සුබසෙත පුවත්පතට වසර 50 සපිරීම නිමිත්තෙන් 2019 සැප්තැම්බර් 29 ඉරිදා දින සවස 6.00 සිට බෙල්ලන්විල රාජමහා විහාරස්ථානයේ දී ආශිර්වාද පූජාවක් සිදු කෙරිණි. විහාරාධිපති බෙල්ලන්විල ධම්මරතන හිමිපාණන්ගේ උපදෙස් පරිදි විහාරාධිකාරී බොරලැස්ගමුවේ පේමරතන හිමියන්ගේ මඟ පෙන්වීම මත ආශීර්වාද පූජාව මෙහෙයෙවුවේ උඩුගලකන්දේ ආරියරතන හිමියන් විසිනි. ප්‍රවීණ ඡ්‍යොතිෂවේදී ගුප්ත විද්‍යා විශාරද ආචාර්ය චන්දන සතරසිංහ මහතා විසින් නවග්‍රහ පූජාව සිදු කරනු ලැබිණි. මෙම වැඩසටහනේ ප්‍රචාරණ කටයුතු සිදු කරමින් හයිබ්‍රෝ ලංකා කැනෆි ආයතනයේ අධිපති වසන්ත කුරුප්පු ආරච්චි මහතා දායක වූ අතර ආයුර්වේද වෛද්‍ය උපුල් පි‍්‍රයශාන්ත මහතා විසින් බෝධිපූජා පින්කමේ දායකත්වය දරණ ලදී. ඓතිහාසික බෙල්ලන්විල රාජමහා විහාරස්ථ ලේකම්වර ලසන්ත රත්නායක මහතා දැක් වූ සහයෝගය ද අප අගය කොට සලකමු.

ඡායාරූප - රංජිත් අසංක