මේෂ- දේපළ ගැටලුවක් නිරවුල්

ලැබීම් අතින් යහපත් වුවත් වැයපස අධික කරන සතියක් වන අතර, මේ සතියේ ඔබගේ ලග්නයට අනුව සඳු ග්‍රහයා 8,9,10,11 යන භාවස්ථානවල ගමන් කරයි. සැනසිලිදායක ලෙස ආරම්භ වුවත් මේ සතිය මැද කාලය වන විටදී පවුලේ අර්බුදයක් දුරදිග යාමෙන් ගැටලු කීපයක් පැන නැගීමට ඉඩ ඇත. නිතර යෙදෙන ගමන් බිමන් පිළිබඳ වෙනදාට වඩා කල්පනාකාරී වන්න. හදිසි තීරණ කීපයක් හේතුවෙන් තමාට අවාසිදායක තත්ත්වයක් ඇති කරයි. පරම්පරාගත දේපළක් සම්බන්ධ පැවැති ගැටලුවක් නිරවුල් කර ගැනීමට මඟ සැලසේ. පවුලේ උත්සව අවස්ථාවක් වෙනුවෙන් අමතර මුදලක් වැය කිරීමට සිදුවන සතියකි.

අය 07 - වැය 06

ජය අංකය - 09

ජය වර්ූණය - ළා නිල්

සුබ දවස - බදාදා

සිංහ - තැන්පත් ධනය වැයවීමක්

අවිවේකී වුවත් සැනසිලිදායක ලෙස සතිය ගෙවීමට හැකිවන අතර මේ සතියේ සඳුගේ ගමන සිදුවන්නේ 4,5,6,7 භාවස්ථානවලයි. ඉක්මන් තීරණ තමාට අවාසිදායක තත්ත්වයක් ඇති කරයි. නිතර ඇවිදිලි වැඩි කරන සතියක් වන අතර සතිය මැද කාලයේදි පදිංචිය සම්බන්ධ ගැටලුවක් මතුවීමට ඉඩ ඇත. ළඟම ඥාති සහෝදරයකු වෙනුවෙන් උදව් උපකාර කිරීමට මඟ සැලසේ. තැන්පත් ධනය වැයවන අන්දමේ කටයුතු කීපයක් සිදුවීමට ඉඩ ඇත. ආගමික සැලසුමක් වෙනුවෙන් වෙහෙසීම් ඇති කරන කාලයකි. සති අන්තයේදී නොසිතූ ලෙස අලාභයක් සිදුවීමට ඉඩ ඇති බැවින් කල්පනාවෙන් පසුවන්න.

අය 07 - වැය 05

ජය අංකය - 04

ජය වර්ූණය - ළා දම්

සුබ දවස - සඳුදා

ධනු -දරුවකුට අතහිත

පවුලේ කටයුතු සම්බන්ධ තීරණ ගැනීමේදී දුරදිග සිතා බලන්න. වෙනදාට වඩා අතමිට මුදල් ගැවසෙන අන්දමේ කටයුතු කීපයක් යෙදේ. ශාස්ත්‍රීය කටයුතුවලින් තමා නොසිතු ලාභයක් අත්කරයි. අඹුසැමි සුහදතාවයට බාධාකාරි ලෙස කටයුතු කීපයක් යෙදේ. දරුවකුගේ ඉදිරි සැලසුමක් වෙනුවෙන් අතහිතදීමට කටයුතු සැලසේ. හදිසි ගනුදෙනුවක් හේතුවෙන් වාසි කීපයක් සැලසෙන සතියකි. යටපත් වූ අතක ආබාධයක් නැවත මතුවීමෙන් ගැටලු කීපයක් මතුකරයි. පොළොව සම්බන්ධව කටයුතුවලින් වාසි සැලසෙන සතියකි. සති අන්තයේදි පවුලට අලුත් සාමාජිකයෙක් එක්වන බවක් පෙන්නුම් කරයි.

