ග්‍රහලොව සිකුරු ග්‍රහයාගෙන් උදාවන්නාවූන් මාලවි යෝග බලයක් 2019 ඔක්තෝම්බර් මස 4 වන කිවිදින පාන්දර 5.16 ට සිකුරු තමාට ස්වක්ෂේත්‍ර රාශි භවනක් වූ තුලා රාශියට පිවිසිමත් සමග ඇතිවන අතර සිකුරු තුලා රාශියෙහි අඟහරුට අයත් සිත නැකතේ තුන්වන හා හතරවන පාදවලත් රාහුට අයත් සියාවස නැකතේ සම්පූර්ණවත් බ්‍රහස්පතිට අයත් විසා නැකතේ ප්‍රථම දෙවන තුන්වන පාදවලත් ගමනින් 2019 ඔක්තෝම්බර් මස 28 වන සඳු දින උදේ 8 පසුවී විනාඩි 33 දක්වාම සිකුරු බලවත්ව තුලා රාශියෙහි ගමන් කරනු ඇත.

විශේෂයෙන් මෙම කාල වකවානුව තුළ මේෂ, කටක, තුලා, මකර ලග්න හිමියන්ට සුබ ඵල අත්වන අතර ඉහත ලග්න වලින් මෙම වකවානුව තුළ උත්පත්තිය ලබන්නාවූ දූ දරුවන් කලාවට ලැදි මනරම් දේහයකින් යුක්ත උසස් තත්ත්වයට පත්වීමට වරම් ලබන පිරිස් බවට පත්වනු ඇත.

අප රට තුළ කාන්තා අභිවෘද්ධිය වෙනුවෙන් ද වැඩ කරන ජනතාව වෙනුවෙන්ද කටයුතු සම්පාදනය වන අතර වැඩකරන ජනතාවට වරප්‍රසාද ලැබෙන කාලයකි. රට තුළ දරු උපත් ද වැඩිවන කාලසීමාවක් වේ. විදේශීය උදව් ද ආයෝජන ද රට තුළ ස්ථාපිත වේ.