගවලට සිත යොමු කරන කාලයකි.

අධ්‍යාපනය

උසස් අධ්‍යාපන කටයුතු සම්බන්ධ පැවැති අවහිරතා කීපයක් මඟහැරී යයි. වෙනදාට වඩා පොත්පත් කියවීමට රුචිකත්වයක් දක්වන බවක් පෙනේ. විදෙස් අධ්‍යාපනයක් වෙනුවෙන් වෙහෙසෙන කාලයකි. අමතර භාෂාවක් ඉගෙනීමට ද උනන්දුවක් දක්වන බවක් පෙන්නුම් කරයි.

සෞඛ්‍යය

වරින්වර ඇති කරන ඇඟපතේ වේදනාවකට ප්‍රතිකාර ලබා ගැනීමට සිදු වේ. වෙනදාට වඩා ආහාරපාන ගැන සැලකිලිමත් වීම වැදගත් වේ. රුධිරගත සීනි මට්ටමෙහි ද වෙනසක් සිදුවිය හැකි කාලයකි.

අය 06 වැය 04

ජය අංකය - 09

ජය වර්ණය - නිල්

සුබ දවස - සිකුරාදා

**********

වෘෂභ

දරුවකුගෙන් සතුටක්

වෙනදාට වඩා වගකීම් බහුල කරන සතියක් වන අතර මේ සතියේ සඳු ග්‍රහයා 9, 10, 11, 12 යන භාවයන් මතින් ගමන් කරයි.

ගෘහ ජීවිතය

ආගම දහමට නැඹුරුතාවයක් දක්වයි. මෙතෙක් කරගෙන ආ කටයුතු කීපයක් වෙනස් කිරීමට සිදුවෙයි. දරුවකු පිළිබඳ සතුටට පත්විය හැකි අන්දමේ පුවතක් අසන්න ලැබේ. එහෙත් අවිවේකී බව හේතුවෙන් විනෝදය සතුටට බාධා ඇති කරයි. උරුම හිමිකමක් පිළිබඳ ගැටලුකාරි බවක් මතුකරන සතියකි. සහෝදරාදින් සමඟ එකමුතුව කටයුතු කිරීමට හැකිවෙයි.

රැකියාව

රැකියාවේ ඉදිරි වැඩ පිළිවෙළක් වෙනස්කරයි. අලුත් ව්‍යාපාර කටයුත්තකට අත ගැසීමට කරුණු සැලසේ. සේවක පක්ෂයේ අය සමඟ ඇතිවන ගැටලුවක් දුරදිග යාමට ඉඩ ඇත. අමතර ලැබීම් සහිත මාර්ග කීපයක් හිමිවන බවක් පෙනේ. ස්වයං රැකියා වාසි සැලසෙන කාලයකි.

අධ්‍යාපනය

අලුත් දේ ඉගෙනීමට අවස්ථාව උදා කරයි. සරසවි වරම් අපේක්ෂාවෙන් සිටින අයට සුබදායකයි. විවිධ අත්හදාබැලීම්වලට යොමුවන කාලයකි. දහම් අධ්‍යාපනික කටයුතුවලින් ජයග්‍රහණ හිමිකරයි. ගුප්ත ශාස්ත්‍රයට ඇල්මක් දක්වන බවක් පෙනේ.

සෞඛ්‍යය

ශරීර සෞඛ්‍යය පිළිබඳ විමසිලිමත් වන්න. වරින්වර ඇතිකරන කොන්ද ආශි‍්‍රත ආබාධයකට ප්‍රතිකාර ලබා ගැනීමට සිදුවෙයි. පරම්පරාගත රෝගයක් වැලඳීමට ඉඩ ඇති කාලයකි. ඖෂධ භාවිතයේදී සැලකිලිමත් වන්න.

