ධනු රවිය වියදම් අධික කාලයක්

විදේශීය බලපෑම් ඇති වේ

මේ මස 28 වැනි දින පස්වරු 5.26ට බුධ ග්‍රහයා මකර රාශිගත වන්නේය. පසුව දෙසැම්බර් 29 පස්වරු 3.03ට බුධ වක්‍රය සිදු වන අතර 30 වැනි දා පස්වරු 9.56ට නැවත ගුරු හිමි ධනු රාශියට පැමිණෙන්නේය. 29 දාම පස්වරු4.03ට සිකුරු ද මකර රාශි ගත වන්නේ නව ග්‍රහ පෙරළියක් සෞරග්‍රහ මණ්ඩලයේ ජනිත කරමිනි.

මෙදිනම රාත්‍රී 07.29ට වසරේ අවසන් ග්‍රහ යුද්ධය වන බුධ සිකුරු ද්වන්ධ සටන සෞරග්‍රහ මණ්ඩලයේ ඇති වන්නේ සිකුරු පරදා බුධට සුවිශේෂී ජයක් අත්කර දෙමිනි. මේ අතර අද ධනුවට පිවිසි රවි ග්‍රහයා ලබන මස 14 තෙක් ධනුවේ රැදී සිටින්නේ වසරේ අවසන් කෝණ මාසයේ උදාව සනිටුහන් කරමිනි. මේ අනුව සෞරග්‍රහ මණ්ඩලයේ රවි, බුධ,සිකුරු ග්‍රහයින් ධනු හා මකර රාශි ආශ්‍රිතව විස්මිත ග්‍රහ පෙරළියක් ඇති කරමින් 2023 නව වසර උදාවන බව පෙනේ.

මෙම ග්‍රහමාරු දෙස බැලීමේ දී පෙනී යන්නේ, සමඟිය, සමාජ සාධාරණත්වය මානවයාගේ උරුම හිමිකම් ළඟා කෙරෙන කාලයක උදාව බවයි. රාජ්‍ය යාන්ත්‍රණයෙහි ලා නව මුහුණුවරක් නිර්මාණය වන අතර යම් යම් දුෂ්කරතා මතු වුව ද සාමාන්‍ය පොදු ජනතාවට සහන සැලසෙන කාලවකවානුවක් බව නොකියා බැරිය. සොබාදහමේ විපත් ද වරින් වර වෙනස්කම්වලට බඳුන්වන බවක් පෙනෙයි.

මෙකී කාලසීමාවේ සාමකාමීව බුද්ධිමත්ව දුරදක්නා නුවණින් යුතුව කටයුතු කිරීම සමස්ත ජනතාවගේම යහපතට හේතුවන බව පැවැසිය හැකිය.

2023 ජනවාරි මස 14 තෙක් බලපාන බුධ සංක්‍රමණය ආශි‍්‍රතව දෙසැම්බර් 20 ගුරු දින පස්වරු 03.30ට සිදුවන බුධ වක්‍රය ඔබේ ලග්නයට බලපාන්නේ මෙසේ ය.

මේෂ ලග්නය

පෙර ආත්මයන්හි පින පලදෙන අතිශය ප්‍රශස්ත යෝග පොකුරකින් වසර අවසානය මෙන්ම සමාරම්භය සිදුවෙයි. හවුල් කටයුතු, ගෘහ ජීවිතය ආශි‍්‍රත ආකූල ව්‍යාකූල බවක් ද නිර්මාණය කෙරෙයි. සමාරම්භක කාර්යයන් සාර්ථක කෙරෙයි. තැම්පත් ධනය තැම්පත් දේපළ වස්තුව ගසා කෑමක් බොහෝ දුරට සිදුවිය හැක. ආත්ම ගෞරවය කෙළෙසා දමන දුර්ජන පිරිසක් ඔබ පසුපස හමා එනු පෙනීයයි.

වෘෂභ ලග්නය

යටපත් වූ සහ අවබෝධයට නොපැමිණි වැදගත් ක්ෂේත්‍ර ගණනාවකම දිග ඇරීමක් සිදුවෙයි. නිලධාරිවාදය ඔබගේ පෞද්ගලික රැකියා ආදායම් මාර්ග කෙරෙහි අසීමිත බලපෑම් එල්ල කරනු ලබයි. යුගකාලීන දුර්ජන අවස්ථාවන් වෙයි. පෞද්ගලික ව්‍යාපාරික කාර්යභාරයන් දියුණුකරගත හැකි සුන්දරතම කාල පරාසයකි. ඔබගේ ධෛර්ය ශක්තිය ප්‍රබල කෙරෙමින් ආර්ථිකය උසස් අවස්ථාවකට පාත්‍ර කරගත හැකි බවක් පෙනී යයි.

