මේෂ

මවුපසින් උපකාර

අමතර ගමන් බහුලවන සතියක් වන අතර මේ සතියේ සඳු ග්‍රහයා 7,8,9,10 යන භාවයන් මතින් ගමන් කරයි.

ගෘහ ජීවිතය

පොරොන්දු ගිවිසුමක් සාර්ථක වන සතියකි. මෙතෙක් ප්‍රමාදවෙමින් පැවැති විවාහ යෝජනාවක් සාර්ථක වන ලකුණු ද පෙන්නුම් කරයි. අසරණ කෙනකුට පිහිටවීමට අවස්ථාව උදා කරයි. එහෙත් නොසිතූ ලෙස තමා සතු දෙයක් නැතිවීමට ඉඩ ඇති බැවින් කල්පනාවෙන් පසුවන්න. දේපළ ගැටලුවක් නිරවුල් කර ගත හැකි සතියකි. මවු පාර්ශ්වයෙන් උපකාරයක් හිමි කරයි.

රැකියාව

රැකියාවේ කටයුතු පිළිබඳ දුරදිග සිතා බැලිය යුතු කාලයකි. රැකියාවට අමතර අලුත් ව්‍යාපාරයක් ඇරැඹීමට අවස්ථාව උදා කරයි. එමෙන්ම රැකියාවේ කටයුතු උදෙසා දුර බැහැර ප්‍රදේශයකට යාමට සිදුවන සතියකි. විදෙස් රැකියා අපේක්ෂාවෙන් සිටින අයට ද සුබදායක කාලයකි.

අධ්‍යාපනය

මෙතෙක් පැවැති අධ්‍යාපනික ගැටලුවක් විසඳා ගැනීමට හැකිවන සතියකි. උසස් අධ්‍යාපන කටයුතු පිළිබඳ තරග විභාගයකට සම්බන්ධවීමට හැකිවෙයි. නිතර පොත්පත් කියවීමට වෙහෙසෙන සතියකි.

සෞඛ්‍යය

ශරීර වෙහෙස මහන්සිය ගෙනදෙන සතියකි. සෙම් රෝග හිසේ ආබාධ ආදියෙන් පීඩා ඇති කරයි. එමෙන්ම පාදයේ හටගන්නා ආබාධයකට ප්‍රතිකාර ලබා ගැනීමට සිදුවෙයි.

අය 06 වැය 03

ජය අංකය - 07

ජය වර්ණය - කහ

සුබ දවස - බදාදා

වෘෂභ

වැඩිහිටියන්ගේ ඇසුර ලැබේ

අමතර කටයුතු කීපයක් වෙනුවෙන් වෙහෙසීම් ඇතිකරමින් පවතින සතියක් වන අතර මේ සතියේ සඳු ග්‍රහයා 6,7,8,9 යන භාවයන් මතින් ගමන් කරයි.

ගෘහ ජීවිතය

හදිසි තීරණයක් හේතුවෙන් සිතේ නොසන්සුන්තාවයක් ඇති කරයි. පවුලේ අය අතර කැපී පෙනෙන අන්දමේ කටයුතු කීපයක් සිදු කරයි. වෙනදාට වඩා දරුවකු පිළිබඳ සොයා බලා කටයුතු කරන්න. නෛතික ගැටලුවකින් නිදහස උදා කරන සතියකි. නිතර වයසින් වැඩි අය සමඟ ඇසුරට කටයුතු උදාකරයි.

රැකියාව

රැකියාවේ කටයුතු සම්බන්ධ තීරණ ගැනීමේදි දුරදිග සිතා බලන්න. දෑතේ මහන්සියෙන් කරන රැකියා කටයුතුවලින් අතමිට සරුකරයි. රැකියා ස්ථිරවීමක් ප්‍රමාද කරන කාලයකි. විදෙස් රැකියාවක් පිළිබඳ සැලසුමක් ඇතිකර ගන්නා බවක් පෙනේ.