අය 07 වැය 05

ජය අංකය - 04

ජය වර්ණය - තැඹිලි

සුබ දවස - බදාදා

**********

මිථුන

වැඩිහිටි ප්‍රසාදය

උත්සාහයෙන් කටයුතු සිදුකරයි. සැලසුම් කීපයක් සාර්ථක කරගන්නා සතියක් වන අතර මේ සතියේ සඳු ග්‍රහයා 8,9,10 යන භාවයන් මතින් ගමන් කරයි.

ගෘහ ජීවිතය

ගේ දොර අලුත්වැඩියාවක් වෙනුවෙන් වෙහෙසෙන සතියකි. නොගැළපෙන ඇසුරකට පවුලේ අයගේ දෝෂාරෝපණයට ලක්වීමට ඉඩ ඇත. මානසික අසහනකාරි බවක් ඇතිකරන සතියකි. පැවැති දේපළ ගැටලුවක් නිරවුල් කර ගැනීමට හැකි වෙයි. යන එන තැන කැපී පෙනෙන බවක් පෙනේ. අනාගත සැලසුමක් වෙනුවෙන් වෙහෙසෙයි.

රැකියාව

ඖෂධ ආහාරපාන වැනි කටයුත්තක් ව්‍යාපාරයක් වශයෙන් කරගෙන යන කාලයකි. වෙනදාට වඩා රැකියාවේ කටයුතු සම්බන්ධ ඇවිදිලි වැඩි කරයි. තනතුරු හෝ ස්ථාන වෙනසක් සිදුවිය හැකි කාලයකි. රැකියාවේ තනතුරු ස්ථිරවීමක් පිළිබඳ බලාපොරොත්තු ඉටුකරයි.

අධ්‍යාපනය

ඉගෙනීමට පැවැති බාධා මඟහැරී යයි. කණ්ඩායම් වැඩසටහනක නායකත්වයක් ගන්නා කාලයකි. අමතර දේ ඉගෙනීමට වෙහෙසක් ගන්නා කාලයකි. තාක්ෂණික අංශයෙන් අධ්‍යාපනය ලබන අයට විශේෂ වරප්‍රසාද කීපයක් හිමි කරයි. ගුරු දෙගුරුන්ගේ ප්‍රසාදයට පාත්‍රවන කාලයකි.

සෞඛ්‍යය

ශරීර අභ්‍යන්තරයේ ඇතිවන අසනීපයක් හේතුවෙන් ප්‍රතිකාර ලබා ගැනීමට සිදු වෙයි. හදිසි වැටීම් තැලීම්වලට ඉඩකඩ ඇති බවක් පෙනේ. ව්‍යායාම්වලින් ආහාරපානවලින් තම ශරීර සෞඛ්‍ය රැක ගන්නා කාලයකි.

අය 06 වැය 03

ජය අංකය - 09

ජය වර්ණය - තැඹිලි

සුබ දවස - බදාදා

**********

කටක

අතමිට සරුකරයි

පවුලේ කටයුතුවල වෙනස්කම් කීපයක් සිදුකරමින් සතිය ආරම්භ කරන අතර මේ සතියේ සඳු ග්‍රහයා 7,8,9,10 යන භාවයන් මතින් ගමන් කරයි.

ගෘහ ජීවිතය

පියපස ඥෘතියකු සමඟ ඇතිකරගත් ගැටලුකාරි බවක් දුරදිග යෑමට ඉඩ ඇත. හදිසි තීරණ ගැනීමෙන් තමාට අවාසිදායක තත්ත්වයක් ඇති කරයි. විවාහ යෝජනාවක් ප්‍රමාද කරන හෝ බාධා ඇතිකරන කාලයකි. වෙනදාට වඩා දුරදිග බලා කටයුතු කරන්න. මුදල් ගනුදෙණුවක් හේතුවෙන් පාඩු සිදු කරයි. අඹුසැමි සුහදතාවයකට හේතු ඇතිකරයි. විදෙස් ලැබීමකට හිමිකම් ඇති කරයි.