මිථුන ලග්නය

උදරාබාධ දෝෂ මත ශාරීරික මෙන්ම මානසික දුර්වලතා ඉස්මතු කෙරෙයි. හවුල් ව්‍යාපාර කටයුතු මෙන්ම ගෘහ ජීවිතයද සාර්ථකත්වයට පාත්‍ර කෙරෙනු ඇත. පෞද්ගලික ව්‍යාපාර මෙන්ම ආරම්භ සමාජගත ක්‍රියාදාමයන්ද දියුණුවට පාත්‍ර කෙරෙනු ඇත. කලක සිට අරමුණු කළ උසස්වීම් විජයග්‍රහණද සතුටුදායක බවකට පාත්‍ර කෙරෙයි. පදිංචි ස්ථානගතව ගැටලු මතු කරයි.

කටක ලග්නය

ශනීගෙන් සස යෝග බලය ඇතුළුව රාජයෝග පොකුරක් බුධගේ ධනු රාශි සංක්‍රමණයෙන් චන්ද්‍රයා හිමි කටක රාශියට ද බලපැවැත්වෙනු ඇත. අශුභවාදී ලෙස ස්ත්‍රීන්ගෙන් නින්දා, අපහාස, චෝදනා එල්ලවිය හැකි කාලයකි. සතුරු බලපෑම් ද එල්ලවිය හැක. යුගදිවිය, ගෘහ ජීවිතය යහපත් වේ. රැකියා ආදායම් මාර්ග දියුණු වේ. අලුතෙන් ආරම්භ කරනු ලබන කාර්යයන් දියුණුවට පත්වනු ඇත.

සිංහ ලග්නය

යටපත්ව පැවැති රෝගාබාධක උත්සන්නවීමේ අවස්ථා උදාවිය හැක. විවිධ බාධක අවහිර දුෂ්කරතා මර්දනය කෙරෙමින් ක්‍රියාකාරීවෙයි. අයුක්තිය අසාධාරණය හමුවෙයි කේසර සිංහරජෙක් මෙන් ඉදිරිපත් වෙයි. ආරම්භක කටයුතු අවසානය දක්වා කරගෙන යයි. ව්‍යාපාරික සේවා පෞද්ගලිකව උසස්ම දියුණුවක් කරාගෙන යනු ලබයි. මන්දගාමී නොවන සුළු ක්‍රියාශීලී කාර්යයභාරයක් ඉටු කරන්නෙකු වෙයි. සාර්ථකත්වය හමුවෙහි විජයග්‍රහණය කරයි.

කන්‍යා ලග්නය

රාජ්‍යමය ප්‍රතිලාභ ගලා එන තනතුරු ගලා එන කාලපරාසයකි. සබඳතා මංගල කටයුතු සාර්ථක බවට පාත්‍ර වෙයි දූ දැරියන්ගේ අධ්‍යාපනය සාර්ථකවෙයි. පෞද්ගලික ව්‍යාපාර දියුණු කරගනු ලබයි. භූගත වස්තු ළඟා කෙරෙයි. ධනය, බලය දියුණුවෙයි. මන්දගාමී ස්වභාවය මඟ හැරෙයි. ඥාති හිතෛෂි සබඳතා වැඩිදියුණු වෙයි. අඩු ආදායම්ලාභී ජීවන රටාව පෞද්ගලිකව උසස් දියුණුවක් කරා පාත්‍ර කෙරෙනු ඇත.

තුලා ලග්නය

අභිනවයෙන් හෝ පවත්වාගෙන යනු ලබන ව්‍යාපාර හෝ ආදායම් මාර්ග කටයුතුවල යම් යම් ගැටලු මතුවිය හැකි වුවත් බාධා මඟ හැර ගනිමින් රැකියා ආදායම් මාර්ග ව්‍යාපාරික කටයුතු සාර්ථකත්වයට පත් කර ගනියි. ආගම දහමට මෙන්ම සමාජශීලී කාර්යයන් කෙරෙහි නිතර සිත ඇදෙයි. බාහිර විනෝදාත්මක මෙන්ම හදිසි ලැබීම් ආශි‍්‍රත පැතිකඩයන් ද ශුභවාදී වෙයි. ඥාති සබඳතා අලුත්වීම මෙන්ම උත්සව, සංග්‍රහ ආදියට ආරාධනා ලැබෙන කාලයකි.

වෘශ්චික ලග්නය

හවුල් කටයුතු, ගෘහ ජීවිතයෙහි සබඳතා ආශි‍්‍රත දැඩි නොසංසුන් ස්වරූපයක් මත් කෙරෙයි. විවාහ අධ්‍යාපනික අංශ ආශි‍්‍රත සතුටුදායක බවක් ඉස්මතු කෙරෙයි. පදිංචි ස්ථානය ආශි‍්‍රතව සොර සතුරු ප්‍රශ්න ද සමාරම්භක කටයුතු කෙරෙහි මන්දගාමී බවද ක්‍රියාත්මක වෙන බවක් පෙනී යයි.