අධ්‍යාපනය

ඉගෙනීමේ කටයුතුවලට තරමක බාධා ඇතිකරන සතියකි. එහෙත් ඉගෙනගත් දෙයින් ඵල ප්‍රයෝජන ලබාගත හැකි බවක් පෙනේ. විවිධ තරග විභාගවලට සම්බන්ධ වීමට අවස්ථාව උදා කරයි. විවිධ කණ්ඩායම් වැඩසටහන්වල නායකත්වයක් දැරීමට අවස්ථාව උදා කරයි.

සෞඛ්‍යය

ශාරීරික වෙහෙස මහන්සිය ගෙන දෙන සතියකි. උගුර ආශි‍්‍රත ආබාධ සෙම් අමාරු හිසේ වේදනා ආදිය හේතුවෙන් ප්‍රතිකාර පතයි. රුධිරගත සීනි මට්ටම කෙරෙහි ද සැලකිලිමත්විය යුතු බවක් පෙනේ. වෙනදාට වඩා කෑම බීම පිළිබඳ සැලකිලිමත් වන්න.

අය 07 වැය 06

ජය අංකය - 04

ජය වර්ණය - කහ

සුබ දවස - බදාදා

මිථුන

විශ්වසනීය බැඳීමක්

වගකීම් බහුල කරමින් සතිය ආරම්භවන මිථුන ලග්න හිමි ඔබගේ සඳු ග්‍රහයා 5,6,7,8 යන භාවයන් මතින් ගමන් කරයි.

ගෘහ ජීවිතය

විශ්වාසවන්ත බැඳීමකට හේතු ඇති කරයි. පවුලේ අය අතර කැපී පෙනෙන අන්දමේ කටයුතු කීපයක් සිදු කරයි. විදෙස්ගත ඥාතියකුගෙන් උපකාරයක් හිමි කරයි. වෙනදාට වඩා ආගම දහමට ළැදිව කටයුතු කරන බවක් පෙනේ. සමාජ සේවා කටයුතුවලින් ප්‍රසිද්ධියට පාත්‍රවන කාලයකි.

රැකියාව

රැකියාවේ කටයුතු සම්බන්ධ සුබදායක පුවතක් අසන්න ලැබේ. තනතුරු වෙනසක් සිදුවිය හැකි කාලයකි. අමතර වගකීම් දරන රැකියා මාර්ගවලට හේතු ඇති කරයි. උගත්කමට ගැළපෙන රැකියා මාර්ගවලට හිමිකම් ඇත.

අධ්‍යාපනය

අලුත් දේ ඉගෙනීමට කටයුතු උදාකරයි. උසස් අධ්‍යාපන කටයුතු සම්බන්ධ පැවැති බාධා කීපයක් මඟහැරී යයි. අලුත් පොත්පත් මිලදී ගැනීමකට කටයුතු උදාකරන සතියකි. කණ්ඩායම් වැඩසටහන්වලට මෙන්ම තරග විභාගවලටද සහභාගිවීමට අවස්ථාව සැලසෙන බවක් පෙනේ.

සෞඛ්‍යය

උදරය සම්බන්ධ ආබාධයකට ප්‍රකිකාර ලබා ගැනීමට සිදුවෙයි. වෙනදාට වඩා ඖෂධ භාවිතයේදී සැලකිලිමත්වන්න. රුධිරගත සීනිමට්ටම, අධිරුධිර පීඩන තත්ත්වය කෙරෙහි වෙනදාට වඩා සැලකිලිමත් විය යුතු බවක් පෙනේ.

අය 07 වැය 03

ජය අංකය - 04

ජය වර්ණය - කොළ

සුබ දවස - බ්‍රහස්පතින්දා

කටක

විශේෂ හමුවක්

විශේෂ කෙනකුගේ හමුවීමක් සිදුවීමට ඉඩ ඇති මේ සතියේ සඳු ග්‍රහයා 4,5,6,7 යන භාවයන් මතින් ගමන් කරයි.

