මේෂ

තීරණ වෙනසක්

ගෙවී යන අවුරුද්දේ උදාවන මේ සතිය මිශ්‍රඵලදායක ලෙස ආරම්භ වෙයි. මේෂ ලග්න හිමි ඔබගේ සඳු ග්‍රහයා මේ සතියේ ගමන් කරන්නේ 12,1,2 යන භාවස්ථානවලයි. වෙනදාට වඩා අවිවේකී බවක් ඇති කරන අතර ඇවිදිලි වැඩිකරන අන්දමේ කටයුතු කීපයක් ද සිදුවීමට ඉඩ ඇත. හදිසි තීරණයක් වෙනස් කිරීමට සිදුවෙයි. රැකියාවේ කටයුතු සම්බන්ධ සුබදායක පුවතක් අසන්න ලැබේ. නීති ගනුදෙනුවක් හේතුවෙන් මානසික අසහනය ඇතිකරයි. ප්‍රමාද වූ ණය මුදලක් හිමිවන කාලයකි. සෙම් රෝග බහුල කාලයක් බැවින් ඒ පිළිබඳ අවධානයෙන් පසුවන්න. ලැබීම් අතින් යහපත් කරයි.

අය 07 - වැය 04

ජය අංකය - 04 ජය වර්ූණය - දම්

සුබ දවස - බ්‍රහස්පතින්දා

සිංහ

නොගැළපෙන ඇසුරක්

අවිවේකී ලෙස සතිය උදා කරන කාලයක් වන අතර, මේ සතිය ආරම්භය ඔබට මිශ්‍රඵලදායක බවක් අත්කරයි. මේ සතියේ සඳු ග්‍රහයා ගමන් කරන්නේ 8,9,10 යන භාවස්ථානවලයි. නොගැළපෙන ඇසුරකට කටයුතු සිදු කරයි. එමෙන්ම තමා සොයාගෙන එන කෙනකු නිසා කරදරකාරි බවක් ඇති කරයි. හදිසි අනතුරුදායක තත්ත්වයකට මුහුණ පෑමට සිදුවන කාලයක් හෙයින් එදිනෙදා කටයුතුවලදී කල්පනාකාරී වීම වැදගත් වේ. යුගදිවි කටයුතු වෙනදාට වඩා සාමකාමී ලෙස ගෙවී යයි. සති අන්තයේ දී හදිස්සියේ හට ගන්නා පාදයේ වළලුකර ආශි‍්‍රත ආබාධයකට ප්‍රතිකාර ලබා ගැනීමට සිදු වේ.

අය 05 - වැය 03

ජය අංකය - 09

ජය වර්ූණය - ළා නිල්

සුබ දවස - බ්‍රහස්පතින්දා

ධනු

හදිසි ආදායම් මාර්ගයක්

වෙනදාට වඩා අතමිට මුදල් ගැවසෙන කාලයක් වන අතර, පවුලේ වැඩිහිටියකුගේ කටයුතු වෙනුවෙන් අමතර මුදලක් මෙන්ම කාලයද වැය කිරීමට සිදු වෙයි. මේ සතියේ සඳු ග්‍රහයාගේ ගමන සිදු වන්නේ 4,5,6 යන භාවස්ථානවලයි. ගේ දොර කටයුතු පිළිබඳ විශේෂ වෙනස්කම් කීපයක් සිදු කරයි. නිවෙසේ දානමය කටයුත්තකට සැලසුමක් ඇති කර ගනී. හදිසි ආදායම් මාර්ග කීපයකට හිමිකම් ඇති කරයි. දරුවකුගේ දියුණුවක් දැකිය හැකි කාලයකි. සතිය මැද කාලයේ දී මවුපස ඥාතියකුගෙන් දේපළක් හිමි කරයි. සති අන්තයේදී පවුලේ අයගෙන් ප්‍රශංසා හිමි වන අන්දමේ කටයුතු කීපයක් සිදු කරයි.