රැකියාව

රැකියාවේ කටයුතු වෙනදාට වඩා උත්සාහයෙන් උනන්දුවෙන් කරගෙන යන බවක් පෙනේ. විදෙස් රැකියා අපේක්ෂාවෙන් සිටින අයට එතරම් යහපත් කාලයක් නොවනු ඇත. ස්වයං රැකියාවකින් අතමිට සරුකරන බවක් පෙනේ. රැකියාවේ කටයුතු උදෙසා දුර පළාතකට යාමට සිදුවන කාලයකි.

අධ්‍යාපනය

දැනුම, බුද්ධිය වර්ධනය වන කටයුතු කීපයකට සම්බන්ධවීමට සිදුවෙයි. පොතපත කියවීමට ආශාවක් දක්වයි. එමෙන්ම කලාකාමී කටයුතුවලට යොමුවන කාලයකි. උසස් අධ්‍යාපනයට වරින්වර බාධා යෙදුණත් ඒවා ක්‍රමවත් ලෙස කරගෙන යන බවක් පෙනේ.

සෞඛ්‍යය

ශාරීරික වෙහෙස ගෙනදෙන සතියකි. දරුපල සම්බන්ධ ගැටලුවකට මුහුණ පෑමට සිදුවෙයි. වරින්වර ඇතිකරන ක්ලාන්ත ගතියක් හේතුවෙන් ප්‍රතිකාර ලබා ගැනීමට සිදුවෙයි. මේ දිනවල ආහාරපාන ගැන සැලකිලිමත්වීම වැදගත් වේ.

 

අය 06 වැය 03

ජය අංකය - 07

ජය වර්ණය - කොළ

සුබ දවස - බ්‍රහස්පතින්දා

**********

සිංහ

දුර ගමනක්

අවිවේකී වුවත් සැලසුම් කීපයක් සාර්ථක කර ගැනීමට හැකිවන සතියක් වන අතර මේ සතියේ සඳු ග්‍රහයා 6,7,8,9 යන භාවයන් මතින් ගමන් කරයි.

ගෘහ ජීවිතය

ණය ගනුදෙනුවකින් නිදහස්වීමට හැකිවන සති යකි. පවුලේ උත්සව අවස්ථාවක් වෙනුවෙන් සැලසුමක් ඇති කර ගනී. වෙනදාට වඩා දරුවකුගේ කටයුතු වෙනුවෙන් වෙහෙසීමට පත්වේ. දුර ගමනකට කටයුතුª සූදානමක් ඇතිකර ගනී. පවුලට අලුත් ඥාතියකු සම්බන්ධ විය හැකි කාලයකි. නිතර වයසින් අඩු අය සමඟ ඇසුරට කටයුතු උදා කරයි.

රැකියාව

රැකියාවේ කටයුතුවලට පැවැති අවහිරතා මඟහැරී යයි තනතුරු අපේක්ෂාවෙන් සිටින අයට සුබදායක කාලයකි. සෞන්දර්යාත්මක රැකියා කටයුතු කෙරෙහි ඇල්මක් දක්වයි. සිතේ විනෝදයෙන් රැකියා කටයුතුවල නිරතවන බවක් පෙන්නුම් කරයි.

අධ්‍යාපනය

උසස් අධ්‍යාපන කටයුතුවලට තරමක බාධා යෙදුණත් ප්‍රමාදවී හෝ අධ්‍යාපන කටයුතු සාර්ථක ලෙස කරගන්නා කාලයකි. ගණිත විෂයය කෙරෙහි විශේෂ ඇල්මක් දක්වන බවක් පෙනේ. දැනුම, බුද්ධිය වර්ධනය වන කටයුතුවලට ආශාවක් දක්වයි.

