ශ්‍රී විසුද්ධාරාම ලුනාව දේවාල මහා විහාරස්ථානයේ නානුමුර මංගල්‍යය ආශිර්වාදාත්මක මහා පෙරහර දෙසැම්බර් මස 25 වැනි දින සවස 6.00ට පූජ්‍ය වීදියගොඩ පියනන්ද ස්වාමීන් වහන්සේගේ අනුශාසකත්වයෙන් සිදු කෙරේ. පුරාණ චාරිත්‍රාණුකූලව තුණුරුවන් නමස්කාර කිරීමෙන් අනතුරුව පස්වරු 2.00ට නානුමුර මංගල්‍යය දේවාල මන්දිරයේදී සිදු කෙරෙන අතර මේ මහා සංස්කෘතික මංගල්‍යය අලි ඇතුන්ගෙන් හා උඩ පාත දෙරටේ දර්ශනීය නර්තනවලින් ද යුක්තය. දහස් ගණන් විදුලි බුබුළුවලින් බබලන දැකුම්කලුමංගල රථයක ගම්භාර සිද්ධ සූනියම් දේවතාවුන් වහන්සේ සහ කතරගම දෙවිඳුන්ගේ ස්වර්ණමය ප්‍රතිමාවන් වැඩම කරවීම සිදුවේ.

විහාරස්ථ දායක සභාවේ සභාපති මලික් සමරවික්‍රම මහතා මේරි එළියතම්බි මහත්මිය විහාරස්ථ ප්‍රධාන බස්නායක නිලමේ ලාලින්ද අතුකෝරල, දීපාල් ද සිල්වා, ෂමේන්ද්‍ර මධුෂාන් මහතා සහ සංජීව නුවන් මහතා ඇතුළු මැති ඇමැතිවරුන් සහ ගිහි පැවිදි උතුමන්ගේ සහභාගිත්වයෙන් මෙය සිදු කෙරේ.