මේෂ

විවාහ යෝජනාවක්

අනපේක්ෂිත සිදුවීම් කීපයක් සිදු කරමින් ආරම්භවන මේ සතිය තුළ ඔබේ ලග්නයට අනුව සඳු ග්‍රහයා 4,5,6,7 යන භාවයන් මතින් ගමන් කරයි.

ගෘහ ජීවිතය

පැවැති බාධා කීපයක් මඟහැරී යයි. ළඟම ඥාතියකුගෙන් හෝ මිත්‍රයකුගෙන් උපකාරයක් ගැනීමට සිදුවෙයි. වෙනදාට වඩා මුදල් අගහිඟතා මතුකරන සතියකි. අවිවාහකයන්ට සුබදායකයි. මෙතෙක් ප්‍රමාද වූ විවාහ යෝජනාවක් සාර්ථක වන ලකුණු පෙනේ. අසල්වැසි සුහදතාවයට හේතු සැලසෙන සතියකි.

රැකියාව

රැකියාවේ කටයුතු පිළිබඳ තීරණ ගැනීමේදී දුරදිග සිතා බලන්න. ලියකියවිලි ගැටලුවකට මුහුණ පෑමට සිදුවන බවක් පෙනේ. එහෙත් රැකියාවේ අමතර ලැබීම් අතින් යහපත් කාලයකි. එමෙන්ම විදෙස් රැකියා අපේක්ෂාවෙන් සිටින අයට සුබදායක වන බවක් පෙන්නුම් කරයි.

අධ්‍යාපනය

මේ කාලය තුළ උත්සාහයෙන් උනන්දුවෙන් අධ්‍යාපන කටයුතු කරගෙන යන බවක් පෙන්නුම් කරන අතර, තමාගේ ඉලක්ක කරා යා හැකි කාලයක් බවද පෙනේ. ගුරු දෙගුරුන්ගේ ප්‍රසාදයට පාත්‍රවන කාලයකි. අලුත් භාෂාවක් ඉගෙනීමට කටයුතු උදා කරයි.

සෞඛ්‍යය

ශරීර සෞඛ්‍යයට වරින්වර බාධා මතුකරයි. වරින්වර ඇතිකරන උරහිස ආශි‍්‍රත ආබාධයකට ප්‍රතිකාර ලබා ගැනීමට සිදු වෙයි. චර්ම ගත ආබාධයක් හේතුවෙන් පීඩා ඇති කරන කාලයකි.

අය 07 වැය 05

ජය අංකය - 09

ජය වර්ණය - නිල්

සුබ දවස - සිකුරාදා

වෘෂභ

දුර ගමන්

වගකීම් බහුල කරමින් සතිය ආරම්භවන වෘෂභ ලග්න හිමි ඔබගේ සඳු ග්‍රහයා 3,4,5,6 යන භාවයන් මතින් ගමන් කරයි.

ගෘහ ජීවිතය

ඇසුරු කරන්නන් අතර පි‍්‍රයතාවයට පත්වන සතියකි. වෙනදාට වඩා උත්සාහයෙන් කටයුතු කරන බවක් පෙනේ. සහෝදර බැඳීම්වලට පැවැති බාධා කීපයක් මඟහැරී යයි. එහෙත් නොගැළපෙන ඇසුරකට මැදිවීමට ඉඩ ඇත. දුර ගමනකට කටයුතු සූදානමක් ඇති කරයි. අවිවේකී ලෙස සතිය ගෙවීමට සිදුවේ. වෙනදාට වඩා වැඩිහිටියකු පිළිබඳ සැලකිලිමත්විය යුතු බවක් පෙනේ.

රැකියාව

රැකියාවේ කටයුතු සම්බන්ධ සතුටුදායක පුවතක් අසන්න ලැබේ. අලුත් ව්‍යාපාරයක් ඇරැඹීමට අවස්ථාව උදා කරයි. එමෙන්ම සුළු සුළු ස්වයංරැකියා කටයුතුවලට ද යොමුවීමට ඉඩකඩ ඇති බවක් පෙනේ.