සෞඛ්‍යය

සෙම් ගෙඩි වැනි උගුරේ අමාරු වරින්වර ඇතිවීමට ඉඩ ඇත. නිතර ඇතිවන හිසේ ආබාධයකටද ප්‍රතිකාර ලබා ගැනීමට සිදුවේ. වරින්වර දේශීය ප්‍රතිකාර පතා දුර පළාතකට යාමට සිදුවන බවක් පෙනේ.

අය 06 වැය 04

ජය අංකය - 06

ජය වර්ණය - දම්

සුබ දවස - බදාදා

**********

කන්‍යා

රැකියාවේ දියුණුව

ගතට සිතට සැනසිල්ල උදාකරන සතියක් වන අතර මේ සතියේ සඳු ග්‍රහයා 5.6,7,8 යන භාවයන් මතින් ගමන් කරයි.

ගෘහ ජීවිතය

අවිවේකී වුවත් සැලසුම් කීපයක් සාර්ථක කර ගැනීමට හැකිවේ. විදෙස්ගත ඥාතියකුගෙන් උපකාරයක් හිමි කරයි. මෙතෙක් අතරමඟ නවතා තිබූ කටයුතු කීපයක් නැවත ආරම්භ කිරීමට අවස්ථාව උදා කරයි. ආගම දහමට ළැදිව කටයුතු කරන කාලයකි. විශ්වාසවන්ත කෙනෙකුගේ ඇසුරට කටයුතු උදා කරයි. පැරැණි ගණුදෙනුවක් සාර්ථක කරන කාලයකි. දේපළ හිමිකම් පිළිබඳ ගැටලුවක් නිරවුල් කර ගනී.

රැකියාව

රැකියාවේ ඉදිරි දියුණුවට කටයුතු කීපයක් උදා කරයි. අලුත් රැකියාවේ කටයුතු සම්බන්ධ තීරණ ගැනීමේදී දුරදිග සිතා බලන්න. වෙනදාට වඩා අතමිට සරුකරන රැකියා මාර්ගවලට හිමිකම් ඇති කරයි. අලුත් වෙළෙඳ ව්‍යාපාරයක් ඇරැඹීමට අවස්ථාව සැලසෙන කාලයකි.

අධ්‍යාපනය

තරමක බාධා යෙදුණත් අධ්‍යාපන කටයුතු සාර්ථක ලෙස කරගෙන යෑමට කටයුතු උදා කරයි. අලුත් භාෂාවක් ඉගෙනීමට කටයුතු සැලසුමක් ඇති කර ගනී. විශේෂයෙන් සෞන්දර්යාත්මක කටයුතුවලට වැඩි කැමැත්තක් දක්වන කාලයකි. විවිධ සම්මානවලට පාත්‍රවන බවක් පෙනේ.

සෞඛ්‍යය

දතක අමාරුවකට ප්‍රතිකාර ලබා ගැනීමට සිදුවෙයි. වරින්වර යටිබඩ සම්බන්ධ ආබාධ මතුවිය හැකි කාලයකි. උෂ්ණාධික රෝග මතුවිය හැකි කාලයක් බැවින් ආහාරපාන ගැනීමේදී සැලකිලිමත්වන්න. රුධිර පරීක්ෂණයකටද භාජනයවීමට සිදුවන බවක් පෙනේ.

අය 05 වැය 03

ජය අංකය - 07

ජය වර්ණය - කොළ

සුබ දවස - බදාදා

**********

තුලා

පෙම් සබඳතා අලුත් වෙයි

පැවැති ගැටලුකාරි බව මඟහැරී යන සතියක් වන අතර මේ සතියේ සඳු ග්‍රහයා 4, 5, 6, 7 යන භාවයන් මතින් ගමන් කරයි.

