ගජකේෂරී යෝගය, සත්ජකලත්‍ර යෝගය රවි චන්ද්‍ර පාප කර්තරී යෝගය,කේදර යෝගයත්  පඤ්චමහා පුරිස යෝග අතරින් හංස, මාලවි, ශශ ප්‍රබල යෝග බලැතිව චන්ද්‍රගුරු, චන්ද්‍ර කුජ, චන්ද්‍රශුක්‍ර,ත්‍රිකෝණ දෘෂ්ටියෙන් ශනි රවි, ශනිබුධ. චතුර්කෝණ දෘෂ්ටියෙන් රාශි දොළොසටම යෝග ගොන්නක් උදා වෙමින් මෙය ඇරැඹේ.

උත්තරායනය ගී‍්‍රෂ්ම ඍතුවෙහි වෘෂභ, රවි 03 භාග, වෙසක් මහේ අව දියවක තිථිය, මීන රාශිය, කටක නවාංශකය, පුවපුුටුප 04 පාදය මූලාශ්‍රව මැයි 17 කුජ දින පෙරවරු 09.33ට බ්‍රහස්පති හිමි මීන රාශියට භූමිපුත්‍ර අඟහරු සංක්‍රමණය සිද්ධ වෙන්නේය. 

 

නැඟෙනහිර ක්ෂිතිජයෙහි බුධ හිමි මිථුන රාශිය උදාවෙහි කේතු සතුරුව පස්වැන්නේ ද රෝග සතුරු 06 වැන්නේ චන්ද්‍රයා නීචව ද වක්‍ර ප්ලූටෝ සතුරුව 08 වැන්නවූ මෘත්‍ය ස්ථානගතවද සෙනසුරු ස්වක්ෂේත්‍රව මූල ත්‍රිකෝණව 09  වැන්නවූ භාග්‍ය ස්ථානගතවද බ්‍රහස්පති ස්වක්ෂේත්‍රව ද සතුරු උච්චවද නැප්චූන් ස්වක්ෂේත්‍රව මූලත්‍රිකෝණව කුජ මිත්‍රශීලිව 10 වැන්නවූ කර්මස්ථාන ගතව ද රාහු සතුරුව යුරේනස් සමව අය ස්ථානය වූ 11 වැන්නේ ද රවි සතුරුව වක්‍ර බුධ මිත්‍රශීලිව 12 වැන්නවූ ඵලය ස්ථානගතවද යෙදී දේශපාලනික භූමිකාව ප්‍රාණවත්ව සක්‍රීය වේ. මැයි 17 අඟහරු මාරුව වක්‍ර බුධ නීචව 22 වෙනි මාරක දෙර්කාණාධිපති වෙමින් රවි මාන්නාදි ග්‍රහයා ද ගුරු බාධකව ද යෙදී ම ආකූල ව්‍යාකූලව ස්වදේශීය සමඟි සාමශ්‍රීය සඳහා සටන් මෙහෙයවනු පෙනීයයි. 

 

පදිංචි නිවාසය, ඉඩකඩම්, රැකියා ආදායම් මාර්ග කෙරෙහි නව ගමන් මාවතකට ප්‍රවේශවන මීනෙහි කුජ සම්ප්‍රාප්තිය මේෂ රාශි හිමියාට විජයග්‍රාහී ග්‍රහ සංක්‍රමණයකි. දරු දැරියන් පිළිබඳ සතුටුදායක පසුබිමක් නිර්මාණය වන අතර සිතැඟියාවන් ප්‍රාණවත්ව සක්‍රිය වන බවක් නිර්මාණය වෙනු ඇත. 

 

පදිංචි භූමිය නිවාසය මූලික කොටගත්  මතභේද විද්‍යමාන විය හැක. අවහිර බාධක අතරින් දැඩි උත්සාහය, උනන්දුව අනුව රැකියා ආදායම් මාර්ග කටයුතු සමඟ පටන් ගන්නා වැඩ කටයුතු සාර්ථක වෙන බවක් පෙන්නුම් කෙරෙයි. සෙම් කෝප දෝෂ මතු කෙරෙයි. අසල්වැසි ක්‍රෝධ වෛරකාරි උදවිය සමඟ ගැටුම් අරගල තබා ගැනීම අශුභයි. 

 

උදරය, යටිබඩ , කොන්ද, තුනටිය, දණඉස් පාද ආශි‍්‍රතව රුදා වේදනා, දැවිලි,පිච්චීම්, ඉදිමුම් අවහිර ඇති වීමට හේතු සාධක පෙන්නුම් කෙරේ. ශාරීරික අප්‍රාණික බව, නිදිමත, ක්ලාන්තය, රැකියා ආදායම් මාර්ග කෙරෙහි බාධක, අවහිර දුෂ්කරතා මතු කෙරෙයි. භූත පේ‍්‍රත, ආත්ම දෝෂයන් පෙනෙයි. ආරම්භකිරීමට සැලසුම් කර ඇති කටයුතු බොහෝ දුරට සාර්ථක කෙරෙයි. 

 

සමාජශීලි සුබසාධන ක්‍රියාවන් කෙරෙහි අනුග්‍රහය දක්වයි. ආගමික සේවාවන් කෙරෙහි සිත නිතර මෙහෙයවයි. පවුලේ කටයුතු සාර්ථක කර ගනු ලබයි. සතුරන් අභිභවා අභියෝග ජයගනු ලබයි. පදිංචි භූමිය , නිවාසය, ආශි‍්‍රතව අලුත්වැඩියා කෙරෙයි. රැකියා ආදායම් මාර්ග සාර්ථක කරගනු ලබයි. 