අධ්‍යාපනය

තරගකාරි කටයුතු කීපයකට සම්බන්ධවීමට සිදුවෙයි. උසස් අධ්‍යාපන කටයුතුවලට යොමුවීමට අවස්ථා උදා කරයි. විශේෂ පාඨමාලාවක් හැදෑරීමට අමතර මුදලක් වැය කිරීමට සිදු වෙයි. සෞන්දර්යාත්මක කටයුතුවලින් විශේෂ ජයග්‍රහණ හිමිකරයි.

සෞඛ්‍යය

ශරීර සෞඛ්‍යය පිළිබඳ වෙනදාට වඩා සැලකිලිමත්වන්න. අධිරුධිර පීඩනය, දියවැඩියාව වැනි රෝගවලට මුහුණ පෑමට සිදුවන බවක් පෙනේ. වරින්වර සෞඛ්‍යය පරීක්ෂණවලට ද භාජනයවීමට සිදුවන සතියකි. ආහාරපාන ගැනීමේදී කල්පනාකාරි වන්න.

අය 06 වැය 03

ජය අංකය - 04

ජය වර්ණය - කහ

සුබ දවස - සඳුදා

මිථුන

දියුණුවට මඟ පෑදෙයි

නිතර ඇසුරු කරන අයකු නිසා කරදරකාරි බවක් ඇති කරන සතියක් වන අතර මේ සතියේ සඳු ග්‍රහයා 2,3,4,5 යන භාවයන් මතින් ගමන් කරයි.

ගෘහ ජීවිතය

සිතේ චංචල බවකින් කටයුතු සිදු කරයි. එමෙන්ම දියුණුව සම්බන්ධ කටයුතු කීපයකට අත ගසයි. අමනාප වූ කෙනකු සමඟ මිතුරුවීමට අවස්ථාව උදා කරයි. නීති පිහිට පැතීමට සිදුවන කාලයකි. යෝජනා ස්ථිරවීමක් සාර්ථකවන බවක් පෙනේ. මවුපස ඥාතියකුගෙන් උපකාරයක් හිමිකරයි. ගේ දොර අලුත්වැඩියාවකට වෙහෙසෙන සතියකි.

රැකියාව

රැකියා ස්ථානයේ කැපී පෙනෙන අන්දමේ කටයුතු කීපයක් සිදු කරයි. ඉඩකඩම් දේපළ සම්බන්ධ රැකියා මාර්ගවලට හිමිකම් ඇති කරයි. එමෙන්ම අතමිට මුදල් ගැවසෙන සුළු සුළු රැකියා මාර්ගවලට හිමිකම් ඇතිකරයි. තනතුරු වෙනසක් සිදුවීමට ඉඩ ඇති බැවින් සිතේ නොසන්සුන්තාවයක් ඇති වන බවක් පෙනේ.

අධ්‍යාපනය

දැනුම, බුද්ධිය වර්ධනය වන කටයුතු කීපයකට සම්බන්ධවීමට සිදු වෙයි. එමෙන්ම පොත්පත් කියවීමට කැමැත්තක් දක්වන බවක් පෙනේ. ගණිත අංශයේ කටයුතුවලින් ඉදිරියට යාමට දැඩි කැමැත්තක් දක්වන කාලයකි.

සෞඛ්‍යය

සෙම් දෝෂ, පපුවේ අමාරු වරින්වර ඇතිවිමට ඉඩ ඇත. වෙනදාට වඩා තම ශරීර සෞඛ්‍යය පිළිබඳ සැලකිලිමත් වන්න. වරින්වර ඇති කරන ක්ලාන්ත ගතියක් හේතුවෙන් ප්‍රතිකාර ලබා ගැනීමට සිදුවේ. වෛද්‍ය ප්‍රතිකාර පතා දුර පළාතකට යාමට කටයුතු සැලසෙන සතියකි.

 

අය 06 වැය 05

ජය අංකය - 07

ජය වර්ණය - කොළ

සුබ දවස - බදාදා

කටක

ගැටලුවකින් නිදහස්

එදිනෙදා කටයුතු පිළිබඳ විමසිලිමත් විය යුතු සතියක් වන අතර මේ සතියේ සඳු ග්‍රහයා 1, 2, 3, 4 යන භාවයන් මතින් ගමන් කරයි.