ගෘහ ජීවිතය

ගේ දොර කටයුතු ක්‍රමවත් ලෙස කරගෙන යෑමට වෙහෙසක් දරන කාලයකි. පැරැණි ප්‍රේම සබඳතාවයක් අලුත්වන ලකුණූු පෙන්නුම් කරයි. උසස් අයගේ ඇසුරට අවස්ථාව උදා කරයි. දුරදිග සිතාබලා තීරණ ගන්නා බවක් පෙනේ. අසරණ අයකුට උපකාර කිරීමට අවස්ථාව උදා කරයි.

රැකියාව

රැකියා ස්ථානයේ කටයුතු සම්බන්ධ වෙනදාට වඩා සොයා බැලීමක් කළ යුතු බවක් පෙනේ. ජලයට සම්බන්ධ රැකියා කටයුතුවලට අවස්ථාව සැලසෙන කාලයකි. තනතුරු වෙනසක් හෝ ස්ථාන වෙනසක් සිදුවිය හැකි බවක් පෙනේ. ස්වයංරැකියා කටයුතුවලින් ලාභ හිමි කරයි.

අධ්‍යාපනය

උසස් අධ්‍යාපන කටයුතුවලට වරින්වර බාධා මතු කරයි. එහෙත් සහජ දක්ෂතා මතුවීමෙන් ඒවා මඟහරවා ගැනීමට හැකිවෙයි. තාක්ෂණික අංශයේ කටයුතුවලට යොමුවන කාලයකි. විදෙස් අධ්‍යාපනයකට ද සැලසුමක් ඇතිකර ගනී. විශේෂ පාඨමාලාවක් හැදෑරීමට වෙහෙසෙන සතියකි.

සෞඛ්‍යය

කොන්ද, උරහිස ආශි‍්‍රත ආබාධ මතුවිය හැකි කාලයකි. වරින්වර ඇතිකරන ක්ලාන්ත ගතියකට ප්‍රතිකාර ලබා ගනී. හදිසි සෞඛ්‍යය පරීක්ෂණයකට ද යොමුවීමට ඉඩ ඇති සතියකි. දතක වේදනාවකට ප්‍රතිකාර ලබා ගැනීමට සිදුවෙයි.

අය 07 වැය 05

ජය අංකය - 04

ජය වර්ණය - කහ

සුබ දවස - සඳුදා

**********

ශ්චික

අමතර ආදායම්

විශේෂ සැලසුමක් වෙනුවෙන් වෙහෙසීමට සිදුවන සතියක් වන අතර මේ සතියේ සඳු ග්‍රහයා 3,4,5,6 යන භාවයක් මතින් ගමන් කරයි.

ගෘහ ජීවිතය

සහෝදර මතභේදයක් මඟහැරී යන අන්දමේ කටයුතු කීපයක් යෙදේ. වෙනදාට වඩා වගකීම් බහුල කරයි. සමාජ සේවයට කැමති කාලයකි. කලකින් නොදුටු හිතවතකු හමුවීමට කටයුතු උදාකරයි. වාහන ගනුදෙනුවක් හේතුවෙන් අතමිට මුදල් ගැවසෙන සතියකි. රහස් ගමනකට කටයුතු සූදානමක් ඇතිකර ගන්නා කාලයකි. හිතවකුගේ ආගමික වැඩසටහනක් වෙනුවෙන් වහෙසීමට සිදුවෙයි.

රැකියාව

රැකියාවේ කටයුතු සම්බන්ධ දුරදිග සිතා බැලිය යුතු කාලයකි. කරගෙන යන රැකියාවට අමතර ආදායම් මාර්ග යෙදෙන රැකියා හිමිකම් ඇති කරයි. පිරිස් පාලනයට සම්බන්ධ රැිකියා මාර්ගවලට අවස්ථාව සැලසේ. කය වෙහෙසා කරන රැකියා කටයුතු යෙදෙන සතියකි. වෙනදාට වඩා දුරදිග බලා රැකියාවේ කටයුතු කළ යුතු බවක් පෙනේ.