 

සතුරන් මර්දනය කරමින් ඉදිරියටම ගමන් කරයි. භූත පේ‍්‍රත ආත්ම දෝෂයි. අභිරහස් කුමන්ත්‍රණ කලඑළි වෙයි. බුද්ධිමත්ව දූරදර්ශීව නව ජීවින ගමන් මඟකට පිවිසෙනු ඇත. හිතමිතුරන් ඇසුර සතුටුදායකයි. ආදායම් මාර්ග විවිධත්වයකින් සාර්ථක බවක් පෙන්නුම් කරෙනු ඇත. 

 

මංගල කටයුතු, රැකියා ආදායම් මාර්ග, සතුටුදායක බවක් ගනු ලබයි. පදිංචි ස්ථානයෙහි සමාරම්භක කටයුතු ප්‍රාණවත් බවක් ගනු ලබයි. ධර්ම ශාස්ත්‍රිය දියුණුවක් ගෙන දෙයි. දූදරු දැරියන්ගේ අනාගත වගකීම් ඉතා සාර්ථකව කෙරෙයි. සමාජශීලි කටයුතු සාර්ථක ලෙස නිම කෙරෙයි. අධ්‍යාපන කටයුතු විජයග්‍රහණය කරයි. 

 

 කලක සිට පැවැති අභිමාතාර්ථයන් සඵල වෙන ග්‍රහ මාරුවකි. සොර සතුරන් අභිභවා අභියෝග මැඬලනු ඇත. අලංකාරය වටපිටාවක් නිර්මාණය කරනු ලබයි. දෙස් විදෙස් ගමන් බිමන් යෙදෙයි. රැකියා ආදායම් මාර්ග, කොන්ත්‍රාත් සාර්ථක කෙරෙනු ඇත. සබඳතා, මංගල කටයුතු, ඉදිකිරීම්, සමාජශීලි, සේවා සතුටුදායක කර ගනු ලබයි.

 

අප්‍රතිහත ධෛර්යයෙන් නොපසුබට උත්සාහයෙන් ආරම්භක කටයුතු ඔස්සේ නව දැක්මකින් කියා කරනු ලබයි. පදිංචි භුමිය ඉඩම ආශි‍්‍රත සේවා කාර්යභාරයන් කෙරෙහි වේගවත් බවකින් යුතු ක්‍රියාවන් සිදුකරනු ලබයි. දියුණුව භාග්‍යය පිළිබඳ සිතැඟියාවන් මල්ඵල ගන්වනු ලබයි. අධ්‍යාපනය, දූ දරුවෝ පිළිබඳ විශේෂ අවධානය යොමු කෙරෙනු ඇත. 

 

පේ‍්‍රම සබඳතා, විවාහය, පිළිබඳ තීරණ, තීන්දු, බාධා, අවහිර බවක් උසුලනු ඇත. මුහුණ උරහිස් පපුව, උදරය, යටිබඩ, කොන්ද, තුනටිය, ආශි‍්‍රත රුදා දැවිලි ,පිච්චිලි, ඉදිමුම් දෙගුණ කරෙයි. සෙම්පිත් දෝෂයි. නිදිමත ක්ලාන්ත ගති මතු කරයි. උත්සාහය උනන්දුව සාර්ථක වෙයි. ජීවිතය පිළිබඳ යථාර්ථවාදිව සිතීමට මං විවර කෙරෙයි. විශ්ව කිරණ අවබෝධ කරගනු ලබයි. දියුණුවට බාධක කෙරෙන ආත්ම දෝෂ සහිතයි. 

 

නිර්මාණශීලි ක්‍රියාකාරකම් සමඟ සිතැඟියාවන් අතිශය සාර්ථක කෙරෙයි. අභියෝග ඉදිරියෙහි නොසැලී ක්‍රියාකරයි. රැකියා ආදායම් මාර්ග,විවාහ සබඳතා කටයුතු සාර්ථක කරගැනීමෙහි දැඩි ප්‍රවණතාවයකින් ක්‍රියාත්මක වෙනු ඇත. ආත්ම දෝෂයක මෙන්ම සෙනසුරු ගෝචර ලෙස ඒරාෂ්ටක බලපෑමක් ද යෙදෙයි. වර්තමානයෙහිදී බුද්ධිමත්ව දූරදර්ශීව සමාජගත ක්‍රියාකාරකම්හි යෙදීම බුද්ධි ගෝචර වෙයි. 

 

බොහෝදුරට තිරසර කාර්යභාරයන් සාර්ථක කර ගැනීමෙහි දැඩි උත්සාහයක යෙදෙනු ඇත. පදිංචි ස්ථානය/භූමිය කෙරෙහි යම් යම් බාධක අවහිර දුෂ්කරතා මතු කෙරනු පෙනෙයි. රෝගා බාධක මෙන්ම සොර සතුරු බලවේග මතු කෙරෙන විෂම කාලපරාසයකි. ආරම්භක කටයුතු අවසානයට දක්වා කරගෙන යනු ලබයි. 

 

ආත්මය පුරාවට බාධක අවහිර මැඬගෙන ආ පරිදිම අනාගත අරමුණු මල්පල ගැන්වීමෙහි ලා කුජ මීනයෙහි සංක්‍රමණය අතිශය වැදගත් වෙයි. සබඳතා, විවාහය සාර්ථක කරෙයි. පදිංචි භූමිය නිවාසය මූලික කොටගත් සතුරෝ පරජය වෙති. අභියෝගාත්මක සියල්ල මැඬගෙන අනාගත සැලසුම් සාර්ථකව ක්‍රියාත්මක කිරීමෙහි ජවයක් ලැබෙයි.