ගෘහ ජීවිතය

වෙනදාට වඩා පවුලේ කටයුතු පිළිබඳ සැලකිලිමත්විය යුතු බවක් පෙනේ. අන්සතු වස්තු ලාභයකට ඉඩකඩ ඇති කාලයකි. වෙනදාට වඩා පවුලේ අයගෙන් දුරස්ව සිටීමට සිදුවෙයි. නෛතික ගැටලුවකින් නිදහස උදාකරයි. වෙනදාට වඩා සිතේ සැහැල්ලුවකින් කටයුතු සිදුකරන සතියකි.

රැකියාව

රැකියාවේ කටයුතු සැහැල්ලුවෙන් කරගෙන යන සතියකි. මෙතෙක් ප්‍රමාද වූ කටයුතු කීපයක් සාර්ථක කර ගැනීමට හැකිවෙයි. රැකියා ස්ථිරවීමක් සම්බන්ධ බලාපොරොත්තුවක් ඉටුකරයි. සුළු සුළු ලාභ හිමිකරන රැකියා මාර්ගවලට හිමිකම් ඇති කරයි.

අධ්‍යාපනය

සරසවි වරම් අපේක්ෂාවෙන් සිටින අයට සුබදායකයි. එමෙන්ම උසස් අධ්‍යාපන කටයුතු හේතුවෙන් පදිංචියෙන් පිට වාසය කිරීමට සිදුවෙයි. අලුත් දේ ඉගෙනීමට කටයුතු උදා කරන සතියකි.

සෞඛ්‍යය

කොන්ද, උරහිස සම්බන්ධ ඇතිවන ආබාධ හේතුවෙන් පීඩාකාරි බවක් ඇති කරයි. චර්මගත ආබාධයක් වරින්වර මතුවිය හැකිය. එමෙන්ම යටපත් වූ සෙම් අමාරුවක් නැවත මතුවිය හැකි සතියක් වන අතර ජලයෙන් පරිස්සම් වීම යහපත් වේ. වරින්වර ඇතිකරන අධි රුධිර පීඩන තත්ත්වයකට ප්‍රතිකාර ලබා ගැනීමට සිදුවන සතියකි.

 

අය 07 වැය 03

ජය අංකය - 02

ජය වර්ණය - දම්

සුබ දවස - බ්‍රහස්පතින්දා

සිංහ

සමාජ සේවයට යොමු වේ

පැවැති උදාසීන ගති මඟහැරී යන කාලයක් වන අතර මේ සතියේ සඳු ග්‍රහයා 12,1,2,3 යන භාවයන් මතින් ගමන් කරයි.

ගෘහ ජීවිතය

පවුලේ අය අතර කැපී පෙනෙන සතියකි. නිතර සමාජ සේවයට යොමුවන බවක් පෙනේ. වෙනදාට වඩා ඇවිදිලි වැඩි කරයි. පැවැති සතුරු කරදරයකින් නිදහස්වීමට කටයුතු උදා කරයි. නිදහසේ කටයුතු කිරීමට සිතන කාලයකි. ළඟම හිතවතකුගේ භෝජන සංග්‍රහයතට සහභාගිවීමට කටයුතු උදාකරන බවක් පෙනේ.

රැකියාව

රැකියාවේ කටයුතුවලින් ප්‍රසිද්ධියට පත්වන අන්දමේ කරුණු කීපයක් සිදු කරයි. අතමිට සරුකරන සුළු සුළු රැකියා මාර්ගවලට හේතු ඇති කරයි. කලා ක්ෂේත්‍රයේ කටයුතු සම්බන්ධ රැකියා මාර්ගවලට හිමිකම් ඇති කරයි. එහෙත් අලුත් රැකියා අපේක්ෂාවෙන් සිටින අයට එතරම් යහපත් කාලයක් නොවනු ඇත.