අධ්‍යාපනය

ඥාන ශක්තිය, ධාරණශක්තිය වැඩි දියුණුවන කාලයකි. ඉගෙනීමට දැක්වූ පසුගාමිත්වය මඟහැරී යයි. ගුප්ත කටයුතු සම්බන්ධ පොත්පත් කියවීමට රුචිකත්වයක් දක්වයි. දහම් අධ්‍යාපනික කටයුතුවලින් විවිධ සම්මාන සහතික හිමි කරයි.

සෞඛ්‍යය

ශාරීරික වෙහෙස මහන්සිය ගෙනදෙන සතියකි. කන්වල හෝ අත්පයවල වේදනා ඇතිවිය හැකි බවක් පෙනේ. එමෙන්ම සෙම් දෝෂ බහුලවීමෙන් පපුවේ මහන්සිය, හතිය වැනි රෝග පීඩා ඇතිවිය හැකි කාලයකි.

අය 07 වැය 05

ජය අංකය - 04

ජය වර්ණය - කොළ

සුබ දවස - සිකුරාදා

**********

ධනු

පිනට දහමට යොමුවේ

ශාරීරික වෙහෙසීම් බහුල කරන සතියක් වන අතර මේ සතියේ සඳු ග්‍රහයා 2, 3, 4, 5 යන භාවයන් මතින් ගමන් කරයි.

ගෘහ ජීවිතය

සැනසිලිදායක බව තරමක් දුරට අඩු කරයි. අමතර වියදම් බහුලවන අන්දමේ කටයුතු කීපයක් යෙදේ. වෙනදාට වඩා පුණ්‍ය කටයුතුවලට නැඹුරුතාවයක් දක්වයි. අඹුසැමි සුහදතාවයට බාධා ඇති කරයි. නොගැළපෙන ඇසුරකට සිත යොමුවීමට ඉඩ ඇත. හිතවතුන්ගෙන් තෑගි බෝග හිමිකරන බවක් පෙනේ. පවුලේ අය සමඟ දුරගමනකට සැලසුමක් ඇතිකරයි. විදෙස් ඥාති උපකාරයක් හිමිවීමට ඉඩ ඇත.

රැකියාව

ශාස්ත්‍රීය කටයුතු සම්බන්ධ රැකියා මාර්ගවලට යොමුවන කාලයකි. එමෙන්ම දරුවන්ට දැනුම ලබාදීමේ රැකියා මාර්ගවලට කැමැත්තක් දක්වන බවක් පෙනේ. රැකියාවේ කටයුතු හේතුවෙන් දුරපළාතකට යාමට සිදුවන කාලයකි. අධ්‍යාපනය

හිතුවක්කාර ලෙස අධ්‍යාපන කටයුතුවල නිරතවන කාලයකි. කලබලකාරි ගතිපැවැතුම් හේතුවෙන් පාඩම් වැඩකටයුතු අතපසු කර ගනී. එමෙන්ම විශේෂ පාඨමාලාවක් හැදෑරීමට පදිංචියෙන් පිට වාසයට හේතු ඇති කරයි.

සෞඛ්‍යය

නින්දයාම අඩුවීම, පීනස වැනි සෙම් රෝග නිතර නිතර වැලඳීමට ඉඩ ඇත. ජලය සම්බන්ධ කටයුතුවලින් පරිස්සම්වීම වැදගත්වන කාලයකි. රුධිර පීඩන තත්ත්වයෙහි වෙනසක් සිදුවීමෙන් වෛද්‍ය ප්‍රතිකාර පතයි.

 

අය 07 වැය 03

ජය අංකය - 09

ජය වර්ණය - තැඹිලි

සුබ දවස - බ්‍රහස්පතින්දා

**********

මකර

විභාග ජයග්‍රහණ

අවිවේකී ලෙස සතිය උදාකරන මකර ලග්න හිමි ඔබගේ සඳු ග්‍රහයා මේ සතියේ 1, 2, 3, 4 යන භාවයන් මතින් ගමන් කරයි.