අය 07 - වැය 05

සුබ දවස - බ්‍රහස්පතින්දා

වෘෂභ-අතමිට මුදල් ගැවසේ

පැරණි හිතවත්කමක් අලුත්වන සතියක් වන අතර මේ සතියේ සඳු ග්‍රහයා ගමන් කරන්නේ 7,8,9,10 යන භාවස්ථානවලයි. පවුලේ වගකීම් පැහැර හැරීමක් සිදුවීමෙන් ගැටලු කීපයක් දුරදිග යාමට ඉඩ ඇත. වෙනදාට වඩා අතමිට මුදල් ගැවසුනත් වැයපස අධික වන සතියකි. රාත්‍රි ගමන් බහුල කාලයක් වන අතර තමා සතු දෙයක් නැතිවීමට ඉඩ ඇති බැවින් ඒ පිළිබඳ අවධානයෙන් කටයුතු කරන්න. හදිස්සියේ සිදුවන වාහන ගනුදෙනුවක් හේතුවෙන් අතමිට මුදල් ගැවසෙන බවක් පෙන්නුම් කරයි. විදෙස් ගමන් අපේක්ෂාවෙන් සිටින අයට සුබදායක කාලයකි.

අය 06 - වැය 04

ජය අංකය - 02

ජය වර්ූණය - කහ

සුබ දවස - බදාදා

කන්‍යා -වගකීම් පැහැර හැරීමක්

නිතර තම වාසිය වෙනුවෙන් කටයුතු සිදුකර ගන්නා කාලයක් වන අතර, මේ සතියේ සඳු ග්‍රහයා ගමන් කරන්නේ 3,4,5,6 යන භාවස්ථානවලයි. විශ්වාසය බිඳ වැටීමක් හේතුවෙන් සිතේ නොසන්සුන්තාවයක් ඇති කරයි. නිතර තමා හමුවට එන කෙනකු නිසා නොසිතූ ආරවුලකට පැටලීමට ඉඩ ඇත. සතිය මැද කාලයේදී පවුලේ අයගෙන් දුරස්ව කටයුතු කිරීමට සිදුවන බවක් පෙන්නුම් කරයි. රැකියාවේ කටයුතු සම්බන්ධ තීන්දු තීරණ ගැනීමේදි දුරදිග සිතා බලන්න. වරින් වර ඇතිකරන අජීර්ණ ආබාධයකට ප්‍රතිකාර ලබා ගැනීමට සිදුවන සතියකි. වගකීම් පැහැර හැරීමක් සිදුවීමෙන් පවුලේ ගැටලු කීපයක් දුරදිග යාමට ඉඩ ඇත.

අය 06 - වැය 05

ජය අංකය - 07

ජය වර්ූණය - කොළ

සුබ දවස - බ්‍රහස්පතින්දා

මකර - නීති ගැටලුවකට මැදිවේ

වෙනදාට වඩා අවිවේකී බවක් ඇති කරන සතියක් වන අතර මේ සතියේ සදු ග්‍රහයා 11,12,1,2 යන භාවස්ථානවල ගමන් කරයි. මෙතෙක් කරගෙන ආ වැඩපිළිවෙළක් වෙනසකට ලක්කරන සතියකි. නොසිතූ ලෙස පවුලේ අයගෙන් වෙන්ව කටයුතු කිරීමට සිදුවේ. හදිසි ගනුදෙනුවක් හේතුවෙන් සිතේ නොසන්සුන්තාවයක් ඇති කරයි. මවුපස ඥාතියකු නිසා ඇතිවන සිත් අමනාපකමක් දුරදිග යන ලකුණු පෙන්නුම් කරයි. උත්සාහයේ තරමට ප්‍රතිඵල නොලැබෙන කාලයකි. නීති ගැටලුවකට මැදිවීමට ඉඩ ඇති කාලයක් බැවින් ඒ පිළිබඳ අවබෝධයෙන් කටයුතු කරන්න.