අධ්‍යාපනය

තරග විභාගයක් වෙනුවෙන් කටයුතු සූදානම්වන බවක් පෙනේ. ධාරණ ශක්තිය වැඩිදියුණුවන අන්දමේ කටයුතු කීපයක් සිදු කරයි. අලුත් පොත්පත් මිලදී ගැනීමකටද කටයුතු උදාකරන සතියකි. විශේෂ පාඨමාලාවක් හැදෑරීමට අමතර කාලයක්, මුදලකුත් වැය කිරීමට සිදුවෙයි.

සෞඛ්‍යය

ශරීර සෞඛ්‍යය අතින් එතරම් යහපත් කාලයක් නොවනු ඇත. චර්මගත ආබාධයකට හෝ ලේ විෂවීමක් සම්බන්ධ අසනීප තත්ත්වයකට ප්‍රතිකාර ලබා ගැනීමට සිදුවේ. වෙනදාට වඩා ඖෂධ ගැනීමේදී පරිස්සම් වන්න. රැධිරගත සීනි මට්ටම කෙරෙහි වෙනදාට වඩා සැලකිලිමත්වන්න.

අය 05 වැය 04

ජය අංකය - 05

ජය වර්ණය - තැඹිලි

සුබ දවස - සිකුරාදා

කන්‍යා

ආගමික භක්තිය වැඩේ

උත්සාහයේ තරමට ප්‍රතිපල අත් නොවන බවක් පෙන්වන සතියක් වන අතර මේ සතියේ සඳු ග්‍රහයා 11,12,1,2 භාවස්ථානවල ගමන් කරයි.

ගෘහ ජීවිතය

වෙනදාට වඩා පවුලේ කටයුතු පිළිබඳ සැලකිලිමත්වන්න. අමතර ලැබීම් සහිත කටයුතු කීපයක් යෙදීමට ඉඩ ඇත. තරමක් දුරට අවිවේකී බවක් ඇති කරයි. යොදාගත් සැලසුම් කීපයක් වෙනස් කිරීමට සිදුවෙයි. වෙනදාට වඩා ආගමික භක්තියෙන් කටයුතු සිදුකරන සතියකි. විදෙස් ඥාතියකුගේ උපකාරයක් හිමිවීමට ඉඩ ඇත. දුර ගමනකට කටයුතු සූදානමක් ඇතිකරයි.

රැකියාව

අලුත් වෙළෙඳ ව්‍යාපාරයකට සම්බන්ධවීමට හැකිවන බවක් පෙනේ. රැකියාවේ වගකීම් බහුල වන සතියකි. ස්ථාන වෙනසක් සිදුවීමෙන් සිතේ නොසන්සුන්තාවයක් ඇතිකරයි. ලිපි ලේඛන ගැටලුවකට මුහුණදීමට සිදුවන කාලයකි.

අධ්‍යාපනය

තරගකාරි කටයුතු කීපයකට සම්බන්ධවීමට අවස්ථාව උදා කරයි. දහම් අධ්‍යාපන කටයුතුවලින් විශේෂ ජයග්‍රහණ හිමිකරයි. පොත්පත් කියවීමට ආශාවක් දක්වන කාලයකි. එමෙන්ම අලුත් දේ ඉගෙනීමට වෙහෙසෙන බවක් පෙනේ. විදෙස් අධ්‍යාපනයක් පිළිබඳ සැලසුමක් සකස් කරගන්නා කාලයකි.

සෞඛ්‍යය

නිතර නිතර ඇතිවන ක්ලාන්ත ගතියක් හේතුවෙන් ප්‍රතිකාර ලබා ගැනීමට සිදුවෙයි. රුධිරගත සීනි මට්ටම කෙරෙහි සැලකිලිමත්විය යුතු කාලයකි. සෙම් රෝගයකින්ද පීඩා විදීමට සිදුවේ.

අය 07 වැය 05

ජය අංකය - 04

ජය වර්ණය - කොළ

සුබ දවස - සඳුදා

තුලා

රැකියාවෙන් අමතර වාසි

දේපළ ගනුදෙනුවක් වෙනුවෙන් වෙහෙසීම් ඇතිකරන සතියක් වන අතර මේ සතියේ සඳු ග්‍රහයා 10,11,12,1 යන භාවයන් මතින් ගමන් කරයි.