ගෘහ ජීවිතය

උසස් අයගේ ඇසුරට කටයුතු උදා කරයි. පදිංචියෙන් පිට වාසයට හේතු යෙදේ. තමා සතු දෙයක් නැතිවීමට ඉඩ ඇති බැවින් කල්පනාවෙන් පසුවන්න. උත්සාහය, උනන්දුව මත කටයුතු කීපයක් සාර්ථක කර ගැනීමට හැකිවෙයි. සමීපතම හිතවතකුගේ දුරස්වීමක් සිදු කරයි. අමතර ලැබීම සහිත කාලයකි. මෙතෙක් පැවැති වගකීමකින් නිදහස හිමිවන බවක් පෙනේ.

රැකියාව

රැකියාවේ කටයුතු සම්බන්ධ පැවැති දුෂ්කරතා කීපයක් මඟහැරී යයි. දෑතේ මහන්සියෙන් සිදුකරන රැකියා මාර්ගවලට හිමිකම් ඇතිකරයි. අලුත් රැකියා බලාපොරොත්තු වන අයට එතරම් යහපත් කාලයක් නොවනු ඇත. තනතුරු වෙනසක් හෝ ස්ථාන වෙනසක් සිදුකරන කාලයකි.

අධ්‍යාපනය

සාහිත්‍ය හා කලා අංශයට බර වේ. දහම් අධ්‍යාපනික කටයුතු සම්බන්ධ විශේෂ නැඹුරුතාවයක් දක්වයි. විභාග ජයග්‍රහණයක් පිළිබඳ අසන්න ලැබෙන කාලයකි. දැනුම, බුද්ධිය වර්ධනය වන අන්දමේ කටයුතු කීපයක් සිදු කරයි. උගත් දෙයින් ප්‍රයෝජන ලබාගත හැකි කාලයකි.

සෞඛ්‍යය

ශරීර සෞඛ්‍ය පිළිබඳ සැලකිලිමත්වන්න. හදිසි තැලීම් සීරීම් වැනි සුළු සුළු අනතුරුදායක තත්ත්වයන්ට මුහුණපෑමට සිදුවෙයි. එමෙන්ම රුධිරගත සීනි මට්ටම කෙරෙහිද සැලකිලිමත් විය යුතු කාලයකි. හදිසි සෞඛ්‍ය පරීක්ෂණයකට මුහුණපෑමට සිදුවිය හැකිය.

අය 06 වැය 03

ජය අංකය - 06

ජය වර්ණය - කොළ

සුබ දවස - සිකුරාදා

**********

කුම්භ

මිහිරි ආහාර ලැබේ

සිතේ සැහැල්ලුවෙන් කටයුතු සිදුකරන සතියක් වන අතර මේ සතියේ සඳු ග්‍රහයා 12, 1, 2, 3 යන භාවයන් මතින් ගමන් කරයි.

ගෘහ ජීවිතය

අමතර වියදම් බහුලකරයි. පොරොන්දු ගිවිසුමක් සාර්ථක කරන කාලයකි. මෙතෙක් බාධා ගෙනදුන් ගැටලු කීපයකින් නිදහස උදා කරයි. වෙනදාට වඩා මිහිරි ආහාරපාන ගැනීමට අවස්ථාව උදා කරයි. අවිවේකී වුවත් එදිනෙදා කටයුතු ක්‍රමවත් ලෙස කරගෙන යෑමට අවස්ථාව සැලසේ. පවුලේ කටයුතු පිළිබඳ වෙනදාට වඩා උනන්දුවක් දක්වයි.

රැිකියාව

රැකියාවේ කටයුතු සම්බන්ධ පැවැති බාධා කීපයක් මඟහැරී යයි. උනන්දුවෙන් උද්‍යෝගයකින් රැකියාවේ කටයුතු කරගෙන යන කාලයකි. දෑතේ මහන්සියෙන් කරන රැකියා කටයුතුවලින් අමතර ලැබීම් හිමිකරයි. රැකියාවේ විවිධ වරප්‍රසාද හිමිකරන කාලයකි.