ගෘහ ජීවිතය

පවුලේ උත්සව අවස්ථාවක් පිළිබඳ සැලසුමක් ඇතිකර ගන්නා සතියකි. වෙනදාට වඩා යන එන ගමන් ගැන සැලකිලිමත්වන්න .නොසිතූ පාඩුවක් සිදුවීමට ඉඩ ඇති බැවින් ඒ පිළිබඳ අවධානයෙන් පසුවන්න. පවුලට අලුත් සාමාජිකයකු එක්වීමෙන් ඉදිරි වැඩපිළිවෙළක් වෙනස්කරයි. හිතුවක්කාර තීරණයක් හේතුවෙන් පවුලේ මතභේදයක් පැන නැගීමට ඉඩ ඇත.

රැකියාව

රැකියාවේ කටයුතු සම්බන්ධ තීරණ ගැනීමේදි දුරදිග සිතා බලන්න. අලුත් රැකියා අපේක්ෂාවෙන් සිටින අයට එතරම් යහපත් කාලයක් නොවනු ඇත. පිරිස්පාලනය, අණදෙන ක්ෂේත්‍රයේ රැකියා කටයුතුවල නියැළී සිටින අයට සුබදායකයි. වගකීමෙන් රැකියාවේ කටයුතු කරගෙන යන බවක් පෙනේ.

අධ්‍යාපනය

බාධා පැමිණිනුත් ඉගෙනීමේ කටයුතු සාර්ථක ලෙස කරගෙන යන කාලයකි. අමතර පොත්පත් මිලදී ගැනීමට උනන්දුවක් දක්වයි. විවාද කණ්ඩායම්වල විවිධ වැඩසටහන්වල මූලිකත්වයට ගන්නා බවක් පෙනේ.

සෞඛ්‍යය

ශරීර සෞඛ්‍ය එතරම් යහපත් කාලයක් නොවනු ඇත. වරින්වර හට ගන්නා අතේ පයේ වේදනාවකට ප්‍රතිකාර ලබා ගැනීමට සිදු වෙයි. හදිසි වැටීම් තැලීම්වලට ඉඩ ඇත. දතක ආබාධයකට ප්‍රතිකාර ලබා ගැනීමට සිදුවෙයි.

අය 06 වැය 04

ජය අංකය - 07

ජය වර්ණය - ලා දම්

සුබ දවස - සිකුරාදා

සිංහ

කඩිසර එඩිතර ගතියක්

වෙනදාට වඩා කඩිසර එඩිතර ගතියෙන් කටයුතු සිදුකරන සතියක් වන අතර මේ සතියේ සඳු ග්‍රහයා 3,4,5,6 යන භාවයන් මතින් ගමන් කරයි.

ගෘහ ජීවිතය

වගකීම් බහුල කරන කටයුතු කීපයක් යෙදෙන සතියකි. වෙහෙසකාරි කටයුතු කීපයකට සම්බන්ධවීමට සිදු වෙයි. දුරබැහැර ගමනකට කටයුතු සූදානමක් ඇති කරයි. අනාථ අසරණ අයකුට ඇප උපස්ථාන කිරීමට අවස්ථාව උදා කරයි. අලුතින් ගේදොර මිලදි ගැනීමකට කටයුතු උදා කරයි. පොරොන්දු ගිවිසුමක් සාර්ථක කරන සතියකි.

රැකියාව

රැකියාවේ කටයුතු සම්බන්ධ අවිවේකී බවක් ඇති කරයි. නිතර කලා ක්ෂේත්‍රයේ කටයුතුවලට සම්බන්ධ රැකියා මාර්ගවලට නිරතවන කාලයකි. කැපවීමෙන්, උනන්දුවෙන් රැකියාවේ කටයුතුවල නිරතවෙයි. උගත්කමට සරිලන රැකයා මාර්ගවලට හිමිකම් ඇති කාලයකි.