ගෘහ ජීවිතය

වෙනදාට වඩා ගේ දොර සැපපහසුව පිළිබඳ වෙහෙසෙන කාලයකි. නොසිතූ පාඩුවක් සිදුවීමෙන් සිතේ නොසන්සුන්තාවයක් ඇති කරයි. උත්සාහයෙන් කටයුතු සිදුකරයි. පවුලට අලුත් සාමාජිකයකු එක්වන ලකුණූු පෙනේ. පරම්පරාගත දේපළක් සම්බන්ධ ගැටලුවක් නිරවුල් කර ගැනීමට කටයුතු උදාකරයි. විශේෂ හිතවත්කමකට කරුණු සැලසෙන සතියකි.

රැකියාව

වගකීම් බහුල රැකියා මාර්ගවලට හේතු ඇතිකරයි. එමෙන්ම රැකියාවේ කටයුතු සිතේ නොසන්සුන්තාවයකින් කරගෙන යන බවක් පෙනේ. ස්වයංරැකියා කටයුතුවලින් අමතර වාසි සැලසෙන කාලයකි. නිතර ඇවිදිලි වැඩිකරන රැකියාමාර්ගවලට හේතු සැලසෙන බවක් පෙනේ.

අධ්‍යාපනය

ඉගෙනීමේ කටයුතු සම්බන්ධ පැවැති බාධාකීපයක් මඟහැරී යයි. අලුත් පොත්පත් මිලදී ගැනීමකට කටයුතු උදාකරයි. කණ්ඩායම් වැඩසටහනක මූලිකත්වයක් ගැනීමට අවස්ථාව සැලසෙන බවක් පෙනේ. අලුත් දේ ඉගෙනීමට කටයුතු උදාකරයි.

සෞඛ්‍යය

හිස, පපුව ආශි‍්‍රත සෙම් ගතිය හේතුවෙන් පීඩාකාරි බවක් ඇති කරයි. ජලාශි‍්‍රත කටයුතුවලින් ඈත්වී සිටීම යහපත් කරයි. මෙතෙක් සුව නොවූ තුවාලයක් හේතුවෙන් පීඩාකාරි බවක් ඇති කරයි. වෙනදාට වඩා ශරීර සෞඛ්‍යය පිළිබඳ සැලකිලිමත් වන්න.

අය 08 වැය 03

ජය අංකය - 06

ජය වර්ණය - කොළ

සුබ දවස - බදාදා

 

වෘශ්චික

විදෙස්ගත වීමේ සැලසුමක්

විශ්වාසවන්ත කෙනකුගේ හමුවීමක් සිදුවීමට ඉඩ ඇති සතියක් වන අතර මේ සතියේ සඳු ග්‍රහයා 9,10,11,12 යන භාවයන් මතින් ගමන් කරයි.

ගෘහ ජීවිතය

පැවැති අවිවේකී බව මඟහැරී යන සතියකි. වෙනදාට වඩා උනන්දුවකින් ඉදිරි කටයුතු කරගෙන යන බවක් පෙනේ. දනට පිනට ළැදි කාලයක් වන අතර හිතවත් අයකුගේ දානමය කටයුත්තක් වෙනුවෙන් අතහිත දීමට අවස්ථාව උදා කරයි. මව් පාර්ශ්වයේ අයකුට උපකාරයක් කිරීමට අවස්ථාව උදාකරයි. නීති ගැටලුවකින් නිදහස්වීමට කටයුතු සැලසෙන සතියකි.

රැකියාව

රැකියාවේ කටයුතු සම්බන්ධ උනන්දුව වැඩිකරන සතියකි. අණදෙන ක්ෂේත්‍රයේ පිරිස්පාලන වැනි රැකියා කටයුතුවලට යොමුවන බවක් පෙනේ. දෑතේ මහන්සියෙන් කරන රැකියා කටයුතුවලින්ද අතමිට සරුකරයි. විදෙස් රැකියාවකට සැලසුමක් ඇතිකර ගන්නා සතියකි.