අය 06 - වැය 04

ජය අංකය - 02

ජය වර්ූණය - නිල්

සුබ දවස - සඳුදා

මිථුන-හදිසි වැටීම් තැළීම්

හිතුවක්කාර තීරණයක් හේතුවෙන් සිතේ සැනසුම අඩුකරන සතියක් වන අතර, මේ සතියේ සඳු ග්‍රහයා 6,7,8,9 යන භාවස්ථානවල ගමන් කරයි. රැකියාවේ කටයුතු සම්බන්ධ තීරණ ගැනීමේදී දුරදිග සිතා බැලිය යුතු කාලයක් වන අතර, මෙතෙක් කරගෙන ආ රැකියාවක් අතර මඟ නවතා දැමීමට සිදුවන ලකුණු පෙන්නුම් කරයි. හදිසි වැටීම් තැළීම් වැනි අනතුරුදායක තත්ත්වයකට මුහුණදීමට සිදුවිය හැකි කාලයකි. වරින්වර ආගමික වැඩසටහන්වලට සම්බන්ධවීමට අවස්ථාව සැලසේ. යටපත් වූ උදරබාධයක් නැවත මතුවන ලකුණු පෙන්නුම් කරයි. නිතර පිනට දහමට ලැදිව කටයුතු කරන කාලයකි.

අය 06 - වැය 04

ජය අංකය - 04

ජය වර්ූණය - දම්

සුබ දවස - සිකුරාදා

තුලා - චර්ම ආබාධයක්

මෙතෙක් ප්‍රමාදවෙමින් පැවැති යෝජනා ස්ථිරවීමක් සාර්ථක කරන සතියක් වන අතර මේ සතියේ ඔබේ කේන්දරයට අනුව සඳු ග්‍රහයා 2,3,4,5 යන භාවස්ථානවල ගමන් කරයි. වෙනදාට වඩා අතමිට සරු කරන සතියකි. පිය පාර්ශ්වයේ ඥාතියකු වෙනුවෙන් උපකාරයක් කිරීමට කටයුතු සැලසේ. පරම්පරාගත දේපළක් සම්බන්ධ මතුව තිබූ ගැටලුවකින් නිරවුල්වීමට අවස්ථාව සැලසේ. දරුවකුගේ උත්සව අවස්ථාවක් වෙනුවෙන් දවසින් වැඩිකාලයක් වැඩිකරයි. ජලය සම්බන්ධ කටයුතුවලින් පරිස්සම් වීම වැදගත් වන කාලයක් වන අතර සෙම් කෝප කරන ආහාර පාන ගැනීමෙන් වැළැකී සිටීමට යහපත් වේ.

අය 07 - වැය 05

ජය අංකය - 09

ජය වර්ූණය - කහ

සුබ දවස - සිකුරාදා

කුම්භ -අලුත් රැකියා ලාබ

නිතර ඇසුරු කරන අයකු නිසා කටයුතු කීපයක් සාර්ථක ලෙස නිමාකර ගැනීමට හැකිවන සතියක් වන අතර මේ සතියේ සඳු ග්‍රහයා ගමන් කරන්නේ 10,11,12,1 යන භාවස්ථානවලයි. වෙනදාට වඩා ආගම දහමට ළැදිව කටයුතු කරන සතියකි. අලුතින් දැන හඳුනාගත් ඥාතීන් අතර සුහදතාවයට වර්ධනය වන අන්දමේ කටයුතු කීපයක් සිදු කරයි.අමතර ලැබීම්වලට හිමිකම් ඇති වුවත් වැයපස අධික වන බවක්ද පෙන්නුම් කරයි. ශාස්ත්‍රීය කටයුත්තකට අතගැසීමට සුදුසු කාලයක් වන අතර අලුත් රැකියා හිමිකමක් පිළිබඳ බලාපොරොත්තුවක්ද ඉටුකරයි. සති අන්තයේදී සෙම් රෝගයක් හේතුවෙන් පීඩාකාරි බවක් ඇති කරයි.