අධ්‍යාපනය

ධාරණ ශක්තිය බලවත් වන කාලයකි. සියුම් දේවල් පවා හොදට මතකයේ තබා ගනී. පොත්පත් ලිවීමට කියවීමට දක්ෂතාවයක් දක්වයි. දහම් අධ්‍යාපනික කටයුතුවලින් ජයග්‍රහණ හිමිකරයි.

සෞඛ්‍යය

ශරීර සෞඛ්‍ය අතින් එතරම් යහපත් කාලයක් නොවනු ඇත. වරින්වර ඇතිවන ක්ලාන්ත ගතියක් හේතුවෙන් ප්‍රතිකාර ලබා ගනී. ලේ විෂවීමක් හෝ චර්මගත ආබාධයකින් පීඩා විඳින කාලයකි. ආහාරපාන ගැනීමේදී සැලකිලිමත් විය යුතු කාලයකි.

අය 07 වැය 05

ජය අංකය - 04

ජය වර්ණය - කොළ

සුබ දවස - සිකුරාදා

කන්‍යා

වගකීම් බහුල වේ

විශේෂ සැලසුමක් වෙනුවෙන් වෙහෙසෙන සතියක් වන අතර මේ සතියේ සඳු ග්‍රහයා 2,3,4,5 යන භාවයන් මතින් ගමන් කරයි.

ගෘහ ජීවිතය

තරමක් දුරට අවිවේකී බවක් ඇතිකරන සතියකි. අතමිට මුදල් ගැවසුණත් වැය පස අධිකවන බවක් පෙන්නුම් කරයි. අමනාප වූ සහෝදරයකු සමඟ මිතුරුවීමට අවස්ථාව සැලසේ. වගකීම් බහුලවන අන්දමේ කටයුතු කීපයක් යෙදීමට ඉඩ ඇත. ගේ දොර කටයුතු ක්‍රමවත් ලෙස කරගෙන යෑමට වෙහෙසක් දරන බවක් පෙනේ. නීති ගැටලුවකින් නිදහස් වන සතියකි. පැරැණි හිතවත්කම් අලුත්කරන සතියකි.

රැකියාව

ශාස්ත්‍රීය කටයුතු සම්බන්ධ රැකියා මාර්ගවලට හේතු ඇති කරයි. එමෙන්ම අලුත් ව්‍යාපාර කටයුත්තකට අතගැසීමට අවස්ථාව උදා කරයි. විසිතුරු බඩු අලෙවිය සම්බන්ධ රැකියා මාර්ගවල නිරතවන කාලයකි.

අධ්‍යාපනය

මෙතෙක් කරගෙන ආ අධ්‍යාපන කටයුතුවලට බාධාකාරි බවක් ඇති කරයි. විශේෂ පාඨමාලාවක් හැදෑරීමට අමතර මුදලක් වැයකරන කාලයකි. නිවෙසින් බැහැරව අධ්‍යාපන කටයුතුවල නිරතවීමට සිදුවන බවක් පෙනේ.

සෞඛ්‍යය

උෂ්ණාධික රෝගයක් හේතුවෙන් පීඩාකාරි බවක් ඇතිකරයි. එමෙන්ම නිතර හටගන්නා මුත්‍රාගත ආබාධයකට ප්‍රතිකාර ලබා ගනී. හදිසි වැටීම් තැලීම් වැනි සුළු සුළු අනතුරුවලට ලක්වීමට ඉඩ ඇති සතියකි.

අය 06 වැය 05

ජය අංකය - 02

ජය වර්ණය - දම්

සුබ දවස - බදාදා

තුලා

අමතර ලැබීම්

වෙනදාට වඩා සිතේ සැහැල්ලුවෙන් කටයුතු සිදු කරන සතියක් වන අතර මේ සතියේ සඳු ග්‍රහයා 1,2,3,4 ස්ථානවල ගමන් කරයි.