අධ්‍යාපනය

අලුත් දේ ඉගෙනීමට කටයුතු උදා කරයි. කණ්ඩායම් වැඩසටහනක මූලිකත්වයක් ගන්නා සතියකි. දහම් අධ්‍යාපනික කටයුතුවලින් විශේෂ ජයග්‍රහණ හිමිකරන බවක් පෙනේ. ගුප්ත ශාස්ත්‍රය ඉගෙනීමට රුචිකත්වයක් දක්වන සතියකි. සාහිත්‍ය හා කලා කටයුතුවලට යොමුවන බවක් පෙනේ.

සෞඛ්‍යය

නින්දයාම අඩුවීම, පීනස වැනි සෙම් රෝග වරින්වර මතුවීමට ඉඩ ඇත. ජලය සම්බන්ධ කටයුතුවලින් ඈත්වී සිටීම යහපත් කරයි. දේශීය ප්‍රතිකාර පතා දුර පළාතකට යාමට සිදුවෙයි. සීතල ආහාර ගැනීමෙන් වැළැකී සිටීම් යහපත් කරයි.

අය 06 වැය 05
ජය අංකය - 03
ජය වර්ණය - කොළ
සුබ දවස - ඉරිදා 

ධනු

සහජ දක්ෂතා ඉස්මතු වේ

උත්සාහයෙන් කටයුතු කරන සතියක් වන අතර මේ සතියේ සඳු ග්‍රහයා 8,9,10,11 යන භාවයන් මතින් ගමන් කරයි.

ගෘහ ජීවිතය

වගකීම් බහුලවන අතර, පවුලේ කෙනකුට යුතුකම් ඉටුකිරීමක් සිදු කරයි. බාහිර අලංකාරයට පිරිසුදුකමට කැමැති කාලයකි. උසස් තත්ත්වයක් ඇති අය හා ඇසුරට කටයුතු උදා කරයි. විදෙස්ගත සැලසුමක් කෙරෙහි වෙහෙසෙන බවක් පෙනේ. වෙනදාට වඩා පවුලේ කටයුතු පිළිබඳ උනන්දුවක් දක්වන සතියකි. අසල්වැසි සිත් නොහොඳකමක් මඟහැරී යයි.

රැකියාව

රැකියාවේ කටයුතු සම්බන්ධ අවිවේකී බව මඟ හැරෙයි. රැකියාවේ ඉදිරි සැලසුමක් වෙනස්කිරීමට සිදුවෙයි. බොහෝ දෙනා සම්බන්ධ කරගෙන කරන ව්‍යාපාර කටයුත්තකට අත ගසයි. උගත්කමට සරිලන රැකියා මාර්ගවලට හිමිකම් ඇති බවක් පෙනේ. එමෙන්ම තනතුරු වෙනසක් සිදුවීමට ඉඩ ඇති සතියකි.

අධ්‍යාපනය

සහජ දක්ෂතා ඉස්මතු වන කාලයකි. කලා ක්ෂේත්‍රයේ කටයුතුවලින් විවිධ සම්මාන සහතික හිමිකරයි. නිතර දැනුම සොයායන මාර්ගවල නිරතවන කාලයකි. විභාග ජයග්‍රහණයක් පිළිබඳ සතුටට පත්විය හැකි බවක් පෙන්නුම් කරයි. අලුත් පාඨමාලාවක් හැදෑරීමට සිත යොමුකරන කාලයකි.

සෞඛ්‍යය

වරින්වර ඇතිවන හිසේ ආබාධයකට ප්‍රතිකාර ලබා ගැනීමට සිදුවේ. සෙම් රෝග බහුල කාලයක් බැවින් ඒ පිළිබඳ කල්පනාවෙන් පසුවන්න. දතක ආබාධයකට ප්‍රතිකාර ලබා ගැනීමට සිදුවන සතියකි. යටපත් වූ පාදයේ වේදනාවක් නැවත මතු කරයි.

