ඉර උදාව - පෙ.ව. 06.21
ඉර බැසීම - ප.ව. 06.05
රාහු කාලය - උදේ 07.49 - 09.17
සුබ දිශාව - නැඟෙනහිර

මේෂ

ආගමික භක්තියෙන් කටයුතු සිදු කරයි. අලුත් හිතවත්කම්වලට මඟ සැලසේ. හදිසි ගනුදෙනුවකට කටයුතු උදා කරන දිනයකි.

වෘෂභ

ගතට සිතට සැනසිල්ල උදා කරයි. මවගේ අසනීපකාරී බවක් සුව අතට හැරෙන බවක් පෙනේ. වගකීමකින් නිදහස උදා කරයි.

මිථුන

යටපත් වූ අසනීපයක් නැවත මතු කරයි. ශාරීරික වෙහෙසීම් බහුල කරයි. පැරැණි හිතවත්කමක් අලුත්වීමට ඉඩ ඇත.

කටක

දේපළ ගැටලුවක් නිරවුල් කර ගැනීමට කටයුතු උදා කරයි. නිතර යෙදෙන ගමන් ගැන සැලකිලිමත් වන්න. වරින් වර ඇති කරන උදරාබාධයකට ප්‍රතිකාර ලබා ගැනීමට සිදුවෙයි.

සිංහ

අවිවේකී ලෙස දවස උදා කරයි. අසල්වැසි මතභේදයක් දුරදිග යයි. අමතර මුදල් වැයවීම් බහුල කරන කටයුතු කීපයක් යෙදේ.

කන්‍යා

උත්සාහවන්තව කටයුතු සිදු කරයි. පැවැති අසහනකාරී බව මඟහැරී යන බවක් පෙනේ. උගත් දෙයින් ප්‍රයෝජන ලබාගත හැකි දිනයකි.

තුලා

පවුලේ අය සමඟ එකමුතුව කටයුතු කිරීමට අවස්ථාව සැලසේ. පැරැණි හිතවත්කමක් අලුත්වන ලකුණු පෙන්නුම් කරයි.ගැටලුවකින් නිදහස්වීමට අවස්ථාව හැකිවන දිනයකි.

වෘශ්චික

වගකීම් බහුල දිනයකි. ගත සිත වෙහෙසා කරන කටයුතු අධික කරයි. මවුපස ඥාතියකුගේ අසනීපයක් වෙනුවෙන් වෙහෙසවීමට සිදුවේ.

ධනු

පවුලේ අය අතර කැපී පෙනෙන කටයුතු කීපයක් යෙදේ. නිතර විනෝදයට බරව කටයුතු සිදු කරයි. රැකියා බලාපොරොත්තුවක් ඉටුකරන දිනයකි.

මකර

ගේ දොර කටයුතුවල වෙනස්කම් කීපයක් සිදු කරයි. උත්සාහයේ තරමට ප්‍රතිඵල අත්නොවන බවක් පෙන්නුම් කරයි. වගකීම් බහුල දිනයකි.

කුම්භ

ගතට සිතට සැනසිල්ල උදා කරයි. දරුවකු පිළිබඳ සතුටට පත්විය හැකි කරුණු කීපයක් යෙදේ. අතමිට මුදල් ගැවසෙන දිනයකි.

මීන

උත්සාහයෙන් කටයුතු සිදු කරයි. තීරණ ගැනීමේ දී දුරදිග සිතා බලන්න. නොගැළපෙන ඇසුරකට සිත යොමු කරයි. ඥාති හිතවතුන්ගෙන් උපකාර හිමිකරයි.