මේෂ 

වෙනදාට වඩා නිස්කලංකව කාලය ගත කිරීමට කැමැති දිනයකි. අමතර ලාභ හිමිකරන මාර්ග කීපයක්ද උදාකරයි. දරුවකු පිළිබඳ සතුටට පත්විය හැකි කරුණු කීපයක් සිදුවන අතර, ආගමික භක්තියෙන් කටයුතු කරන කාලයකි. 

 

වෘෂභ

වයසින් අඩු අය සමඟ ඇසුරට අවස්ථාව උදාකරයි. ගේ දොර කටයුතු සම්බන්ධ විශේෂ වෙනස්කම් කීපයක් සිදුකරයි. ඥාති හිතවතුන්ගේ උදවු උපකාර හිමිවන දිනයකි. ණය මුදලක් පිළිබඳ බලාපොරොත්තුවක් ඉටුවන බවක් පෙනේ. 

 

මිථුන 

පවුලේ අය අතර, හොඳහිත දිනාගෙන කටයුතු කිරීමට හැකිවන දිනයකි. එහෙත් කරගෙන යන කටයුතුවලට බාධාකාරි බවක් ඇතිකරයි. වෙහෙස ඇති ගමන් යෙදෙන බවක් පෙනේ. වාහනයක අඩුපාඩු කීපයක් සපුරා ගැනීමට අවස්ථාව සැලසේ. 

 

කටක

ශරීරික වෙහෙස මහන්සිය ගෙන දෙන දිනයකි. දරුවකුගේ කටයුතු වෙනුවෙන්ද වෙහෙසීම් වැඩිකරයි. නිතර පදිංචියෙන් පිට වාසයට හේතු ඇති කරන අතර, අඹුසැමි සුහදතාවයට බාධාවන අන්දමේ කටයුතු කීපයක් සිදුකරයි. 

 

සිංහ 

අතමිට මුදල් හිමිකරන අතර, අලුත් ව්‍යාපාර කටයුත්තකට අතගැසීමට ද අවස්ථාව උදාකරයි. තීරණ ගැනීමේදී දුර දිග සිතා බලන්න. පවුලේ කෙනකු සමඟ සිත් නොහොඳකමක් ඇතිවීමට ඉඩ ඇත. අතක වේදනාවකට ප්‍රතිකාර ලබා ගැනීමට සිදුවේ. 

 

කන්‍යා

වගකීම් බහුල කරන දිනයකි. විශේෂ උත්සව අවස්ථාවන්ට සහභාගිවීමට අවස්ථාව උදාකරයි. දේපළ සම්බන්ධ ගැටලුවක් විසඳා ගැනීමට හැකිවන බවක් පෙනේ. වාහන ගමන් පිළිබඳ සැලකිලිමත් වන්න. 

 

තුලා 

වෙනදාට වඩා ඇවිදිලි වැඩිකරයි. තීරණ වෙනසක් සිදුකිරීමෙන් ගැටලු කීපයක් මතුකරයි. පැරණි හිතවතකු මුණගැසීමට අවස්ථාව උදාකරයි. විශ්වාසය බිඳවැටීමක් හේතුවෙන් සිතේ නොසන්සුන්තාවයක් ඇතිකරන සතියකි. 

 

වෘශ්චික

විශේෂ සැලසුමකට අතගැසීමට කටයුතු උදාකරන දිනයකි. අලුත් රැකියා මාර්ගවලට හිමිකම් ඇති කරයි. පවුලේ මතභේදකාරි බවක් දුර දිග යාමට ඉඩ ඇත. ගුප්ත කටයුතුවලින් පිහිට පතන කාලයකි. වෙනදාට වඩා සිතේ කනස්සල්ලෙන් කටයුතු සිදුකරයි. 

 

ධනු 

විශේෂ ආදායම් මාර්ගයකට හිමිකම් ඇති දිනයකි. යටපත් වූ සෙම් රෝගයක් නැවත මතුවීමට ඉඩ ඇත. මවුපස ඥාතියකුගෙන් උපකාරයක් හිමිකරයි. වෙනදාට වඩා මුදල් වැයවන අන්දමේ කටයුතු යෙදෙන බවක් පෙනේ. පවුලේ දානමය කටයුත්තක් වෙනුවෙන් වෙහෙස මහන්සිවීමට සිදුවන දිනයකි. 

 

මකර 

දුරබැහැර ගමනක් වෙනුවෙන් සැලසුමක් ඇතිකර ගනී. නිතර පදිංචිය පිළිබඳ ගැටලු මතුවීමට ඉඩ ඇත. අසල්වාසීන් අතර, ඇතිවන සිත් අමනාපයක් දුර දිග යන බවක් පෙන්නුම් කරයි. පාදයේ ආබාධයකට ප්‍රතිකාර පැතීමට සිදුවන දිනයකි. 

 

කුම්භ 

අවිවේකී ලෙස දවස උදාකරයි. මානසික අවිවේකයට ද කරුණු යෙදේ. සහෝදර සිත් අමනාපයකට හේතු ඇති කරයි. එහෙත් හදිසි ලැබීමකට හිමිකම් ඇති කරයි. සමාජ සේවා කටයුතුවලට සම්බන්ධ වන දිනයකි. 

 

මීන 

සිතේ නොසන්සුන්තාවයක් ඇති කරන අන්දමේ කටයුතු කීපයක් සිදුකරයි. පැරැණි හිතවත්කමක් අලුත්වන ලකුණු පෙන්නුම් කරයි. දරුලාභ හිමිකම් ඇති අය වෙනදාට වඩා පරිස්සම් වන්න. තමා පි‍්‍රයකරන කෑම බීම ලැබීමට හේතු ඇති කරයි. අලුත් සැලසුමකට සම්බන්ධවීමට අවස්ථාව සැලසෙන දිනයකි. 

 

 ධම්මිකා රාජපක්ෂ