ගෘහ ජීවිතය

අමතර ලැබීම් සහිත කාලයකි. බාහිර අලංකාරයට වැඩි කැමැත්තක් දක්වන බවක් පෙනේ. අලුත් බඩුබාහිරාදිය මිලදී ගැනීමකට කටයුතු උදා කරයි. අඹුසැමි සුහදතාවයට කරුණු සැලසෙන බවක් පෙනේ. වෙනදාට වඩා පින් දහම් කටයුතුවලට නැඹුරුතාවයක් දක්වයි. අලුත් දැන හැදුණුකම්වලට කරුණු සැලසේ. දුර ගමනකට කටයුතු සූදානමක් ඇතිකර ගන්නා සතියකි.

රැකියාව

රැකියාවේ කටයුතු ක්‍රමානුකූලව කරගෙන යන බවක් පෙනේ. එහෙත් තනතුරු මාරුවක් හෝ ස්ථාන මාරුවක් සිදුවිය හැකිය. ජලාශ්‍රත කටයුතු සම්බන්ධ රැකියා මාර්ගවලට හිමිකම් ඇති කරයි. රැකියාවේ කටයුතු හේතුවෙන් පදිංචි ස්ථානයෙන් පිට වාසය කිරීමට සිදුවෙයි.

අධ්‍යාපනය

වෙනදාට වඩා උදාසීන ලෙස අධ්‍යාපන කටයුතු කරගෙන යන බවක් පෙනේ. අමතර පොත්පත් මිලදී ගැනීමකට වියදම් කිරීමට සිදු වේ. අලුත් දේ ඉගෙනීමට කටයුතු උදා කරන සතියකි. අමතර භාෂාවක් ඉගෙනීමට වෙහෙසක් දරණ සතියකි.

සෞඛ්‍යය

ශරීර සෞඛ්‍යය අතින් එතරම් යහපත් කාලයක් නොවනු ඇත. විවිධ ශාරීරික පීඩාවලට මුහුණපෑමට සිදුවෙයි. හදිසි ප්‍රතිකාර පතා දුර පලාතකට යාමට සිදුවන බවක් පෙනේ. සෙම් අමාරු, හිසේ ආබාධ, පපුව ආශි‍්‍රත ආබාධ බහුල කාලයකි.

අය 06 වැය 04

ජය අංකය - 07

ජය වර්ණය - රතු

සුබ දවස - ඉරිදා

වෘශ්චික

සමාජයේ ගෞරව

වගකීම් බහුල කරමින් සතිය ආරම්භවන වෘශ්චික ලග්න හිමි ඔබගේ සඳු ග්‍රහයා 12,1,2,3 යන භාවයන් මතින් ගමන් කරයි.

ගෘහ ජීවිතය

නිතර අදහස් වෙනස්කරන කාලයකි. පවුලේ වැඩිහිටියකු සමඟ අමනාපයක් ඇතිකර ගනී. අමතර ගමන් යෙදීමට ඉඩ ඇත. එමෙන්ම වියදම් පක්ෂය ද වැඩිකරන අන්දමේ කටයුතු කීපයක් යෙදේ. කරදර බාධාවලට මුහුණදීමට ශක්තිය ඇති කරයි. සමාජයෙන් ගෞරවය හිමිකරන අන්දමේ කටයුතු කීපයක් යෙදීමට ඉඩ ඇත. අසරණ කෙනකුට පිහිටවීමට අවස්ථාව උදා කරයි.

රැකියාව

අණදෙන ක්ෂේත්‍රයේ රැකියා මාර්ගවලට හිමිකම් ඇති කරයි. පිරිස් පාලනය සම්බන්ධ රැකියා මාර්ගවලට හිමිකම් ඇති කරයි. ස්වයං රැකියා කටයුතුවල නියැළී සිටින අයට අතමිට සරුකරන බවක් පෙනේ. රැකියාවේ කටයුතු උදෙසා දුර පළාතකට යාමට සිදුවන කාලයකි. තනතුරු අපේක්ෂාවෙන් සිටින අයට සුබදායක සතියකි.