අය 07 - වැය 04

ජය අංකය - 05

ජය වර්ූණය - තැඹිලි

සුබ දවස - සිකුරාදා

වෘෂභ

සතුරු කරදරයකින් නිදහස

හිතුමතයට කටයුතු කිරීමෙන් තමාට පාඩු සිදුකරන සතියක් වන අතර මේ සතියේ සඳු ග්‍රහයා ගමන් කරන්නේ 10,11,12,1 යන භාවස්ථානවලයි. ලැබීම් අතින් යහපත් වුවත් වැයපස අධික කරන බවක් පෙන්නුම් කරයි. ගෘහ ජීවිතයේ මෙතෙක් කරගෙන ආ වැඩපිළිවෙළක් වෙනසකට ලක්කරයි. මෙතෙක් පැවැති සතුරු කරදරයකින් නිදහස්වීමට අවස්ථාව උදාකරයි. දරුවකුගේ උසස් අධ්‍යාපනයක් වෙනුවෙන් අමතර වෙහෙසීම් මෙන්ම අමතර මුදල් වැය වීම් ද සිදුකරයි. අජීර්ණ ආබාධයක් හෝ ආහාර විෂවීමක් වැනි අසනීපකාරි බවකින් පීඩා ඇති කරයි. සති අන්තයේදි නොගැළපෙන ඇසුරකට කටයුතු සැලසෙන බවක් පෙන්නුම් කරයි.

අය 06 - වැය 05

ජය අංකය - 04

ජය වර්ූණය - කොළ

සුබ දවස - බ්‍රහස්පතින්දා

කන්‍යා

හදිසි මුදල් ගනුදෙනුවක්

අවිවේකී වුවත් සැලසුම් කීපයක් සාර්ථක කර ගැනීමට සිදු වන සතියක් වන අතර, මේ සතියේ සඳු ග්‍රහයා ගමන් කරන්නේ 7,8,9 යන භාවස්ථානවලයි. මෙතෙක් මඟහැරී තිබූ කටයුතු කීපයක් නැවත ආරම්භ කිරීමේ මඟ සැලසේ. ඥාති හිතවතුන්ගේ උපකාර ඇතිව කටයුතු කීපයක් සාර්ථක කර ගැනීමට හැකි වේ. හදිසි මුදල් ගනුදෙනුවකට අතගැසීමට මඟ සැලසේ. නිතර පදිංචි ස්ථානයෙන් පිට වාසයට කරුණු සැලසෙයි. සතිය මැද කාලයේදී දතක ආබාධයකට ප්‍රතිකාර ලබා ගැනීමට සිදු වේ. පවුලේ කටයුතු සම්බන්ධයෙන් වෙනදාට වඩා සොයා බැලීමක් කළ යුතු කාලයකි.

අය 06 - වැය 05

ජය අංකය - 04

ජය වර්ූණය - දම්

සුබ දවස - බදාදා

මකර

තැන්පත් ධනය වැයවීමක්

මෙතෙක් කරගෙන ආ කටයුතු කීපයකට බාධා ගෙන දෙන අන්දමේ සිදුවීම් කීපයක් සිදුකරන සතියක් වන අතර, මේ සතිය ආරම්භයේදී ඔබේ ලග්නයට අනුව සඳු ග්‍රහයා ගමන් කරන්නේ 3,4,5 යන භාවස්ථානවලයි. සහෝදර මතගැටුමක් දුරදිග යාමෙන් තමා නොසිතූ ගැටලුවකට මුහුණපායි. මේ සතිය මැද කාලයේ දී නොසිතූ ලෙස තැන්පත් ධනය වැය වීමක් සිදු කරයි. වෙනදාට වඩා තමා අලංකාරය වෙනුවෙන් වෙහෙසෙන බවක් පෙන්වයි. නිතර මවගේ කටයුතු හේතුවෙන් වෙහෙසීම් ඇති කරයි. ලේ විෂ වීමක්, ආහාර විෂවීමක් සම්බන්ධ ආබාධයක් ඇති කරයි. අසල්වාසීන්, නෑදෑ හිතවතුන් සමඟ වචන හුවමාරුවේ දී පරිස්සම් වන්න.