අධ්‍යපානය

මෙතෙක් ගැටලුකාරි බවක් ගෙනදුන් අධ්‍යාපන කටයුතුවලට පැවැති බාධා මඟහැරී යයි. පොතට පතට වැඩි උනන්දුවක් දක්වන කාලයකි. ගණිත අංශයෙන් කටයුතුවලට විශේෂ දක්ෂතා දක්වන බවක් පෙනේ.

සෞඛ්‍යය

උරහිස ආශි‍්‍රත ඇතිවන ආබාධයකට ප්‍රතිකාර ලබා ගැනීමට සිදුවෙයි. එමෙන්ම මෙතෙක් පීඩා ඇති කළ සෙම් රෝගයක් සුව අතට හැරෙන ලකුණු පෙන්නුම් කරයි. ඇසේ ආබාධයකට ප්‍රතිකාර පතන සතියකි. සුළු සුළු ශල්‍යකර්මවලට පවා යොමුවීමට ඉඩ ඇත.

 

අය 07 වැය 04

ජය අංකය - 06

ජය වර්ණය - තැඹිලි

සුබ දවස - බදාදා

**********

මීන

උද්යෝගයෙන් වැඩ කරයි

පැවැති උදාසීන බව මඟහැරී යන සතියක් වන අතර, මේ සතියේ සඳු ග්‍රහයා 11, 12, 1, 2 යන භාවයන් මතින් ගමන් කරයි.

ගෘහ ජීවිතය

අමතර ලැබීම් සහිත කටයුතු කීපයක් යෙදේ. දරුවකුගේ ඉදිරි දියුණුව වෙනුවෙන් පියවර කීපයක් ගන්නා කාලයකි. විදෙස් ගමනකට සැලසුමක් ඇතිකර ගන්නා බවක් පෙනේ. ආගමික භක්තියෙන් කටයුතු සිදුකරයි. වෙනදාට වඩා වාහන ගමන් අධික වන කාලයක් වන අතර අලුත් දේ මිලදී ගැනීමකටද අවස්ථාව උදාකරයි.

රැකියාව

රැකියාවේ පැවැති ගැටලුකාරි බව මඟහැරී යයි. වෙනදාට වඩා ඇවිදිලි වැඩි කරන රැකියා මාර්ගවලට හිමිකම් ඇති කරයි. රැකියා ස්ථානයේ අය සමඟ සුහදතාවයෙන් කටයුතු කිරීමට හැකිවන කාලයකි. අලුත් රැකියා අපේක්ෂාවෙන් සිටින අයට සුබදායක සතියකි.

අධ්‍යාපනය

පොතපත කියවීමට ආශාවක් දක්වයි. ගණිත අංශයේ කටයුතුවලට යොමුවන කාලයකි. දැනුම, බුද්ධිය වර්ධනය කරගැනීමට උත්සාහ ගනී. දහම් අධ්‍යාපනික කටයුතුවලින් විවිධ ජයග්‍රහණ හිමිකරන කාලයකි. සරසවි වරම් අපේක්ෂාවෙන් සිටින අයට සුබදායකයි.

සෞඛ්‍යය

ශරීර සෞඛ්‍ය එතරම් යහපත් කාලයක් නොවනු ඇත. ගර්භාෂගත ආබාධ, කොන්ද ආශි‍්‍රත ආබාධ වරින්වර මතුවිය හැකිය. එමෙන්ම පරම්පරාගත රෝගයක් ඉස්මතු විය හැකි කාලයක් බැවින් කල්පනාවෙන් පසුවන්න.

 

අය 06 වැය 05

ජය අංකය - 04

ජය වර්ණය - කොළ

සුබ දවස - ඉරිදා