අධ්‍යාපනය

ඥාන ශක්තිය බලවත්වන කාලයකි. නිතර ශාස්ත්‍රීය කටයුතු වෙනුවෙන් වෙහෙසෙන බවක් පෙනේ. එමෙන්ම දැනුම බුද්ධිය වර්ධනය වන අන්දමේ කටයුතුවලට කැමැත්තක් දක්වයි. වෛද්‍ය විද්‍යාව ඉගෙනීමට යොමුවන කාලයකි.

සෞඛ්‍යය

වරින්වර ඇතිකරන උරහිස කොන්ද ආශි‍්‍රත ආබාධයකට ප්‍රතිකාර ලබා ගැනීමට සිදුවෙයි. වෙනදාට වඩා ශරීර සෞඛ්‍යය පිළිබඳ සැලකිලිමත්වන්න. සෙම් දෝෂ හේතුවෙන් පෙනහැල්ල ආශි‍්‍රත ආබාධ ඇතිවීමට ඉඩ ඇත.

අය 07 වැය 04

ජය අංකය - 02

ජය වර්ණය - කොළ

සුබ දවස - සිකුරාදා

ධනු

ප්‍රශංසා හිමි වේ

දුරදිග බලා කටයුතු කළ යුතු සතියක් වන අතර මේ සතියේ සඳු ග්‍රහයා 11,12,1,2 යන භාවයන් මතින් ගමන් කරයි.

ගෘහ ජීවිතය

අන් අය සමඟ සුහදව කටයුතු කිරීමට අවස්ථාව උදා කරයි. එදිනෙදා කටයුතු ක්‍රමවත් ලෙස කරගෙන යෑමට හැකිවෙයි. සහෝදරයකුට උපකාරයක් කිරීමට අවස්ථාව සැලසෙන සතියකි. නීති ගැටලුවකින් නිදහස්වීමට අවස්ථාව උදා කරයි. වෙනදාට වඩා කීර්තියත් ප්‍රශංසාවත් හිමි කරයි කාලයකි.

රැකියාව

රැකියාවේ කටයුතුවලින් ප්‍රසිද්ධියට පත්වන සතියකි. ස්වාධීනව කරගෙන යන ව්‍යාපාර කටයුත්තක් සාර්ථකවන ලකුණු පෙන්නුම් කරයි. රෙදිපිළි, මැහුම් ගෙතුම් ආදී කටයුතුවලට සම්බන්ධ රැකියා මාර්ග හිමි කරයි. රැකියා අංශයේ උසස් නිලධාරීන් සමඟ කුළුපගව කටයුතු කිරීමට අවස්ථාව උදා කරයි.

අධ්‍යාපනය

ගැටලුකාරි ලෙස කරගෙන ගිය අධ්‍යාපන කටයුතු උනන්දුවෙන්, උත්සාහයෙන් කරගෙන යන බවක් පෙනේ. අලුත් දේ ඉගෙනීමට කටයුතු උදා කරන සතියකි. නිතර අලුත් පොත්පත් කියවීමට කැමැත්තක් දක්වයි. අධ්‍යාපනික ජයග්‍රහණවලට හිමිකම් ඇති කරයි.

සෞඛ්‍යය

ශරීර සෞඛ්‍යයට බාධා ඇති කරයි. ලේ දෝෂයෙන් යෙදෙන සමේ රෝග, වැටීම් තැලීම් වැනි තුවාල අනතුරු සිදුවීමට ඉඩ ඇත. හදිසි සෞඛ්‍යය පරීක්ෂණවලටද භාජනය වීමට සිදුවෙයි.

අය 07 වැය 05

ජය අංකය - 04

ජය වර්ණය - දම්

සුබ දවස - සිකුරාදා

මකර

රැකියාවේ කැපී පෙනේ

අවිවේකී වුවත් සැලසුම් කීපයක් සාර්ථක කර ගන්නා සතියක් වන අතර මේ සතියේ සඳු ග්‍රහයා 10,11,12,1 යන භාවයන් මතින් ගමන් කරයි.