අය 06 - වැය 04

ජය අංකය - 05

ජය වර්ූණය - ළා කොළ

සුබ දවස - බදාදා

මිථුන

තනතුරු ලාභයක්

ඉඩකඩම් දේපළ ගැටලුවකින් නිරවුල් කර ගැනීමට කටයුතු සැලසෙමින් සතිය ආරම්භ වන මිථුන ලග්න හිමි ඔබගේ සඳු ග්‍රහයා මේ සතියේ 11,12,1 යන භාවස්ථානවල ගමන් කරයි. නිතර පිනට දහමට ළැදිව කටයුතු කරන කාලයකි. මේ කාලය තුළදී තනතුරු උසස්වීම් රැකියා ලාබ හිමිකම් ලැබෙන බවක් පෙන්නුම් කරයි. නිතර මවුපස ඥාතියකු වෙනුවෙන් කැපවී කටයුතු කිරීමට සිදු වේ. පවුලේ වගකීම් වැඩි කොටසක් තමා පිට පැවරෙන බවක් පෙන්නුම් කරයි. දරුවකු පිළිබඳ සතුටට පත්වීමට හැකි වන අන්දමේ පුවතක් අසන්න ලැබේ. සති අන්තයේදි නොසිතූ ලෙස මුදල් ගනුදෙනුවකින් වංචාවකට හසුවිය හැකි බවක් පෙන්නුම් කරයි.

අය 07 - වැය 05

ජය අංකය - 09

ජය වර්ූණය - තැඹිලි

සුබ දවස - සඳුදා

තුලා

බැඳීම් අලුත් කරයි

පැවැති අසනහනකාරී ගතිපැවතුම් මඟහැරී යන සතියක් වන අතර, මේ සතිය ආරම්භය ඔබට සුබදායක බවක් පෙන්නුම් කරයි. සඳු ග්‍රහයා මේ සතියේ 6,7,8 යන භාවස්ථානවල ගමන් කරනු ලබයි. වෙනදාට වඩා අතමිට මුදල් හිමි කරන කාලයකි. පවුලේ බැඳීම් වැඩි වන අන්දමේ කටයුතු කීපයක් යෙදේ. ආගමික සැලසුමක් වෙනුවෙන් වෙහෙසීම් වැඩි කරයි. එහෙත් සතිය මැද කාලය වන විටදී විවාහ ගිවිස ගැනීමක් කල් දැමීමට සිදු වන බවක් පෙන්නුම් කරයි. පවුලේ බැඳීම් අලුත් වන අන්දමේ කටයුතු කීපයක් සිදු කරයි. සති අන්තයේදී පාදයේ හට ගන්නා ආබාධයකට ප්‍රතිකාර ලබා ගැනීමට සිදු වේ.

අය 06 - වැය 02

ජය අංකය - 02

ජය වර්ූණය - ළා කොළ

සුබ දවස - බ්‍රහස්පතින්දා

කුම්භ

විශේෂ සැලසුමක්

සතිය ආරම්භයත් සමඟ නොසිතූ ගැටලුවකට මුහුණ පෑමට ඉඩ ඇති බැවින් මේ සතිය ආරම්භයේ දී ඔබේ ලග්නයට අනුව සඳු ග්‍රහයා 2,3,4 යන භාවස්ථානවල ගමන් කරයි. විශේෂ සැලසුමකට අතගැසීමට කටයුතු යෙදෙන සතියකි. නිතර තමා සොයාගෙන එන කෙනකු නිසා කරදර ඇති වීමට ඉඩ ඇත. අමතර ලැබීම් හිමි වුවත් වැය පස අධිකයි. පවුලේ වැඩිමහල් දරුවකුගේ කටයුතු හේතුවෙන් මනසට අසහනාරී බවක් ඇති කරයි.

සෙම් රෝග ඇතිවීම් අවදානමක් ඇති වන කාලයක් වන අතර, උගුර ආශි‍්‍රත ආබාධයකට ප්‍රතිකාර ලබා ගැනීමට සිදු වේ.

