නෙළුම් මල් සිහිනෙන් දැකීම - වාසනාව උදා කරයි. ධනය ලැබේ. සමහරවිට හදිසි ලොතරැයි වාසනා උදාවේ. දුප්පත් අය හදිසියේ ධනවත් වේ.

නෙළුම් මල් බුදුන්ට පූජා කිරීම සිහිනෙන් දුටු විට - අවිවාහකව සිටින විවාහවන වයසේ පසුවන ස්ත්‍රී පුරුෂ සැමට ඉතා ඉක්මනින් විවාහ වීමට භාග්‍යය උදාවේ.

පූජාසනයක් හීනෙන් දැකීම - ඉතා වාසනාවන්ත කාලයක් උදාවේ. සමාජයෙන් ගරු සම්මාන හිමි වේ. අලුත් නිවාස සාදාගනී. ඉතා කෙටි කලකින් ධනවතෙකු වේ.

විදේශ ගමන්යාම සිහිනෙන් දැකීම - ශරීර සෞඛ්‍යයට අහිතකරයි. බෝවෙන රෝග වැලඳේ. ශල්‍යකර්මවලට බඳුන්විය හැකිය. සමහර අයට රෝග උත්සන්න වේ.

පර්වත නැගීම සිහිනෙන් දැකීම - තමන් බලාපොරොත්තුවන කටයුතු ඉටු වේ. රැකියා ලැබේ. විවාහය සිදුවේ.

සිහියෙන් නිය හපනවා දුටුවොත් - හදිසියේ මරණයට පත්වේ.

නින්දා ලැබීම සිහිනෙන් දුටුවොත් - පවුලේ වයස්ගත කෙනෙකු රෝගී වේ.

ගුරුවරයකු ඔබට උගන්වනවා සිහිනෙන් දැකීම - තරගවිභාගවලින් ජය අත් වේ. නුවණ ලැබේ. හොඳ රැකියා ලැබේ. රටතොට ප්‍රසිද්ධ කෙනෙකු වේ.

පැරණි වෙහෙර විහාර හීනෙන් පෙනීම - රැකියාවෙන් උසස් වේ. ධනය ලැබේ. වන්දනා ගමන් යෙදේ. ගෘහ ජීවිතය යහපත් ලෙස ගෙවීයයි.

වැල, වරකා හීනෙන් දුටුවොත් - රැකියා කටයුතුවලින් දියුණුව, ධනය ලැබීම, විවාහ ජීවිතය සාර්ථකව ගතවේ.

රෙදිපිළි සෝදනවා හීනෙන් දුටුවොත් - හිතුවක්කාර ගමන්වලින් අනතුරු සිදු වී කෙටි කාලයක් එක්තැන් වේ. නෑ හිතමිතුරන් නිකරුණේ අමනාප වේ.

අලුත් හිස් වැස්මක් හීනෙන් දැකීම - ඉදිරියේ දී සැප සම්පත් ළඟා වේ. අලුත් නිවසක් තනා එහි පදිංචියට යයි.

කබාය ඉරිලා සිහිනෙන් දැකීම - හිතවතුන්ගෙන් උපකාර ලබයි. ගමන් බිමන්වලදී හදිසි අනතුරු ගෙනදෙයි. දරුවන් හිතුවක්කාර වේ. දරුවන් හිතුවක්කාර වී විවාහ කටයුතු කරගනී.

සපත්තු, මේස් කුට්ටමක් සිහිනෙන් දුටුවොත් - දුරබැහැර ඥාතීන් නිවසට පැමිණේ. විකුණාගැනීමට මෙතෙක් නොහැකි වූ ඉඩම විකුණා ගැනීමට හැකි වේ. පැතුම් ඉටු වේ.

කොස් ගසක ගෙඩි පිරී සිහිනෙන් දැකීම - වෙළඳ ව්‍යාපාරවලින් දියුණු වේ. වාහනයක් මිලදී ගැනීමට අනාගතයේ හැකි වේ. දරු සම්පත් බලාපොරොත්තුවෙන් සිටින තැනැත්තියන්ට වාසනාවන්ත පින්වත් දරුවන් ලැබේ.

දෙල් ගෙඩි සිහිනෙන් දැකීම - ජීවිතයේ මෙතෙක් තිබූ කරදර ඉවත්ව යයි. මංගල යෝජනා ඉටු වේ. නඩු කියූ ඉඩමක් තමන්ට හිමි වේ. දරුවන් විභාගවලින් සමත් වේ.

භික්ෂුණියක් හීනෙන් දැකීම - ජය අත් වේ. පවුලේ සමගිය වර්ධනය වේ. හිතවතියන්ගෙන් උපකාර ලැබේ.

රන්වළලු සිහිනෙන් දුටුවොත් - යහපත් සිහිනයකි. දරුවන්ගේ අධ්‍යාපන කටයුතු සාර්ථක වේ. විවාහ ජීවිතයේ වෙන්ව ගිය සැමියා හෝ බිරිඳ නැවත එක් වේ. විදේශ රැකියා හිමි වේ.