රවි කුජ හිමි වෘෂභ රාශියට යෑමෙන් ගොවිතැනට හිතකර කාලයක් උදා වෙයි...

2022 .11.16 වැනි බදාදා සිංහල පැය 32.42න් ලොව පාලනය කරන්නා වූ සූර්යය දිව්‍යරාජ තෙම කුජහිමි වෘශ්චික රාශියට පැමිණ 2022 දෙසැම්බර් මස 16 තෙක් එහි ගමන් කරනු ඇත.‘විසා එක් අනුර, දෙට වෘශ්චිකය රැස‘ කීවා සේ ගුරුහිමි විසා නැකතේ 4 වැනි පාදයත් ශනි හිමි අනුර නැකත හා බුධ හිමි දෙට නැකතේ සම්පූර්ණ පාදත් වෘශ්චික රැසට අයත් වෙයි. වෘශ්චිකය කුජගේ ස්වක්ෂේත්‍ර රැසයි. ලංකා කේන්ද්‍රයේ දසවැන්නයි. මේෂ රැසෙහි අට වැන්න වේ. මේෂ වෘශ්චික දෙකම කුජට අයත් වේ. රවි සංක්‍රමණ වෙලාවේ කිවි හිමි වෘෂභ ලග්නයත් සඳු හිමි කටක නවාංශකයත් උදාව තිබේ. ලග්නයේ කුජ ද 4 වැන්නේ සඳු ද 7 වැන්නේ රවි, බුධ සිකුරු ද 9 වැන්නේ ශනි ද 10 වැන්නේ නෙප්චූන් ද 11 වැන්නේ ගුරු ද 12 වැන්නේ යුරේනස් ද සිටී. පාපයින් වැඩි පිරිසක් කේන්ද්‍රගතවීමත් සඳු පාප පීඩිතවීමත් ගැන සිතා බැලිය යුතුය. ගොවිතැන් කටයුතු විධිමත්ව කරගෙන යාමට රජයේ අනුග්‍රහය හිමිවෙයි. වෙළහෙළදාම් වැඩි දියුණු වෙයි. විදේශ ආයෝජන වැඩි වන අතර මූල්‍යමය තත්ත්වයන් පිළිබඳව ගිවිසුම් සකස් වෙයි. ස්ත්‍රීන් හා ළමුන් සම්බන්ධව හිංසන වැඩි වීමක් දක්නට ලැබෙන නිසා ඔවුන් ගැන විශේෂයෙන් සැලකිලිමත් විය යුතුය. පාරිසරික විපත් ද බහුල විය හැක. මේ හේතුවෙන් මහජනතාව මානසික වශයෙන් උද්වේගකාරී තත්ත්වයන්ට පත්වන අතරම ඔවුන් තුළ විප්ලවකාරී අදහස් ද පෙන්වයි.

රවි මාරුව ලග්නවලට බලපාන්නේ මෙලෙසයි.

මේෂ

ලග්නයෙන් 8 වැන්නට රවි පැමිණේ. 6-7 අධිපතීන්ද රවි හා එක්ව සිටියි. පවුල් ජීවිතවලට අනතුරු දායක වේ. සමඟි සම්පන්නව ජීවන ගමන යායුතු කාලයකි. විදේශ ගමන්වලට යෝග්‍ය කාලයකි. ආදායම් සේම වැය පසද වැඩි වන කාලයකි.

ඒ තුළ අනාගතය ජය ගැනීමට හැකි විධිමත් සැලැසුම් ඉදිරිපත් වනු ඇත. ආර්ථිකමය වශයෙන් දැක්මක් සහිත සෘජු ගමන් මාර්ගයකට පිවිසෙන්නට ව්‍යාපාරිකයනට ඉඩ හසර එළිපෙහෙළි වනු ඇත.

ලග්න දොළොසටම ගුණාත්මක මෙන්ම ධනාත්මක බවක් විද්‍යමාන කෙරෙයි. විදෙස් උපකාර හිමිවනු ඇත. රාජ්‍ය භාණ්ඩාගාරය තරවෙන ලකුණු පෙනෙයි. අඩු ආදායාම් ලාභීන්ගේ සිතැඟියාවන් මල්ඵල ගැන්වෙන කාලසීමාවකි. සාහිත්‍ය කලාවේ මෙන්ම ගමනාගමනයේත් නව ප්‍රබෝධයක් ඇතිවේ. ගොවි, කම්කරු හා කාර්මික අංශ නියෝජනය කරන ජනතාවට රාජ්‍ය අනුග්‍රහය ලැබෙන කාල වකවානුවකි. කාර්මික කෘෂිකාර්මික සංවර්ධනය උදෙසා සිකුරු වෘශ්චික රාශි ගත වීම අතිශයින්ම ප්‍රශස්ත වෙන්නකි.

එහෙත් ඥානකාරක බුධ ග්‍රහයා 06 වැන්නේ සිකුරු සමඟ යෝගවීම නළු නිළියන්ට, ප්‍රභූන්ට, කලා ක්ෂේත්‍රෙය් නියැළි පිරිසට සුබවාදී බවක් නොපෙන්වයි. මේ අතර 13 වැනි දින කුජ වෘෂභ රාශිගත වීම ගැන ද සලකා බැලිය යුතුය. එළැඹෙන ජනවාරි 14 දක්වා කුජ වක්‍රය පැවතීම අනෙකුත් ග්‍රහ රාශිගතවීම් මඟින් ලබා දෙන යහපත් ඵල අඩපණ කිරීමට සමත් වන හේතුවක් වන්නේය. එනිසා ස්වභාවධර්මයාගේ උවදුරුවලට ජනතාවට මුහුණුපෑමට සිදු වනු ඇත. සමාජමය වශයෙන් සිදුවන කඩාකප්පල්කාරි වැඩවල ද අඩුවක් නොවනු ඇත.

ප්‍රවීණ ඡ්‍යෝතිෂවේදී - වැලිගම

කේ.එච්. ධනපාල