අය 06 - වැය 03

ජය අංකය - 04

ජය වර්ූණය - ළා දම්

සුබ දවස - බ්‍රහස්පතින්දා

කටක

ප්‍රසිද්ධියට හේතු ඇති කරයි

නිතර වයසින් වැඩි අය සමඟ ඇසුරට කටයුතු සැලසෙමින් සතිය ආරම්භ වන කටක ලග්න හිමි ඔබගේ සඳු ග්‍රහයා 9,10,11 යන භාවස්ථානවල ගමන් කරයි. නිතර ආගමික වැඩසටහන්වලට සම්බන්ධ වීමට අවස්ථාව සැලසෙන කාලයකි. යටපත් වූ අසනීපයක් නැවත මතුවිය හැකි බැවින් කල්පනාකාරී වන්න. භූමි ලාබ, උරුම හිමිකම්වලට ඉඩකඩ ඇති කාලයකි. ඉක්මන් කලබලකාරි වචන පාවිච්චියෙන් ළඟම හිතවතකුගේ දුරස් වීමක් සිදු කරයි. ශාස්ත්‍රීය කටයුතුවලට සම්බන්ධ වීමෙන් තම ප්‍රසිද්ධියට කටයුතු සැලසේ. උගත් දෙයින් ප්‍රයෝජන ලබා ගත හැකි කාලයකි. එමෙන්ම හදිසි ලැබීමකට ද හිමිකම් ඇති කරයි.

අය 07 - වැය 05

ජය අංකය - 04

ජය වර්ූණය - ළා දම්

සුබ දවස - සිකුරාදා

වෘශ්චික

දේපළ ගැටලුවකින් නිදහස්

අතමිට මුදල් ගැවසෙන කාලයක් වන අතර, මේ සතියේ සඳු ගේ ගමන 5,6,7 යන භාවස්ථානවල සිදුවනු ලබයි. දරුවකුගේ උසස් අධ්‍යාපන කටයුත්තක් වෙනුවෙන් අමතර වියදම් වැඩි කරන කාලයකි. පවුලේ අය සමඟ දුර ගමනකට සහභාගි වීමට කටයුතු සැලසේ. පරම්පරාගත දේපළක් සම්බන්ධ මතුව තිබූ ගැටලුවත් නිරවුල් කරයි.

රැකියා ස්ථානයේ ඇතිව තිබූ අසහනකාරී බවකින් නිදහස් වීමට මඟ සැලසේ. වෙනදාට වඩා යන එන ගමන් පිළිබඳ සැලකිලිමත් වන්න. පවුලේ අයගේ උපකාරයක් ඇතිව කටයුතු කීපයක් සාර්ථක කර ගැනීමට හැකි වන සතියකි.

අය 06 - වැය 04

ජය අංකය - 03

ජය වර්ූණය - නිල්

සුබ දවස - බදාදා

මීන

ගුප්ත කටයුතුවලින් පිහිට

වෙනදාට වඩා අවිවේකී බවක් ඇති කරන සතියකි. සඳුගේ ගමන සිදු වන්නේ 1,2,3 යන භාවස්ථානවලයි. විශේෂ හිතවත්කමකට මඟ සැලසෙන සතියකි. මෙතෙක් පැවැති දේපළ ගැටලුවක් නිරවුල් කර ගැනීමට කටයුතු යෙදේ. මවගේ ඥාති සහෝදරයකුගේ උපකාරයක් හිමි කරයි. සතිය මැද කාලයේදී අමතර වියදම් වැඩි කරන මාර්ග කීපයක් යෙදේ. නිතර ගුප්ත කටයුතුවලින් පිහිට පතන බවක් ද පෙන්නුම් කරයි. නිතර පවුලේ අයගෙන් දුරස්ව කටයුතු කිරිමට අවස්ථාව උදා කරයි. වාහන ගමන්, දුර ගමන් පිළිබඳ සැලකිලිමත්වන්න. පෙම් සබඳතාවයක් හේතුවෙන් පවුලේ ගැටලු කීපයක් ඇතිවීමට ඉඩ ඇත.

අය 08 - වැය 07

ජය අංකය - 02

ජය වර්ූණය - නිල්

සුබ දවස - සිකුරාදා