 අය 07 වැය 05
ජය අංකය - 07
ජය වර්ණය - කහ
සුබ දවස - බ්‍රහස්පතින්දා
 

මකර

අඹුසැමි සුහදතාවය වැඩේ

අලුත් හිතවත්කම්වලට අවස්ථාව උදාකරමින් පවතින සතියක් වන අතර මේ සතියේ සඳු ග්‍රහයා 7,8,9,10 යන භාවයන් මතින් ගමන් කරයි.

ගෘහ ජීවිතය

පවුලේ අයගෙන් උදවු උපකාර හිමිවීමට ඉඩ ඇත. බොහෝ වෙහෙස මහන්සිවී කටයුතු කිරීමට සිදුවෙයි. ආගම දහමට භක්තිය විශ්වාසය ඇති කරයි. උරුම හිමිකම් ගැටලුවකින් නිදහස උදා කරයි. ප්‍රතිපත්තිගරුකව කටයුතු කරන කාලයකි. අඹුසැමි සුහදතාවය වර්ධනය වන අන්දමේ කටයුතු කීපයක් සිදුවේ.

රැකියාව

රැකියාවේ කටයුතු සම්බන්ධ විශේෂ සැලසුම් කීපයක් ඇති කරයි. අනුන් යටතේ කරන රැකියා කටයුතුවලට එතරම් කැමැත්තක් නොදක්වයි. හදිස්සියේ ආරම්භ කරන ව්‍යාපාරික කටයුත්තක් සාර්ථකවන ලකුණු පෙන්නුම් කරයි. රැකියාවෙන් ප්‍රසිද්ධියට පත්වන කාලයකි.

අධ්‍යාපනය

ඉගෙනීමේ කටයුතු සම්බන්ධ විවිධ බාධා පැන නැඟෙන කාලයක් වුවත් උත්සාහයෙන් උනන්දුවෙන් අධ්‍යාපන කටයුතු කරගෙන යන බවක් පෙනේ. පොත්පත් කියවීමට ආශාවක් දක්වයි. සෞන්දර්යාත්මක කටයුතුවලින් ඉදිරියට යා හැකි කාලයකි.

සෞඛ්‍යය

ගර්භාෂගත ආබාධ, හිසේ, සෙම් අමාරු ආදිය මතුවිය හැකි කාලයකි. වෙනදාට වඩා ඖෂධ පාවිච්චියේදී සැලකිලිමත්වන්න. වරින්වර මතුවන ක්ලාන්ත ගතියක් හේතුවෙන් හදිසි සෞඛ්‍ය පරීක්ෂණයකට යොමුවීමට ඉඩ ඇත.

අය 07 වැය 03

ජය අංකය - 09

ජය වර්ණය - රතු

සුබ දවස - බ්‍රහස්පතින්දා

කුම්භ

නිලතල ලාභ

අවිවේකී වුවත් සැලසුම් කීපයක් සාර්ථක කර ගැනීමට හැකිවන සතියක් වන අතර, මේ සතියේ සඳු ග්‍රහයා 6,7,8,9 යන භාවයන් මතින් ගමන් කරයි.

ගෘහ ජීවිතය

විශ්වාසවන්ත බැඳීමකට කරුණු ඇති කරයි. යන එන ගමන් ගැන සැලකිලිමත්විය යුතු කාලයකි. කැපී පෙනීමට කීර්තියට කැමැති කාලයකි. සහෝදර පක්ෂයෙන් උපකාර හිමිකරයි. ප්‍රභූ පක්ෂය ඇසුරට අවස්ථාව උදා කරයි. සමිති සමාගම්වල නිලතල දරන කාලයකි. විවාහ යෝජනාවක් සාර්ථකවන ලකුණු පෙන්නුම් කරයි.

රැකියාව

රැකියාවේ ඉදිරි කටයුතු පිළිබඳ සොයා බැලීමක් කළයුතු සතියකි. අණදෙන ක්ෂේත්‍රයේ පිරිස්පාලන කටයුතු සම්බන්ධ රැකියා මාර්ගවලට හේතු ඇති කරයි. ආයතන ප්‍රධානීන් සමඟ සුහදව කටයුතු කිරීමට අවස්ථාව සැලසෙන බවක් පෙනේ.