ගෘහ ජීවිතය

එදිනෙදා කටයුතු ක්‍රමවත් ලෙස කරගෙන යෑමට වෙහෙසක් දරන සතියකි. නිතර ආගමික කටයුතු කෙරෙහි නැඹුරුතාවයක් දක්වයි. මවගේ අසනීපයක් හේතුවෙන් සිතේ නොසන්සුන් බවක් ඇති කරයි. නොගැළපෙන ඇසුරකට සිත යොමුකරන කාලයකි. අමතර ලැබීම් හිමිවන කටයුතු කීපයකට සම්බන්ධ වීමට සිදුවෙයි.

රැකියාව

රැකියාවේ කටයුතුවලින් කැපී පෙනෙන අන්දමේ කටයුතු කීපයක් සිදුකරයි. එමෙන්ම විවිධ වරප්‍රසාද හිමිකරන රැකියා මාර්ගවලට හිමිකම් ඇති කරයි. දරුවන්ට දැනුම ලබාදීමේ රැකියා කටයුතුවලට යොමුවන කාලයකි. ස්වයංරැකිය මාර්ගවලින් අතමිට සරුකරන බවක් පෙනේ.

අධ්‍යාපනය

උසස් අධ්‍යාපන කටයුතුවලට විවිධ බාධා පැන නැගෙන කාලයකි. විශේෂ පාඨමාලාවක් හැදෑරීමට අමතර මුදලක් වැය කරයි. දහම් අධ්‍යාපනික කටයුතුවලින් විවිධ ජයග්‍රහණ හිමිකරන බවක් පෙනේ. පොත්පත් ලිපි ලේඛන ගැටලුවක් විසඳා ගැනීමට හැකිවන සතියකි.

සෞඛ්‍යය

ශරීර සෞඛ්‍යය පිළිබඳ වෙනදාට වඩා සැලකිලිමත් වන්න. පරම්පරාගත රෝගයක් ඉස්මතු විය හැකි කාලයකි. හදිසි රුධිර පරීක්ෂණයකට භාජනයවීමට සිදු වෙයි. හිස ආශි‍්‍රත ආබාධයකට ප්‍රතිකාර ලබා ගැනීමට සිදුවෙයි.

අය 06 වැය 05

ජය අංකය - 04

ජය වර්ණය - නිල්

සුබ දවස - බ්‍රහස්පතින්දා

කුම්භ

සිතේ නිදහස වැඩේ

විශේෂ කටයුතු කීපයකට අතගැසීමට කටයුතු සැලසෙමින් පවතින සතියක් වන අතර, මේ සතියේ සඳු ග්‍රහයා 9,10,11,12 යන භාවයන් මතින් ගමන් කරයි.

ගෘහ ජීවිතය

පවුලේ බැඳීම් වැඩිකරන සතියකි. වෙනදාට වඩා ආගමික භක්තියෙන් කටයුතු සිදුකරන බවක් පෙනේ. ගණුදෙනුවකින් නිදහස්වීමට අවස්ථාව උදා කරයි. වෙනදාට වඩා සිතේ නිදහසින් කටයුතු කිරීමට කැමැත්තක් දක්වන බවක් පෙනේ. පරම්පරාගත දේපළක් හිමිකරන සතියකි. අලුත් දේ මිළදී ගැනීමට කටයුතු උදාකරන බවක් පෙනේ.

රැකියාව

රැකියාවේ කටයුතු ක්‍රමවත් ලෙස කරගෙන යෑමට උත්සාහ දරන කාලයකි. නව රැකියා ලාභවලට හිමිකම් ඇති බවක් පෙනේ. රැකියා ස්ථානයේ තරමක් ඉහළින් වැජඹී සිටීමට අවස්ථාව උදාකරයි.