ධනු ලග්නය

රාශි දොළසෙන්ම ධනු රාශියට පමණක් සස යෝග බලය උදාකරවමින් ගුරු හංස යෝග බලය ද කුජ දීප්ත යෝග බලය ද ආදී රාජයෝග පොකුරක් ධනු රවියෙහි උදාවීමෙහි බුධ ධනුවට සංක්‍රමණය වැදගත් වෙන්නේ ය. සියලු ආකාර ලැබීම් යටපත් කෙරෙමින් කේතු 11 වැන්නෙහි යෙදීමද මාන්දි ග්‍රහයා සිකුරුවීමද 6 - 11 අධිපති සිකුරු වෙමින් 02 වැන්නෙහි ප්ලූටෝ සෙනසුරු සංයෝග බලයද කුජ, ශනි, ගුරු, ශනි සංයෝග බලයද ෂඩ්කෝණ දෘෂ්ඨියෙන් යෙදී ඇත. මේ අනුව රැකියා ආදායම් මාර්ග සබඳතා විවාහය, ගෘහ ජීවිතය ව්‍යාපාරික සේවා මන්දගාමී විය හැකි වුවද භාග්‍යමත් යෝග පොකුරක්ම ධනු රාශි හිමියනට උදාව ජනවාරි 16 තෙක් පවතින බැව් සිහි තබාගත යුත්තෙකි.

මකර ලග්නය

පංච මහා පුරුෂ යෝග අතුරින් සස යෝගබලය ඇතුළුව පොකුරු රාජයෝග රැසක් උදාව පවතී. රැකියා ආදායම් මාර්ගයන්හි හැහැප්ලිලි ඇතිවිය හැකි ය. නාමික, නිර්ණාමික හෝ සතුරු බලවේග මතුවිය හැකිය. නිර්මාණශීලී වූ ද අවබෝධ ඥාණය බලාතිවද භාග්‍යමත් ජීවන ගමන් මඟකට 2023 වසරේ පසුබිම සකස් වෙයි. බුද්ධිමත්ව ක්‍රියාකාරී වීමෙන් උසස් ආර්ථික ප්‍රතිලාභ භුක්තිවිඳිය හැකි ය. හදිසි අනතුරු මාරක අවස්ථාවන් ද නැතුවා නොවේ. පරිස්සම්වීම වැදගත් වේ.

කුම්භ ලග්නය

නැප්චූන් නිවෘත ලග්නගතවද භාග්‍යය වාසනාව යටපත්වෙන ප්‍රබල අමනුෂ්‍ය දෝෂයන්ද ප්‍රබලව බලපෑ හැක. රැකියා ආදායම් මාර්ග, ධනය, බලය ප්‍රබලව වර්ධනය වෙයි. සමාරම්භක කාර්යයයන් වැඩිදියුණු කරගැනීමෙහි ද අවස්ථාව උදාවෙනු පෙනී යයි. සමාජගත ක්‍රියාකාරීත්වයන් ඔබගේ ඉදිරිගමනට ද ශුභවාදී පැතිකඩක් වෙනු ඇත. රාජයෝග පොකුරක සුවිශේෂ බලවේගය ඔබහට ළඟාවෙයි. වාසනාවෙහි රුවන් දොරටුව විවර කෙරෙන 2023 ඔබට විජයග්‍රාහී නව වසරකි. සංසාරිකව ඔබ පසුපස හඹා එන භූත ආත්ම දෝෂය අනාගත සිතැගියන් බොහෝ දුරට බාධක අවහිර දුෂෟකරතා උදා කෙරෙනු ඇත.

මීන ලග්නය

ගුරු හිමි මමීන රාශි හිමියනට හංස යෝගබලය ඇතුළුව 10 වැන්නෙහි ප්‍රබල යෝග පොකුරක් උදාව පවතිනු පෙනී යන්නේ ය. මේ අනුව 10 වැන්න වූ වූ කර්ම ස්ථානය අති ප්‍රබලවද උදාව පවතිනු පෙනී යන්නේ ය. ජීවිත ගමන්මඟෙහි අසිරිමත් කාල පරාසය 2023 වර්ෂයෙහි සිට උදා වන්නේ ය. නිර්ණාමික, නාමික සොර සතුරන් ආශි‍්‍රතව ද ඊර්ෂ්‍යා වෛරී ක්‍රෝධකාරී පිරිස් ද මේ අතරම සිටින වග ද මනාව පෙනී යනු ඇත. ආරම්භක කටයතු අවසානය දක්වාම කරගෙන යන අතර අභියෝගාත්මක පැතිකඩයන් පුපුරුවා අභිමතාර්ථයන් සඵල කරගනු ලබන උදාරතර ජීවන මගක් සියලුම මීන රාශි හිමියන් ආශි‍්‍රතව පෙනී යන්නේ ය.