අධ්‍යාපනය

දැනුම, බුද්ධය, වර්ධනය වන කටයුතුවලට ආශාවක් දක්වයි. උත්සාහවන්තව අධ්‍යාපන කටයුතු කරගෙන යන බවක් පෙන්වයි. සහජ දක්ෂතා ඉස්මතු වන කාලයකි. උසස් අධ්‍යාපන කටයුතුවලට පැවැති බාධාකාරි බව මඟහැරී යන සතියකි.

සෞඛ්‍යය

සෙම් ගෙඩි, උගුරේ අමාරු වරින්වර මතුවීමට ඉඩ ඇත. එමෙන්ම උෂ්ණාධික රෝගයක් හේතුවෙන් පීඩාකාරි බවක් ඇති කරයි. රුධිරගත සීනි මට්ටම කෙරෙහි ද සැලකිලිමත් විය යුතු සතියකි. හදිසි වෛද්‍ය ප්‍රතිකාර පතන බවක් පෙනේ.

අය 07 වැය 04

ජය අංකය - 07

ජය වර්ණය - ළා නිල්

සුබ දවස - සිකුරාදා

මීන

මවට ළැදි කාලයක්

පවුලේ කටයුතු පිළිබඳ විශේෂ උනන්දුවක් දක්වන සතියක් වන අතර, මේ සතියේ සඳු ග්‍රහයා 5,6,7,8 යන භාවයන් මතින් ගමන් කරයි.

ගෘහ ජීවිතය

ගෘහ ජීවිතයේ යම් යම් වෙනස්කම් සිදුවිය හැකි කාලයකි. වෙනදාට වඩා ප්‍රසිද්ධියට කරුණු සැලසෙන බවක් පෙන්නුම් කරයි. මවට ළැදි කාලයක් වන අතර මව්පාර්ශ්වයෙන් උරුම හිමිකම් ලැබිය හැකි බවක් පෙනේ. මෙතෙක් පැවැති අසල්වැසි සිත් නොහොඳකමක් මඟහැරී යයි. අසරණ කෙනකුට පිහිටවීමට අවස්ථාව සැලසෙන කාලයකි. රැකියාව

වෙනදාට වඩා උත්සාහවන්තව රැකියාවේ කටුතු කරගෙන යන බවක් පෙන්නුම් කරයි. විවිධ වරප්‍රසාද හිමිකරන රැකියා මාර්ගවලට හිමිකම් ඇති කරයි. පාලක පක්ෂයේ අය අතර හොඳ හිත දිනගෙන කටයුතු කරන කාලයකි. සුළු සුළු ස්වයං රැකියා කටයුතුවලටද සිත යොමු කරයි. රැකියාවේ වගකීම් බහුල කරන කාලයකි.

අධ්‍යාපනය

උසස් අධ්‍යාපන කටයුතුවලට පැවැති බාධා කීපයක් මඟහැරී යන සතියකි. කලා ක්ෂේත්‍රයේ කටයුතුවලට පි‍්‍රයතාවයක් දක්වයි. ඉගෙනීමට දක්ෂතාවයක් ඇතත් විවිධ බාධා එල්ලවිය හැකියි. විවිධ තරග විභාගවලගට සහභාගිවීමට අවස්ථාව හිමිකරයි. අමතර භාෂාවක් ඉගෙනීමට වෙහෙසෙන කාලයකි.

සෞඛ්‍යය

තුනටිය සම්බන්ධ ආබාධයක් හේතුවෙන් පීඩා මතුවිය හැකිය. ලේ දෝෂ, සෙම් දෝෂ වරින්වර මතුවිය හැකිය. වෙනදාට වඩා තමන් ගන්නා ඖෂධ පිළිබඳ සැලකිලිමත් වන්න. ශාරීරික වෙහෙස ගෙන දෙන කාලයකි.

 

අය 06 වැය 03

ජය අංකය - 09

ජය වර්ණය - තැඹිලි

සුබ දවස - සිකුරාදා