අය 07 - වැය 08

ජය අංකය - 04

ජය වර්ූණය - කොළ

සුබ දවස - බ්‍රහස්පතින්දා

කටක -නීති පිහිට පතයි

ඉක්මන් කලබලකාරී ගතිපැවතුම් තමාට අවාසිදායක තත්ත්වයක් ඇති කරන සතියක් වන අතර මේ සතියේ ඔබේ ලග්නයට අනුව සඳුගේ ගමන සිදුවන්නේ 5,6,7,8 යන භාවස්ථානවලයි. දරුලාබ හිමිකම් ඇති කාලයක් බැවින් ඒ පිළිබඳ සැලකිලිමත් වන්න. නිතර පිනට දහමට ළැදිව කටයුතු කරන කාලයක් බව පෙනේ. අමතර ආදායම් මාර්ග කෙරෙහි සිත යොමුකරන කාලයකි. සතිය මැද කාලයේදී පදිංචිය සම්බන්ධ ගැටලුවකට මුහුණ පෑමට සිදුවේ. නොසිතූ ලෙස මුදල් වැයවීම් වැඩිකරයි. දරුවකුගේ හිතුවක්කාර කටයුතු කීපයක් හේතුවෙන් නීතියේ පිහිට පැතීමට සිදුවේ.

අය 08 - වැය 07

ජය අංකය - 07

ජය වර්ූණය - කොළ

සුබ දවස - බදාදා

වෘශ්චික-බාහිර අලංකාරයට මුල්තැන

වගකීම් බහුල කරමින් ආරම්භ වන මේ සතියේ වෘශ්චික ලග්න හිමි ඔබගේ කේන්දරයේ සඳු ග්‍රහයාගේ ගමන සිදුවන්නේ 1,2,3,4 යන භාවස්ථානවලයි. නිතර තමා සොයාගෙන එන කෙනකු නිසා කරදරකාරී බවක් ඇති කරයි. යටපත් වූ සෙම් රෝගයක් නැවත මතුවීමට ඉඩ ඇති කාලයකි. හදිසි ආදායම් මාර්ගවලට ඉඩ සැලසුනත් ඒවා එතරම් දුරට සාර්ථක නොකරයි. අලුත් ව්‍යාපාරයකට අත තැබීමට යහපත් කාලයකි. නිතර බාහිර අලංකාරය පිළිබඳ වෙහෙසෙන බවක් පෙන්නුම් කරයි. රාත්‍රී ගමන් බහුලවන කාලයකි. මවට හෝ මවුපස ඥාතියකුට අපලසහගත බවක් පෙනේ. සති අන්තයේදී වාහන ගනුදෙනුවක් හේතුවෙන් මතුවන ගැටලුවක් දුරදිග යයි.

අය 08 - වැය 04

ජය අංකය - 09

ජය වර්ූණය - ළා රෝස

සුබ දවස - ඉරිදා

මීන-පවුලේ උත්සවයක්

මෙතෙක් පැවැති වගකීමකින් නිදහස අත්කරන සතියක් වන අතර මේ සතියේ සඳු ග්‍රහයාගේ ගමන සිදුවන්නේ 9,10,11,12 යන භාවස්ථානවලයි. වෙනදාට වඩා යන එන ගමන් පිළිබඳ සැලකිලිමත් වන්න. පවුලේ කටයුතු පිළිබඳ තීරණ ගැනීමේදී දුරදිග සිතා බලන්න. පවුලේ උත්සව අවස්ථාවකට කටයුතු සැලසෙන සතියකි. සතිය මැද කාලයේදී පපුව ආශි‍්‍රත හෝ අතක හටගන්නා වේදනාවක් හේතුවෙන් රෝහල් ගතවීමක් සිදුකරයි. දුර ඥාතියකුගේ හමුවීමක් හේතුවෙන් මතුවන ගැටලුකාරි බවක් දුරදිග යයි. අලුත් රැකියා ලාබ හිමිකම් ඇති කාලයකි. පවුලට අලුත් සාමාජිකයෙක් එක්වන ලකුණු පෙන්නුම් කරයි.

අය 06 - වැය 03

ජය අංකය - 09

ජය වර්ූණය - තැඹිලි

සුබ දවස - සිකුරාදා

ධම්මිකා රාජපක්ෂ