අධ්‍යාපනය

උසස් අධ්‍යාපන කටයුතුවලට යොමුවී සිටින අයට සුබදායකයි. පොත්පත් කියවීමට කැමැත්තක් දක්වයි. තාක්ෂණික අංශයේ කටයුතුවලට යොමුවන කාලයකි. සහජ දක්ෂතා ඉස්මතු වන බවක් පෙනේ. විශේෂ පාඨමාලාවක් හැදෑරීමට අවස්ථාව සැලසෙන කාලයකි.

සෞඛ්‍යය

ගර්භාෂගත ආබාධ සෙම් අමාරු නිසා වරින්වර පීඩාකාරි තත්ත්වයක් ඇති කරයි. නිතර නිතර ප්‍රතිකාර පතා දුර පළාතකට යාමට සිදුවෙයි. පාදයේ වළලුකර ආශි‍්‍රත ආබාධයකට ප්‍රතිකාර ලබා ගැනීමට සිදුවන සතියකි.

අය 07 වැය 05

ජය අංකය - 09

ජය වර්ණය - තැඹිලි

සුබ දවස - ඉරිදා

මීන

විනෝදයට යොමු වේ

ගතට සිතට සැනසිල්ල උදාකරමින් පවතින සතියක් වන අතර මේ සතියේ සඳු ග්‍රහයා 8,9,10,11 යන භාවයන් මතින් ගමන් කරයි.

ගෘහ ජීවිතය

අලංකාරයට, විනෝදයට කැමැති කාලයකි. අන් අය සමඟ සුහදව කටයුතු සිදු කරයි. තීරණ ගැනීමේදි දුරදිග සිතා බලන්න. පවුලේ උත්සව අවස්ථාවකට සහභාගිවීමට කටයුතු උදා කරයි. නිරත ප්‍රභූන් හා ඇසුරට කටයුතු සැලසෙන බවක් පෙනේ. ආගමික වැඩසටහනක් වෙනුවෙන් දුර පළාතකට යාමට සිදුවන කාලයකි.

රැකියාව

අලුත් ව්‍යාපාර කටයුත්තකට අත ගසන කාලයකි. සුළු සුළු ස්වයං රැකියා කටයුතුවලට සම්බන්ධ වීමට අවස්ථාව උදා කරයි. රැකියාවේ කටයුතු සම්බන්ධ අවහිරතා මඟහැරෙන අතර, තනතුරු වෙනසක්ද සිදු කරයි. නිතර ඇවිදිලි ඇතිකරන රැකියා මාර්ගවලට හිමිකම් ඇති බවක් පෙන්නුම් කරයි.

අධ්‍යාපනය

උසස් අධ්‍යාපන කටයුතුවලට සම්බන්ධ වූ අයගේ බලාපොරොත්තු ඉටුකරයි. මෙතෙක් මඟහැරී තිබූ විෂය කරුණු කීපයක් සම්පූර්ණ කර ගැනීමට අවස්ථාව උදා කරයි. අමතර දේ ඉගෙනීමට කටයුතු උදාකරන සතියකි. කණ්ඩායම් වැඩසටහන්වලට සහභාගිවීමට අවස්ථාව සැලසෙන බවක් පෙනේ.

සෞඛ්‍යය

ශරීර වෙහෙස මහන්සිය ගෙනදෙන සතියකි. වරින්වර ඇතිකරන ක්ලාන්ත ගතියකට ප්‍රතිකාර ලබා ගැනීමට සිදු වෙයි. රුධිරගත සීනිමට්ටම, අධීරුධිර පීඩනය ගැන සැලකිලිමත්විය යුතු සතියකි. ගතට සිතට අවිවේකී බවක් මෙන්ම වෙහෙස මහන්සියක් ගෙන දෙන බවක් පෙනේ.

අය 08 වැය 06

ජය අංකය - 03

ජය වර්ණය - රතු

සුබ දවස - සිකුරාදා